hósdagur 19. desember 2013síða 6

Fríggjadagur 20. desember 2013 · Nr. 147 6 Sosialurin Hugskot og viðmerkingar – send sms til 225000 tíðindi Rólant Waag Dam Kaj Leo Holm Johannesen var ógvuliga greiður í síni talu í Sosialinum miku­dagin 23. oktober. Evnið var lønar­við­ur­ skiftini hjá land­stýris­fólkum og løg­manni, har serliga eftir­lønar­viður­skiftini hava við sær, at samlaða lønin hjá hesum fólk­um er ørandi høg. Sosialurin hevur saman við serfrøðingum áður rokn­að seg fram til, at eftir­løn­in hjá løgmanni og landsstýrisfólki hevur í með­al eitt virði á tvær millión­ir krónur um árið. Hetta er galdandi eftir at lands­stýris­fólkið ella løg­ mað­ur hevur verið átta ár í Tinganesi, og er galdandi so leingi tey og hjúnar­felagar teirra eru á lívi. - Eg havi ikki havt politiska undirtøku fyri at broyta hesi viðurskifti. Men nú, eftir at ljós er varpað á málið, tykist tað sum um stem­ning­urin er vendur. Nú skal hetta fáast uppá pláss, segði løgmaður, við Sosialin tann 23. oktober. Men nú vit skriva 20. des­ em­ber og tingið er farið í jóla­ frí, hevur løgmaður ikki fing­ið hesi viðurskifti upp á pláss. Kunnu spara milliónir Galdandi skipan hevur annars við sær, at løgmenn og landsstýrisfólk kunnu for­ vinna sær fulla eftirløn eftir bert átta árum. Ein vanligur tænastu­maður má arbeiða í 37 ár, fyri at hava rætt til fulla eftirløn. Loftið fyri almennar eftir­ lønir sigur, at eingin kann fáa meiri enn fulla løg­mans­ eftir­løn, sum er 60 prosent av løgmans­lønini. Løgmaður fær løn í 40. lønarflokki, sum gev­ ur 58.527 krónur um mán­að­in. Og 60 prosent av tí er 35.112 krónur um mánaðin. Hevur tú onnur størv, sum geva rætt til almenna eftir­ løn, so verður hon mót­roknað, soleiðis at tú ongan­tíð fært meiri enn 35.112 krón­ur um mánaðin. Henda skipan hevur við sær, at taka vit sum dømi eitt landsstýri við løgmanni og sjey landsstýrisfólkum, so hevur hetta stýrið eftir einum valskeiði upptjenað sær eina eftirløn á tilsamans 55,6 milliónir krónur. Hetta er nakað, Sosialurin sam­an við serfrøðingi rokn­aði seg fram til tann 18. oktober út frá gald­andi eftirlønarskipan hjá løg­manni og lands­ stýris­fól­k­um. Fimm dagar seinni viðgekk Kaj Leo Holm Johannesen, at henda skipan var ov lukrativ. - Eftir at hava lisið Sosialin fríggjadagin (t.e. 18. oktober, blðm.) kann væl eingin vera í iva um, at landskassin við tíðini fer at spara nógvar peng­ar, um vit broyta ver­andi lønarviðurskifti hjá løg­manni og lands­stýris­fólk­um, segði Kaj Leo Holm Johanne­sen. Í gildi eftir næsta val Í somu samrøðu segði løg­ maður, at hann ætlaði sær í løgtingið við einum lógar­ upp­skoti um hesi viðurskifti fyri jól. Hetta lógaruppskotið skuldi byggja á álitið um ”sam­sýning og eftirløn lands- stýris­manna”, sum løgmaður fekk handað gamlaárskvøld. Víðari segði Kaj Leo Holm Johannesen, at hann ætlar at nýggja lønar- og eftir­ lønarskipanin skal koma í gildi eftir næsta val. Hóast løgmaður ikki legði lógar­ uppskotið fyri tingið, áðrenn løg­tingið fór í jólafrí, sum hann annars segði seg fara at gera, so kann nýggja lønar- og eftirlønarskipanin kom í gildi eftir næsta val. Hetta er treytað av, at uppskotið verður lagt fyri tingið áðrenn síðs­ta framløgudag. rolant@sosialurin.fo Tað eydnaðist ikki at fáa lógaruppskotið, sum skal broyta gyltu eftir­løn­ina hjá løgmanni og lands­stýris­ fólkum, liðugt, áðrenn løgtingið fór í jólafrí. - Eg kann ikki tvinga embætisfólkini at arbeiða skjót­ari, enn tey gera. Tíverri bleiv lógaruppskotið ikki liðugt fyri jól, sigur Kaj Leo Holm Johannesen. Kaj Leo Holm Johanne­ sen boðaði fyri skjótt tveimum mánaðum síðani frá, at hann ætlaði at leggja lógar­upp­skotið fyri tingið fyri jól. - Eg kann ikki gera við, at uppskotið ikki er liðugt. Síðsta hond verður løgd á tað nú, og eg vóni at leggja tað fyri tingið í januar ella febru­ar, sigur løgmaður, sum kortini ikki kann veita vissu fyri, at so verður. - Eg kann ikki seta dato á, men eg vóni, at tað verður fyrst í næsta árinum, sigur løg­maður, sum vísir á, at embætis­fólk hansara eisini hava havt so nógv annað at gjørt – og tí eydnaðist tað ikki at fáa júst hetta lógar­ upp­sko­tið liðugt fyri jól. - Eg kann ikki seta dato á, men eg vóni, at lógar­uppskotið verður liðugt fyrst í næsta árinum Gjørdi einki við gyltar lønir EFTIRLØN Hóast løgmaður fyri slakum tveimum mánaðum síðani segði, at lønarviðurskiftini hjá løgmanni og landsstýrisfólkum skuldu broytast, og at eitt lógaruppskot skuldi leggjast fyri tingið fyri jól, so var hetta av ongum, nú tingið er farið í jólafrí Uppskotið er ikki liðugt EFTIRLØN Kaj Leo Holm Johannesen sigur, at tað eydnaðist ikki at fáa lógaruppskotið liðugt til tíðina. - Síðsta hond verður lagt á tað nú, og eg vóni at leggja tað fyri tingið í januar ella februar, sigur løgmaður