týsdagur 3. desember 2013síða 20

Mikudagur 4. desember 2013 · Nr. 140 20 Sosialurin Hugskot og viðmerkingar – send sms til 225000 Tunnilsdagur leygardagin 7. desember norðoya- og vágatunnilin Leo Poulsen Tað merkist av álvara, tá Norð­oyatunnilin og Vága­ tunnilin bjóða fólki at koyra ókeypis ígjøgnum. – Tað merkist heilt væl. ferðalsn í Norðoyatunnlinum trífaldast, meðan ferðslan í Vágatunlinuym tvífaldast, sigur Uni Danielsen, stjóri í tunlunum báðum. Skipað verður fyri fýr leygardøgum um árið, tá tað er ókeypis at koyra gjøgnum tunlarnar. – Vit royna at hava tveir leygardagar, ið liggja nærmast at »føðingardøgunum« hjá tunlu­num. Nú er tað Vága­tunnil­in, ið fyllir ár 11. desemb­er, meðan Norðoya­ tunnil­in fylir í apríl, sigur Uni Danielsen. Meðan tveir av døgunum eru tengdir at, nær tunlarnir fylla, fáa vinnufeløgini í Vágum og Norðoyggjum loyvi at ger av hionar báðar dag­ar­nar, tað er ókeypis at koyra gjøgnum tunlarnar. – Tað er soleiðis tað gong­ ur fyri seg, at tað haldi eg, at vinnu­feløgini eru glað fyri, sigur Uni Danielsen. Tunlarnir hava hagtøl fyri, hvussu nógv fólk ferðast og hvønn veg tey ferðast. – Í Norðoyatunlinum vísir tað seg, at flestu bilarnir fara norðureftir um morgunin, og so suðureftir seinni upp á dagin. So til ber at siga, at fólk fara úr Eysturoynni til Klaksvíkar at keypa, sigur Uni Danielsen. Gamalt hugskot Hugskotið at hava ókeypis dagar at koyra ígjøgnum tunlarnar, tók seg upp longu tá tunlarnir vóru bygdir. – Eg haldi tað byrjaði við einum degi, har tað var ókeypis soleiðis, at fólk kundu royna at koyra gjøgnum tunlar­nar, bara fyri upp­liv­ingina, sigur Uni Danielsen. Men tað var so skjótt, at hetta gjørdist fast, fýra ferðir um árið. – Nú er tað vorðið tradi­ tión, so nógv, at tunnils­dagar­ nir standa feldir í kalendarar­ nar í hvussu er eitt ár fram. Eg siti beint nú við einum kalendara fyri 2014, og har standa tunnilsdagarnir í, sigur Uni Danielsen. Hann heldur, at hetta eru spennandi dagar fyri handils­lívið. – Handlarnir gera í hvussu er nógv burtur úr, bæði við lýsingarbløðum og við long­ um upplatingartíðum, sigur Uni Danielsen. Reint tekniskt er tað soleiðis, at gjaldsskipanin heilt einfalt slær frá. – Skipanin verður slig­ in frá klokkan seks leygar­ morgunin, og sligin til aftur klokkan seks sunnu­morgun­ in, sigur Uni Danielsen. Ókeypis dagarnar verður sum nevnt nógv koyring gjøgn­um báðar tunlarnar, men tað er tó nakað, ið kann fáa ávirkan á, hvussu nógv fólk ferðast. – Tað er veðrið. Er veðrið vánaligt og hált, kann tað hava eina ávirkan á, hvussu hugurin hjá fólki er at koyra ókeypis gjøgnum tunlarnar báðar, sigur Uni Danielsen. Ókeypis at koyra gjøgnum tunlarnar Leygardagin verður ókeypis at koyra gjøgnum Norðoyatunnilin og Vágatunnilin, og tað er nakað, ið gera sær dælt av Fleiri hundrað fólk inni á gólvinum Hjá Cheap og Beintu Klakkstein merkist tað av álvara, tá tunnilsdagur er, og tað merkist eisini á umsetninginum Leo Poulsen Tá tunnilsdagur er merkist tað altíð handlunum í Klaks­vík. – Vit hava fleiri hundrað fólk inni á gólvinum, onkur hevur hug at siga túsund. Men tað er kanska at taka munnin í so fullan, sigur Beinta Klakkstein. Men tað merkist hvørja ferð, at tunnilsdagur er. – Vit royndu at geva út eitt tunnilsblað, men tað gjørd­ust ov fá, ið vóru við, og so gjørdist tað ov dýrt, sigur Beinta Klakkstein. Handilsfelagið í býnum er heldur ikki so virkið í løt­ uni, men tey hava so stovnað eitt handils­sam­tak. – Tað er gjørt í samstarvi við Norðlýsið, og vit hava lýst nakað har. Gamla handils­felagið er lítið aktivt í løtuni, sigur Beinta Klakkstein. Tunnilsdagar eru fýra ferðir um árið, og tað merk­ ist væl hjá handlunum í Klaks­vík. – Allarflestu handlar hava opið til klokkan 22, og heilt fram til klokkan 20 streymar fólk inn í handlar­ nar, áðrenn streymurin byrjar at slaka. Men fólk koma heilt fram til klokkan 22, sigur Beinta Klakkstein. Vanliga plaga tey eisini at hava nøkur serlig tilboð tunnilsdagin, og soleiðis verður eisini hesaferð. – Vit plaga at finna út av onkrum, og tað gera vit nokk eisini hesaferð, sigur Beinta Klakkstein.