fríggjadagur 22. november 2013síða 18

Fríggjadagur 22. november 2013 · Nr. 135 18 Sosialurin Hugskot og viðmerkingar – send sms til 225000 Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, og Bjørg Róin, lærari á Føroya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin.fo, og so svara Holger og Bjørg tær her í Sosialinum. Nýtt Útbúgvingarskipanin í Føroyum spurningar Spurnarsíðan Spyr og fá svar um útbúgvingar. Allar. Allastaðni. Spurningur 1 SU til danska útbúgving, men búgva í Føroyum? Kann mann fáa SU til eina danska, su- góðkenda útbúgving, tá ið mann býr í Føroyum og hvat ger mann so, um mann ikki hevur danskt CPR.nr.? Svar (Su-styrelsen) Ja. Um føroyingar ikki hava eitt danskt CPR.nr., skulu studentarnir fylla eitt pappírsoyðublað til hægri útbúgvingar fyri 2013 út. Hetta er at finna á www.setur.fo/ ASK. Framferðarhátturin hjá studentu­num er síðani: Teir senda útfylta oyðublaðið til útbúgv­ing­ ar­stað­ið í Danmark. Tá útbúgvingarstaðið hevur mót­tik­ið umsóknina, fáa vit (SU- styrelsen) eitt CPR-nummer til vega hjá SKAT. Fyri at kunna tað, skal eitt kopi av passinum hjá tí lesandi vera lagt við. SKAT gevur tí lesandi boð um tað nýggja CPR-nummar­ið. Tá CPR-nummarið er komið, setur tann lesandi seg í samband við útbúgvingarstaðið, sum viðger umsóknina um SU. Vinaliga Holger og Bjørg Spurningur 2 Sjálvlesandi Eg eri studentur frá 2012, sum nústani veit, hvat eg vil lesa víðari. Men fyri at sleppa at útbúgva meg til hetta, má eg supplera, tí mær manglar tvey fak. Eg havi tey á c-stigi, men kravið er, at eg í minsta lagi skal hava tey á b-stigi. Av tí at eg arbeiði í Føroyum og vil halda fram við hesum, ætli eg mær at vera sjálvlesandi. Hvussu skal eg bera meg at? Takk fyri! Svar: Nú fer øll tilmelding sum sjálvlesandi fram centralt hjá MMR. Tú skalt fara inn á www.innskriving.fo Har stendur millum annað : Treytir fyri innskriving í miðnámsskúla: 1. Tú skalt sjálv/ur í seinasta lagi 1. februar 2014 hava tosað við lestrarvegleiðara á skúlanum, tú hevur innskrivað teg til sum sjálvlesandi. 2. Hevur tú ikki í seinasta lagi 1. februar 2014 tosað við lestarvegleiðara og faklærara/r og avtalað fyribils pensum, ert tú ikki innskrivaður til provtøku, og inngoldna upphæddin verður ikki goldin tær aftur. 3. Tú skalt í seinasta lagi 25. februar 2014 hava avtalað endaligt pensum við faklærara/r í tí/teimum lærugrein/um, tú hevur innskrivað teg til próvtøku í. 4. Tá ið tú innskrivar teg til próvtøku í lærugrein á A- ella B-stigi, skalt tú í nógvum lærugreinum hava lokið stigið beint undir. 5. Innskrivingin kostar 300 kr. fyri hvørja lærugrein. Meira útgreinað vegleiðing er eisini á: innskriving.fo Á studentaskúlanum í Hoydølum eru eisini hesar treytir : Tá tú hevur innskrivað teg, skalt tú umframt prógv (nevnd omanfyri) eisini senda navnabræv/dópsváttan til skúlan, og tá skúlin hevur móttikið hesi skjøl, fært tú navn á lærarum, sum skulu føra teg til próvtøka, og tú fært pensumlista. Vinarliga Holger og Bjørg Hevur tú ætlanir um at lesa í Stóra Bretlandi í 2014? UCAS-vegleiðing á Føroya Handilsskúla 2. desember kl. 19. Altjóða Skrivstovan skipar fyri kunning og vegleiðing í at fylla UCAS-umsóknarbløð fyri 2014 út. ÚSUN-skipanin verður ikki broytt kortini ÚSUN verður ikki lagt um til lán kortini. Fyrr í ár var talan um at leggja ÚSUN um til lán, um móttakarin av studninginum ikki kom heim aftur til Føroya innan eitt ávíst áramál eftir loknan. Nú hevur Mentamálaráðið viðgjørt spurningin um umlegging av studningi partvíst til lán til føroyingar, ið lesa uttanlands (ÚSUN), av nýggjum, og niðurstøðan er, at ongar ætlanir eru í løtuni um at broyta ÚSUN-skipanina. Fólkaskúlin er 9 ella 10 ár. Undirvísingarskyldan er 9 ár. Síðani kanst tú velja at fara víðari til antin gymnasialar miðnámsútbúgvinger ella yrkisútbúgvingar, um tú ikki fert úr skúlanum og finnur eitt arbeiði. Útbúgvingar á hesum stigi vara 2 – 4 ár. Stuttar framhaldsútbúgvingar eru 1-2½ ára langar útbúgvingar sum t.d. Teldustøðingaútbúgving, Framleiðslu- og byggitøkningur. Proffessiónsbachelorútbúgvingar hava vit ikki í Føroyum í løtuni, men nógv taka slíkar útbúgvingar í Danmark, t.d. ergoterapeut, journalist og socialráðgevi. Universitetsútbúgvingar eru deildar upp í 3 ára bachelorútbúgvingar og við 2 árum áftaná verður mann kandidatur/master. Vit hava 10 bachelorútbúvingar í Føroyum í 2013, t.d. lívfrøði, søgu, og eina masterútbúgving, sum er í føroyskum. Ph.d.-lestur er ein 3 ára granskaraútbúgving. Les meiri: www.mmr.fo, www.fh.dk, www.tst.fo, www.setur.fo Ph.d.-lestur Kandidat-/Masterútbúgvingar Stuttar framhalds- útbúgvingar Professións- bachelor- útbúgvingar Bachelor- útbúgvingar Yrkis- útbúgvingar Fólkaskúlin Gymnasialar útbúgvingar Pílarnir við upptrekktum strikum geva beinleiðis atgongd til næsta stig, meðan pílarnir við brotastrikum geva atgongd við møguligari supplering/frítøku.