týsdagur 15. oktober 2013síða 18

Mikudagur 16. oktober 2013 · Nr. 119 18 Sosialurin Hugskot og viðmerkingar – send sms til 225000 Ver við tá Mentanartjaldið á Glyvrum letur upp uttanfyri Orkis og Shop In. Tjaldið letur upp sunnu­ dagin við at vara­borg­ar­stjór­ in Tórbjørn Jacobsen held­ ur røðu. Aftaná verður eitt tón­leikainnslag við livandi tónleikur við Tóka Joensen (klarinett), Kristinu Troest Davidsen (violin) og Mary Frederiksberg (tvørfloyta). Mánakvøldið verður móta­kvøld í tjaldinum og hós­kvøldið verður Gourmet Grill­kvøld við Gutta Wint­her, har Gutti grillar fyrsta­floks fisk og lambskjøt til øll, sum hava teknað seg. Fríggjakvøldið verður fiska­mark­naður við fiski frá Sjó­gæti. Leygardagin skip­ ar nýstovnaða rennifelagið Roysni fyri heilsudegi í tjald­ inum, har øll eru hjartaliga vælkomin. Øll er hjartaliga vælkomin at vitja Mentanartjaldið á Glyvrum. Sí skrá á: www.mentanarvikan.fo Vælkomin til Mentan­ar­ vikuna “Skýming” í Runa­vík. Mentanarvikan verður í døgunum 20. til 27. oktober 2013, og er hetta 9. árið á rað, at Mentanarvikan verður hildin, samstundis sum vinnu­stevnan Faroexpo er. Vit hava lagt nógva orku í at menna Mentanarvik­ una ár undan ári, og sjálvur haldi eg, at skráin til hesa Ment­anarvikuna er stak spenn­andi og áhugaverd og er fjølbroyttari enn nak­ran­ tíð áður. Í skránni er nógv at finna bæði til gamans og álvara – her er veruliga nakað fyri øll - so vit vóna, at undirtøkan verður góð. Eg vil tí sum borgarstjóri ynskja øllum - bæði nær og fjar - hjartaliga vælkomin at vitja okkum her í Runavík hesar dagar, við ynski um, at vit øll uppliva nakrar góðar og gevandi dagar. Setan av Skýming 2013 & Heilsutiltak Eins og áður fer Mentan­ ar­vikan í Runavík at bjóða hóp­in av tiltøkum fyri allar ald­ursbólkar. Byrjað verður við eini setan í Løkshøll sunnu­dagin 20. okt. kl. 15.00, har Siri Sørensen, blaðstjóri á Kvinnu, heldir setanarérøðuna. Á skránni verður m.a. kórsangur við Gøtu Kirkju Ungdómskóri, estet­iskur fim­ leikur, upp­lest­ur við felag­ num Vencil, tónl­eikainn­slag við musiks­kúlanum og eis­ini fer hornorkestrið at spæla. Tiltakið er ókeypis! Aftaná verður skipað fyri heilsutiltaki, har møguleiki verður at fara gongu- ella rennitúr. Allir luttakarar fáa húgvu og vatn frá BankNordik um­ framt endurskyn fra Trygd. Familjutiltak Mentanarvikan byrjar longu leygardagin 19. oktober kl. 14.00 við einum familjutil­taki í Løkshøll. Í ár verður eitt forvitnis­ ligt sápubløðrushow at síggja, og Jákup Veyhe fer at for­telja um ‘Tey í Mórugøtu’, sum vit kenna so væl frá barnaútvarpinum. Beinir Troest Rasmus­ sen og Maria á Lakjuni, sum bæði nýliga hava givið fløgu út, fara at framføra nakrar sangir, og Ásbjørn Berthelsen fer at framføra eitt størri og øðrvísi gyklashow enn vanligt. Atgongumerki kunnu keyp­ast á heimasíðuni www. loksholl.fo ella við dyrn­ar ein tíma undan sýning­in byrjar. Mentanartjaldið letur upp – Tórbjørn Jacobsen heldur røðu Sunnudagin kl. 18.00 Faroexpo Ráðstevnan 2013 Tíðindaskriv Altjóða Vinnustevnan Faro­ expo, sum verður hildin í Runavík frá 23.-25. oktober, hevur nógv áhugavert at bjóða luttakarunum. Um­ framt partenariatið, sum hesaferð verður hildið í ítróttarhøllini á Skála, verð­ ur m.a. ein almenn ráðstevna í Løkshøll. Almenna Faroexpo Ráð­ stevn­an verð­ur hild­in fríggja­ dag­in 25. okt­ob­er kl. 13.00- 16.45. Heitið á ráð­stevnu­ni í ár er Før­oys­ka Fiski­vinn­an Uttan­fyri ES. Fimm fyri­ lest­ra­hald­arar um­framt eitt kjak­panel, fara at mynda ráð­ stevnuna. Ráðstevnan er býtt í tveir partar. Hin fyrri part­ urin, áðrenn steðgin, verð­ur nevndur Verandi Mark­nað­ arstøða og hin seinni Nýggj Mark­naðarstøða. Aftaná fram­løgurnar verður skipað fyri einum kjakpaneli við Una Arge sum orðstýrara. Føroyar sum brøðrartjóð ella plága Torstein Solem, dagligur leiðari hjá Norsk Pelagisk Forening, fer at tosa um fiskivinnusamstarvið við bæði Føroyar og ES. Eis­ini fer hann at greiða frá teimum sjónarmiðum norskan vinnan hevur í mun til føroysku støðuna í fiski­ vinnuhøpi. Pelagiska vinnan á nýggj­ um heimsmarknaði Bogi Simonsen, frá fyritøkuni North Pelagic, fer at tosa um nýggju marknaðarstøðuna, og um hvussu pelagiska vinnan fótar sær síðan ES foringarnar vóru kunn­ gjørd­ar. Eisini greiðir hann okk­um frá teirra útlitum og ætlanum. ES er svarið ES setir krøv og avmark­ing­ar. ES ber seg skeivt at við­hvørt. Men ES tryggjar stabilitet í Europa. Og ES kann geva okkara vinnu teir møguleik­ ar, henni tørvar. Skulu Før­ oyar mennast, kunnu vit ikki velja ES frá. Hetta er m. a. tað Sjúrður Skaale, før­oyskt fólkatingsumboð, fer at tosa um í síni framløgu. Alternativir marknaðir Gustaf Baldvinsson er sølu­ stjóri hjá Seagold í Bretlandi og Ice Fresh Seafood í Íslandi, sum bæði eru dóttirfeløg hjá Samherja. Við støði í roynd­ unum hjá íslendingum fer Gustaf Baldvinsson at greiða frá teirra royndum á altjóða marknaðum. Eisini gevur hann sítt boð uppá, hvussu ein komandi marknaðarstøða fyri Føroyar kann síggja út. Avleiðingar fyri aðrar vinnur Á ráðstevnuni tosar Bergur Poulsen, formaður í Føroya Arbeiðsgevarafelag og fyrr­ verandi stjóri á Havsbrún, um tær avleiðingar ES forð­ ing­arnar hava fyri aðrar vinn­ur í Føroyum. Ráðstevnan er ALMENN Fyrilestrarnir eru viðkom­andi bæði hjá eintaklingum og virkjum. Ráðstevnan verður hildin á skandinaviskum og enskum máli. Kunning og tilmelding á www.faroexpo. fo. Til ber eisini at ringja til VRG tlf. 666600. Um luttikið verður í ráðstevnuni, ber eis­ ini til at tekna seg til veitslu­ døgurðan, ið verður hildin í nýggja Skótahúsinum við Løk­in fríggjakvøldið 25. oktober kl. 19.00. Føroyska Fiskivinnan Uttan fyri ES Sí teinar á kortinum , ið kunnu rennast/gangast frá Løkshøll!