hósdagur 2. januar 2014síða 10

Fríggjadagur 3. januar 2014 · Nr. 1 10 Sosialurin Hugskot og viðmerkingar – send sms til 225000 Gott nýggjár. Nýggj byrjan og tað lýsir í eystri. Og aftur degnast. Okkum untist enn einaferð at siga einum ári farvæl, og við spenningi og vónum bjóða einum nýggjum ári vælkomnum. Við ársbyrjan er spenningur og gleimur í hásæti. Soleiðis er, og soleiðis eigur tað at vera. Vit vóna, at okkum - og okkara kæru, fer at gangast væl. Vit hava vónir og ynski. Alt gongur kanska ikki eftir vild, ella júst so, sum vit ætla, men lagar komandi tíðin seg bara nøkulunda eftir vild, so eru vit nøgd. Verður nøkulunda javnvág á flestu økjum, andaligum eins og tímiligum, so verður helst ikki so galið. Vit eru nøgd, og eiga vón um, at bara vit eiga tíð, so er vón. Men nýggjárshald hevur eisini stundur við sær, har vit í djúphugsni meta um tað farna. Vit takka fyri tað brátt farna, men óivað spøkir í okkara menniskjasligu sálum eisini hugsan um tað, ið kundi verið betri, ella okkurt, sum ikki untist okkum í farna árinum. Ein sálmur, ið nógv er nýttur til jarðarferðir, men sum er bólkaður í sálmabókini undir lovsangir, er Takk, Guð, fyri alt, sum hendi. Óivað hevur sálmaskaldið megnað at vakt mangan kirkjugangara úr andaligum dvala, og málsligari líkasælu, tá sungið verður: Takk, Guð, fyri tað, eg læri Fyri alt í duldum hekk, Fyri bøn og bønarsvarið, Fyri tað, eg ikki fekk! Tí hvat er hetta fyri orðavavstur?. At takka fyri tað, ið ein ikki hevur fingið? Her má onkur villa vera í! Kanska eru hetta fyrstu hugsanir okkara, tá hesar reglur koma fyri. Men eitt er vist: hesar reglur seta hugsanir í gongd! Og júst hetta er ein grundhugsjón í okkara mentan, ein hugsan, sum verður mett sum ein dygd í okkara mentan. Hetta, at vera eyðmjúkur, at gleðast um tað, einum untist, um enn tað kanska ikki var so nógv. Og nú eisini at fegnast og takka fyri tað, ið ein ikki fekk. Tí tað kundi jú verið so nógv verri, ikki sannheit? Hóast vit óivað eru ósamd politiskt, hóast vit hava havt vánaligt veður við vindi og regni, og hóast øll merkja, at samfelagshjólini ikki mala so skjótt, sum tá tey gingu uppá tað besta, og kreppan merkist hjá teimum flestu, so kundi alt verið so nógv verri!! Vit kundu t.d. fingið tað, sum onnur hava upplivað at fingið í farna árinum. Vit kundu havt eina verri politiska skipan, vit kundu havt fingið oyðandi ódnir, ið tóku hús og mannalív, og vit kundu merkt hungur og hall. Nýggj byrjan og tað lýsir í eystri. Og aftur degnast. Takk fyri nýggjan dag og nýggjar møguleikar. Vert er eisini at takka fyri alt tað, ið vit ikki fingu! Dagfinn Olsen lærari EYGA MÁLIÐ Takk fyri tað eg ikki fekk kjak kjak Viðmerkingar og lesarabrøv til Sosialin skulu sendast til teldupostadressuna: post@sosialurin.fo Er frælsið fjart? Regin Winther Poulsen Formaður Unga Tjóðveldsins Politiska landslagið seinastu árini hevur verið dapurt. Fólkaræðisliga skipanin er van­vird, og politiski leik­ vøll­urin er merktur av ein­ staklingum, ið einans ynskja framburð fyri seg og síni. Tær stóru visjónirnar eru lagdar á hillina, og reformanir inn­an fiskivinnuna og sosiala geir­ an, ið einans kunnu fremjast við breiðum meiriluta, bera ikki til, tí at politiska skip­ anin hevur prógvað seg óbún­að at fremja tað í verki. Men politiska máttloysið ræð­ur ikki ímillum øll. Hóast tað tykist burturmist í meldri­num, og hóast tað er langt ímill­um fram­stigini í hes­um tíðum, so hava øll ikki gloymt. Vit eru fleiri, ið minn­ast tað týdningar­mesta málið, um fram­burður aftur skal vera um hetta landið. Vit eru fleiri, ið minnast loys­ing­ ina. Tað er undarligt at í okk­ ara framkomna landi, ið er fult av dugnaligum fólki, einum ríkum náttúrutilfeingi og øllum møguleikum, hava vit valt at byrgja okkum inni, heldur enn at luttaka í altjóða samfelagnum. Hóast vit hava møguleikan, so hava vit valt, at vit vilja ikki taka lut. Vit hava valt eitt annað land, og eitt annað fólk sum okkara avmarking, og vit hava lagt okkara álit á, at um vit innibyrgja okkum heima, uttan at fara út, so skulu vit nokk vera trygg. Men í sama viðfangi hava vit gloymt, at tað eru bara vit, ið kunnu stýra okkara landi best. At vit mugu út í heim sum sjálvstøðug tjóð, um vit skulu skapa framburð. Er tað ikki so klokkuklárt, at tað er sambandið í ríkis­ felagsskapinum, ið forðar sam­band við allan heim? At hesin sokallaði ríkis­felags­ skapur, ikki er okkum til gagns, men hvønn dag forðar okk­um í at vaksa okkum sterk? Farna árið fer í søguna sum árið, tá ið landsins hægstu frásøgdu sær ábyrgd og hækkaðu ríkisveitingina. Tá landsins hægstu sendu eitt signal til allar føroyingar, um at tey ikki trúgva uppá, at føroyska fólkið er nóg dugnaligt, til at føroyska fólkið kann stýra sjálvt. Teir søgdu, at Føroyska fólkið hevur ikki førleikarnar, og tí mugu vit innibyrgja okkum í ríkisfelagsskapin. Hóast tað vánaliga signal­ ið, eru vit fleiri, ið trúgva, at Føroyingar kunnu eins væl og øll onnur fólkasløg ráa fyri egnum borgum. Tí fer Unga Tjóðveldið í 2014 at royna alt, hvat vit kunnu at aktivera allar Føroyingar, ið trúgva á frælsi. Fullveldisrørslan hev­ ur meiri enn nakrantíð brúk fyri øllum kreftum inn­an øll samfelagsøkir, tí at full­ veldisrørslan verður vunnin millum fólkið - ikki millum politikkararnar. Tað er fólkið, ið skal taka avgerðina, og tí byrja vit í Unga Tjóðveldinum í 2014 við einum rópi út til alt Føroya fólk. Til øll, frá íttróttarfólkinum til yrkj­ aran. ”Vilt tú vera við í stríð­ num fyri framburði?” Við frælsiskvøðu! Ítróttasamband Føroya Starvsnevndin Ítróttasamband Føroya takkar øllum Føroya fólki fyri árið, sum fer, og ynskir okk­um øllum alt gott í nýggja árin­um. Vit eru takksom fyri allar tær góðu ítróttarløturnar, vit høvdu í 2013 – bæði sam­ an við okkara bestu ítrótta­ fólkum, sum vunnu heið­urs­ merki, men eisini í tí dagligu venjingini hjá børnum og ungum. Oyggjaleikirnir á Ber­muda standa sterkt í minn­in­um – fantastiska um­hvørv­ið og løttu løturnar á ítrótt­ar­ligu tindunum, eins væl og saman­ haldið í før­oyska hópinum undir leikunum, og tá vit heimafturkomin í vanlukku mistu tveir av okkara ídn­ astu ítróttarleiðarum. Vit drýpa høvur og minnast Høgna Carlsson og Vilhjálm Gre­goriussen – minnini eru sterk og góð. Øll tit, sum so ella so eru partar av føroyska ítrótt­ ar­heiminum, eiga størstu tøkkina uppbornað. Sjálv­ bodna arbeiðið kring landið er grundarlagið undir øllum ítrótti. Vit eru sera takksom fyri, at landsins myndugleikar stuðl­aðu oyggjaleikunum á Ber­muda á ein serligan hátt, samstundis sum teir hava stuðlað so trúliga undir ynskinum at fáa oyggja­ leik­irnar hendan vegin aft­ ur. Vit fegnast eisini um, at Løgtingið nú í heyst valdi at hækka játtanina til úr­ valsítrótt og ÍSF. Okkara ynski er eisini, at ítróttur og rørsla mugu fáa størri innivist í skúlanum, t.d. við ítróttabreytum, har øll, uttan mun til førleikar, kunnu vera við. Vit fegnast um arbeiðið, sum kommunur, feløg og einstaklingar kring landið áhaldandi gera fyri at betra um karmarnar hjá ítróttinum. Verkætlanir, sum eru í gongd ella ávegis, eru millum ann­ að: nýggja fimleikahøllin í Runavík, rennibreyt í Klaks­vík og dupulthøll, golf­vøllur og svimjihylur í Havn og langhylurin í Vági. Har­umframt eru betraðir karmar hjá fótbóltinum við nýggjum graslíki og ábøtur á felagshøli. Ítróttasamband Føroya vil senda eina serliga heilsan til miðlarnar, sum so trúliga og av einslistum fortelja okk­um góðu søgurnar frá ítróttinum, og sum gera tað møgu­ligt hjá okkum at fylgja við – á netinum, í bløðum, í útvarpi og sjónvarpi, og til teir mongu sponsorarnar, stórar sum smáar, sum geva av hjarta, fyri at ítróttinum skal vera lív lagað. Vit gleða okkum til kom­ andi árið. Føroyskur ítróttur er fjølbroyttur, og fer 2014 uttan iva at bjóða okkum nógvar spennandi upp­liv­ing­ ar her heima og úti í verð. Okkara vón er, at vit øll – umframt at fylgja við og fylkjast um ítróttin – eisini finna okkum ein aktivan leik­ lut, sum leiðari ella íðkari. Gott nýggjár! Nýggjárs­ heilsan