mánadagur 6. januar 2014síða 16

Mánadagur 6. januar 2014 · Nr. 2 16 Sosialurin Hugskot og viðmerkingar – send sms til 225000 S o er ein langt, hart og spennandi ár farið afturum. Tað hevur verið ótrúliga spennandi at verið ítróttaráhugaður í 2013. Tað var ítróttur frá ársbyrjan til ársenda. Her á ítróttarsosialinum hava vit havt úr at gera við at fylgja øllum. Hondbólturin og flogbólturin er í hæddini eftir ársskiftið. Tað eru bæði steypafinalur og FM finalur á skránni. Í øllum førum var ítróttarsosialurin á staðum og fylgdi gongdini. Vit vóru eisini til staðar, tá stóri finaludagurin var í Badminton, Judo og Borðtennis. Fótbóltskappingarárið byrjaði longu 2. mars, og í november mánaði spældu bæði A-landsliðið og U21 landsliðið dystir. So langt hevur einki kappingarárið helst ongantíð verið. Umframt at landskappingin og steypakappingin koyrdu í vanligum stíli, so spældu bæði A-landsliðið og U21 landsdystir fleiri dystir. Í Evropa komu bæði EB/Streymur og Víkingur víðari. Serliga óvæntað var tað, at Víkingur skuldi vinna á finsku mótstøðuni. Tað kom seinni fram, at dómarin í seinna dystinum í Finnlandi hevði tikið móti mutri. Hann skuldi tryggja veddarum, at bæði liðini skoraðu. Tað var eisini um reppið, at HB vann seg víðari móti ÍBV, meðan ÍF setti hol á kjak um fótbóltsspælarar og feriu, tá teir manglaðu fleiri spælarar til sínar dystir móti Linfield. Kvinnulandsliðið spældi seg víðari til HM undankappingina, meðan KÍ spældi Champions League. Í summar varð so farið til Bermuda, har Oyggjaleikirnir vóru. Hetta var ein spennandi tíð fyri Miðlahúsið, sum byrjaði av nýggju á internetinum við in.fo. Tað var ein stór avbjóðing at fáa dekkað alt, sum hendi á Oyggjaleikunum, men tá alt kom til alt, so rukku vit út til allar ítróttargreinarnar. Tað hava eisini verið fleiri einstaklingar, sum hava útmerkað seg í 2013. Teimum hava vit eftir førimuni roynt at fylgt. Serliga Pál Joensen hevur fylgt nógv, men tað er ikki so undarligt. Vit á ítróttarsosialinum takk fyri 2013. Vónandi verður 2014 eins spennandi og hendingaríkt. Vit skulu so hvørtfall gera okkara til at seta ljós á føroyskan og altjóða ítrótt í 2014! Gott nýggjár! Ítróttar klumman Tróndur Arge Tróndur Arge Tað er sjáldan, at fólk í før­ oyska fótbóltsheiminum eru sinnaði at tosa um pengar, tá talan er um sáttmálar og spælaraskifti. Tað er eisini tilfeldið, nú B68 hevur keypt Jann Inga Petersen frá Víkingi. – Eg havi onga viðmerking. Tað er millum feløgini, sigur Beinta Mikkelsen, forkvinna í B68. Keldir hjá in.fo siga, at talan er um nakrar tíggju tús­ und krónur, sum B68 hevur goldið fyri at fáa Jann Inga leysan úr sátt­mál­anum. Beinta fegnast um at Jann Ingi er komin aftur til barndómsfelagið. Hon upp­ lýsir eisini, at B68 hevur leig­að Bergur Gregersen frá Víkingi. Bergur hevur spælt tríggjar dystir í bestu deildini fyri Víking. – Vit skulu eisini hava ein málmann, tað arbeiða vit við í løtuni, sigur Beinta Mikkelsen. Siggi avkláraður – Hann hevði eitt ynski um at sleppa til B68 og tað er nú gingið honum á møti. Eg eri keddur av at vit missa ein góðan royndan spælara, men vit hava ikki brúk fyri einum spælara, sum ikki vil vera í felagnum, sigur Sigfríður Clementsen, venjari hjá Víkingi. Jann Ingi Petersen skifti í fjør til Víking frá júst B68, sum tá flutti niður. Nú er lið­ ið aftur í bestu deildini. Tá gjørdi Víkingur ein tvey ára sátt­mála við Jann Inga, men nú eru Víkingur og B68 so komin ásamt um eitt skifti. Víkingur hevur í ár meldað út, at felagið ætlar sær at spæla við um FM. Somuleiðis hevur Sigfríður sagt alment, at tað manglar ein profilur á liðnum, sum helst skal spæla á framrættaða miðvøllinum. – Støðan er tann sama enn. Vit hava framvegis fimm mans, sum kunnu manna tvey av plássunum á mið­vøllinum. Nú leita vit so eftir einum profili, men tað er ongin orsøk at fara í panikk, tí vit hava eitt gott lið lands­ liðs­aktuellum spælarum á fleiri plássum, sigur Sigfríður Clementsen. Teir fimm á miðjuni, ið Sigfríður vísur til eru Hans Jørgen Djurhuus, Hanus Jacobsen, Heðin Hansen, Sølvi Vatn­hamar og Súni Olsen. Ongin N’Doye til Víking Í seinastuni hevur ljóðað, at Víkingur nærkast eini loysn upp á framrættaða miðvøllin, sum skal styrkjast. Søgan segði, at talan var um 35 ára gamla Ousmane N’Doye, sum er beiggi Dame N’Doye, sum hevur spælt við FCK. – Hatta kenni eg einki til. Ongin spælari er á veg til okk­um í løtuni, sigur Brandur Jacobsen, formaður í Víkingi. Hann váttar tó, at Víkingur í løtuni leitar eftir einum fram­rættaðum miðvallara. – Vit leita eftir einum fram­rættaðum miðvallara, og vit leita fyri tað mesta uttan­lands. Vit hava fingið nøkur nøvn, men tað er týdn­ ingar­mikið, at talan er um ein spælara, sum venjarin góð­ kennir og at hann passar inn í lønar­skipana í felagnum, sig­ur Brandur Jacobsen víðari. Ógreitt við Kaj Leo Tað er framvegis ikki greitt um Kaj Leo Í Bartalsstovu heldur fram í Víkingi. – Vit vita framvegis ikki um Kaj Leo heldur fram í felag­num. Vit vóna og ynskja, at hann heldur fram, sigur Brandur Jacobsen. Víkingur hevur eisini áhuga í Jóan Símuni Edmunds­son, sum framvegis ikki hevur fingið greiða á sína fót­bóltsframtíð. – Tað er avgjørt ein áhuga­ verdur spælari fyri okkum, men mær vitandi hevur hann ikki tikið støðu til nakað enn og ongin er í samráðingum við hann, sigur Brandur Jacobsen at enda. Sostatt leitar Víkingur fram­vegis eftir einum fram­rættaðum spælara á mið­vøll­inum. Fyri kortum gjørdi Víkingur sáttmála við Andreas Lava Olsen, sum kemur heim til Føroyar í summar. Jóan Símun vil uttanlands Nógv hevur verið skrivað og sagt um Jóan Símun Edmunds­son, síðani tað bleiv greitt, at hann ikki skuldi halda fram í norska Viking Stavanger. Lands­liðs­fram­ herjin venur í løtuni við B68, men tað er framvegis ætlanin at hann skal av landinum at royna eydnuna. Tað hev­ur hann fleiri ferðir sagt al­ ment, og tað er framvegis støðan hjá toftamanninum, sum hevur verið í Føroyum megin­partin av desember. trondur@sosialurin.fo B68 keypt Jann Inga B68 og Víkingur eru komin ásamt um eina avtalu, ið ger at Jann Ingi Petersen kann skifta til B68, hóast hann hevði sáttmála við Víking fyri komandi kappingarár. Prísurin er ikki upplýstur Jann Ingi Petersen verður aftur at síggja í reyða búnanum hjá uppflytarunum av Toftum Savnsmynd: Álvur Haraldsen Mánadagur 25. mars 2013 · Nr. 35 Kyndil væl á veg FM-finalan hjá kvinnunum verður ein rein havnarfinala Flogbólturin komin á mál Flogbólturin endaði við einum braki av eini gallaveitslu um vikuskiftið, har ársins spælarar blivu kosnir. Ikki óvæntað vunnu Mjølnir og ÍF flestu heiðurslønirnar ítróttur hondbóltur s16-17 Amatørar uttan geist í Wien Ellivu føroyskir spælarar, spældu sum nakrir amatørar – uttan geist Fótbóltur s18-21 ítróttur ítróttartoymi Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen Pætur Eyð. Jensen Avlýst í Motherwell Dómarin mátti avlýsa dystin millum Motherwell og Inverness, sum skuldi verða um vikuskiftið, tí vøllurin var so vátur. Gunnar Nielsen hevur stríðst við ein skaða í lærinum, sum hann fekk í dysti móti Celtic.