mánadagur 28. oktober 2013síða 14

Mánadagur 28. oktober 2013 · Nr. 124 14 Sosialurin Hugskot og viðmerkingar – send sms til 225000 ítróttur ítróttartoymi M einingarnar eru ógvuliga ymiskar um uppskotið hjá TB, um vit eiga at fylgja tí íslendska kappingarstrukturinum við 12 liðum í fremstu fótbóltsdeildini, sum møtast heima og úti. Talan hevði verið um 22 umfør, har rættvísisprinsippið er galdandi við einum heimadysti og einum útidysti ímóti hvørjum liði. Sama rættvísisprinsipp verður so aldrin galdandi, tá lið møtast tríggjar ferðir, tvær ferðir úti og eina ferð heima, ella eina ferð úti og tvær ferðir heima. Ein fremsta deild við 12 liðum hevði eisini givið eina størri landafrøðiliga umboðan. Vit hava havt 9 kappingár við 27 umførum, og spælarar, nevndir, miðlar og viðhaldsfólk hava vant seg við frimilin, og tað er møguliga orsøkin til, at ein rímiliga stórur partur av fótbólts-Føroyum vil halda fast við núverandi kappingarstrukturin? Ein triði bólkur er nú eisini uppstaðin, sum sigur, at tey vilja heldur hava átta lið í bestu deildini, sum møtast tvær ferðir heima og tvær ferðir úti, also 28 umfør. Hetta hevði givið fleiri intensar dystir, og hevði ment teir fremstu spælararnar enn meira. Tey sum halda fast við átta lið endurtaka eisini, at næstbesta deildin hevði verið nógv meira spennandi, og hevði havt nógv fleiri fyrstu lið hjá fleiri feløgum kring landið, og hevði tí verið ein kapping, sum hevði vakt størri áhuga millum manna. Ein deild við 12 liðum, um enn hon hevði givið nakrar dystir við stórtapum, og eina stóra frástøðu millum tey fremstu og aftastu liðini hevur tó eitt ógvuliga gott perspektiv, sum ein fremsta deild við 10 ella 8 liðum ikki hevur. Siga vit, at tað eru í snitt 15 spælarar á hvørjum liði, sum fáa nógva spælitíð, so mennir ein fremsta deild við átta liðum bara 120 spælarar. Ein fremsta deild við 10 liðum mennir mennir 150 spælarar, meðan ein fremsta deild við 12 liðum, sum TB skýtur upp hevði ment heilar 180 spælarar. Jú ein deild við 12 liðum hevði havt sínar vansar, men eitt argument sum sigur, at vit skulu menna 180 spælarar í fremstu fótbóltsdeildini eigur at viga tungt, tá fótbóltsfeløgini skulu umrøða framtíðar kappingarstrukturin. Allir steinar mugu vendast, áðrenn ein endalig avgerð fellur. Skulu vit menna 120 ella 180 spælarar? www.ab.fo: (Sjurður Olsen) “Bill er ein sympatiskur og grundigur venjari, sum passar perfekt til okkara uppbyggingarfasu. Konseptið hjá okkum er at byggja felagið upp við egnum leikarum” www.b36.fo: Vit fingu onga hjálp, men tað nýttist heldur ikki. Við tryggum 3-1 sigri í Fuglafirði syrgdu okkara menn fyri, at B36 spælir í Europa í 2014 www.vikingur.fo: So var kappingarárið '13 av og tað bleiv til eitt 6. pláss í einum lítið undirhaldandi seinasta dystið við Stórá. www.tb.fo: Tá 10 minuttir restaði í, bleiv Óli Johannesen settur inn. Hetta var møguliga seinasti dysturin hjá Óla fyri TB, hetta fáa vit vónandi avgreitt innan langa tíð. Teitur Olsen var tikin út fyri Óla, sum fór fram í álopið. Legendan og protégé’in. www.hb.fo: Endabresturin við Løkin var eitt brak av einum dysti, sum tíverri ikki koppaði okkara veg. NSÍ hevði meira at stríðast fyri, men hóast teir fult uppiborið vunnu ein góðan og greiðan sigur á okkum, rakk hetta ikki til heiðurskrónur í ár. www.07vestur.fo: Eisini ársins leikari 2013 bleiv kosin í gjárkvøldið, og tað var málverjin, Andras Gango, ið streyk avstað við heiðrinum. Tað var rættiliga javnt í atkvøðugreiðsluni. Áðrenn tvær tær síðstu atkvøðurnar komu inn, stóð á jøvnum millum fýra leikarar. www.nordlysid.fo: 11.389 gjaldandi áskoðarar sóu KÍ á heimavølli í 2013, ið gevur eina knappa millión í inntøkum. www.portal.fo: A-landsliðið hevði havt trupulleikar móti einum fullmannaðum HB-liði. Tað heldur HB-venjarin Oddbjørn Joensen, sum kallar hópin hjá HB í ár fyri tann besta nakrantíð í føroyskum fótbólti. Heimasíðurnar skriva: Ítróttar klumman Heri Simonsen Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen Pætur Eyð. Jensen Birgit og Sofía vunnu aftur Tróndur Arge – Vit vunnu ein lættan 3-0 sigur ímóti Køge. Sjálvt um vit ikki fingu serliga nógva mótstøðu, klaraðu vit væl at halda okkara støði, sigur Sofía Purkhús, sum saman við Birgit fekk spælitíð í dystinum. – Tað gekk gott. Vit spældu við munandi færri feil­um frá okkara síðu enn sein­asta dyst. So vit kunnu ikki klaga um byrjanina av kapp­ingarárinum higartil, sigur Birgit Guttesen. Sofía Purkhús byrjaði inni men spældi bara tað eina setti, meðan Birgit kom inn seinni í dystinum og gjørdi góðan mun. – Birgit spældi nógv inni í dag. Hon var í øllum førum ein av okkara profilum í álop­inum, og vann nógvar góðar bóltar. Eg spældi ikki so nógv meira enn eitt sett, tí eg, saman við venjaranum, avgjørdi, at eg ikki skuldi spæla so nógv meira enn eitt sett hendan dystin vegna mín skøddu øksl, sigur Sofía Purkhús. Tær skulu í næstum luttaka í NCC kappingini, sum er ein kapping fyri lið úr norðurlondum. – Tá spæla vit 3 dystir uppá 3 dagar, ímóti einum íslendskum, svenskum og donskum liði. So vónandi verið eg klár til teir dystirnar sigur Sofía Purkhús. Tær leggja tó afturat, at tað sleppa bara 12 spælarar frá Frederiksberg við til kapp­ingina. Tað merkir, at ein spælari í hópinum sleppur ikki við. Birgit og Sofía vóna báðar at sleppa upp í part til kappinga. Frederiksberg Volley, við Birgit Guttesen og Sofíu Purkhús á liðnum, vann aftur hetta vikuskiftið. Tær vunnu fyrsta dystin farna vikuskiftið og hesa ferð vunnu tær 3-0 á Køge, sum er uppflytari í bestu flogbóltsdeildini í Danmark Pál Joensen tryggjaði føroyingum greipuna í 1500 metra frísvimjing á donsku regións­meistara­stevnunum, tá ið hann á Østdanske Kortbanemesterskaber í Farum svam teinin uppá 15:00.85, har Alvi Hjelm hevði vunnið tilsvarandi teinin í Århus. Mynd: Privat