hósdagur 12. desember 2013síða 34

nr. 144 · 13. desember 2013 2 VIKUSKIFTI Facebook Eyðun Klakstein eydun@sosialurin.fo Millum øll tey mongu jaligu og glaðu boðini á Facebook, sum fáa himmal­ vendar tummilfingrar, eru eisini status, har fólk hava minni góð tíðindi at bera. Tað gongur kanska illa við heilsuni ella onkrum í gerandisdegnum, okkurt er hent í nærumhvørvinum ella fólk hava tað minni gott ella stúra fyri onkrum. Tá tykist tað løgið at trýsta á »dáma« knøttin fyri at viðurkenna fólk ella stuðla teimum. »Kanin hjá mær er deyð« – og so 34 tummilfingrar. Bretska blaðið The Telegraph veit at siga, at Facebook umhugsar ein nýggjan knøtt. Ein knøtt, har fólk kunnu hava sam­kenslu við hvørjum øðrum. Ein sympati­knøtt. Sambært blaðnum er Facebook komið langt við menningini av hesum knøtti. Knøtturin kemur Eitt av fólkunum, sum arbeiðir við at menna Facebook, sigur við The Telegraph, at ætlanin er, at nýggi sympati­knøtturin bert skal verða til staðar við­hvørt. Facebook skal læra seg at skilja ímillum, nær eini boð eru góð og glað, og nær tey eru meira keðilig og stúrin. Og brúkararnir skulu eisini sjálvir kunna geva ábendingar um, hvørt boðini eru góð ella minni góð. Og so kunnu vinirnir fáa møguleika at hava samhuga við boðunum og brúkar­ anum. Sambært The Telegraph er knøtturin, tá ið fólk »dáma« okkurt á Facebook fram­vegis sera væl umtóktur, og Face­ book hevur hug at bíða við at leggja ein nýggjan knøtt afturat, men sambært blaðnum tykist ivi ikki verða um, at sympatiknøtturin fer at koma. Nógv at missa Redaktørur: Eyðun Klakstein Útgevari: Sosialurin, www.sosialurin.fo Sniðgevi/umbróting: Pætur Eyðunsson Jensen, Sosialurin Forsíðumynd: Marita Dalsgaard / Mynd: Álvur Haraldsen klumman Facebook vil geva sínum brúkarum møguleikan at trýsta á ein sympatiknøtt, tá ið tú hevur samhuga við einum keðiligum boðum hjá tínum vinum So segði hann... Facebook fær knøtt til samhuga – Eg haldi eisini, at diktatur er besta stýrið, ið finst, um tú hevur rætta mannin til tað. Tess færri, ið eru um at taka avgerðirnar og fremja tær í verki, tess effektivari og skjótari gongur alt fyri seg. Jan Christiansen, fyrrverandi borgarstjóri í Tórshavnar kommunu Í framtíðini fært tú helst møguleikan at hava samhuga við boðum frá tínum vinum á Facebook Simona Weihe Høvdu gomlu kommunistisku londini havt avlurtingarmøguleikarnar, sum landsstýrið ætlar at seta í gildi í Føroyum, er ilt at gita, hvussu tað hevði spælt av! Enn hóra Norðurkorea og Kina. Vit hoyra og lesa um ræðuleikar og forfylging av borgarunum har. Ivist ikki eina løtu í, at teir brúka allar avlúringarmøguleikar, sum finnast. Hjá okkum verður roynt at fáa tað at ljóða so væl, at við at geva løgregluni nýggjar og meira víðgangandi avlurtingarmøguleikar, kunnu vit t.d. fyribyrgja, at rúsevni koma inn í landið. Ávíst áramál av væntaðum dómi skal vera incitament at loyva av­ lurting. Teldubrotsmenn av øllum handa slagi verða eisini nevndir sum álvarsom hóttan við m.a. kursmanipulatión, hacking, telefontíðarstuldri og øðrum beistagerðum. Um nakað veruligt hald er í hesum grundgevingum verður onki tosað um. Einasti trupulleikin er kostnaðurin. Ein heldur tollut viðmerking frá politikara var, at vit 48.000 sálir her úti í Atlantshavi ikki bara kunnu láta sum einki, tá m.a. Danmark tekur hesa tungu byrðu við avlurting á seg. Tað var tann tíð tá p-talið kom. Á, sum tað skuldi vera væl vart. Nú flagsar tað runt í øllum tínum samfelagsviðurskiftum. Og tað er so sjálvsagt at brúka tað, tá tað ger allar viðgerðir, avgerðir og avgreiðslur so nógv lættari! So søgan sigur okkum, at tað er eitt sindur bláoygt at halda, at tá vit geva leyst, sum í hesum føri til avlurting av brotsmonnum, at so steðgar tað har. Hví ikki spyrja okkum sjálv, um vit veruliga ynskja eitt samfelag, har møguleikin er til staðar at avlurta og avlúra alt og øll! Og soleiðis missa nógv meira enn vit vinna. Nú fáa vit at síggja. Tað man ivaleyst fara at glógva í onkrum. Men verður lógin hóast alt sett í gildi, so kanst tú altíð royna at finna okkurt hent, sum hon einaferð í framtíðini kundi verðið brúkt til. T.d. um vit eitt nú skulu útnevna ein kanningarstjóra, so hevði tað verið so deiliga lætt hjá løgtingsformanni bara at trýst á print og so havt allar við­kom­ andi upplýsingar um persónin í hondini. Og tá høvdu vit væl og virðiliga lagt Orwell afturum okkum!