týsdagur 21. januar 2014síða 14

Mikudagur 22. januar 2014 · Nr. 9 14 Sosialurin Hugskot og viðmerkingar – send sms til 225000 meldurin Rannvá G. Fossaberg – Onkursvegna kennist tað nattúr­ligt, at tað eru vit báðir, sum skulu taka yvir post­in sum høvuðskokkar, tí vit hava verið á KOKS, síðani tað byrj­aði og hava eitt nú verið við til at finna øðrvísi rávørur og menna nýggjar rættir, sigur annar av nýggju høvuðs­kokkunum á KOKS, sigur Áki Herálvsson. Saman við Poul Andriasi Ziska skal hann frá 1. februar virka sum høvuðs­kokkur á kendu mat­stovuni á Hotel Føroyum. Og tað eru tveir ungir og djarvir kokkar við stórum sjálvs­áliti, sum koma at stýra KOKS skút­ uni. Hóast fyrr­ver­ andi høvuðs­kokk­ urin, Leif Sørensen, nærm­ast hev­ur verið ímyndin av KOKS, kenna teir báðir ungu kokk­ar­nir einki trýst á sær. – Vit hava verið undir­ stjórar í køkinum og verið partur av tí skapandi gongd­ ini at gera hugskot til veru­ leika í meir enn hálvtannað ár, so hetta er fyri so vítt ikki nakað nýtt fyri okkum, sigur Poul Andrias, og Áki leggur aftur­at: – Fyrr hevur tað verið Leif Sørensen, men nú eru tað vit báðir, sum skulu vera andlitið úteftir, og okkara nøvn verða sett í sambandi við KOKS, so eg ivist ikki í, at hetta verður eitt hart ár, har vit hóast alt skulu vísa, at vit megna upp­ gávuna, sigur Áki. Kokkar av tilvild At Áki, sum er úr Hoyvík, og Poul Andrias, sum er úr Havn, eru end­ aðir innan kokka­fak­ ið, er heldur til­ vildar­ligt. – Í 8. flokki var eg í starvs­ venjing umborð á bjargingar­ skipinum Brimli, men tað var ikki akkurát eg, so eg var skjót­ur í land aftur. Mamma syrgdi so fyri, at eg slapp at taka rest­ina av praktikk­tíðini í køk­inum á Hotel Før­oyum, og eftir tað byrjaði eg at ar­ beiða har, tí mær dámdi tað stak væl, greiðir Áki frá. Fyri Poul Andrias var tað eisini tilvildin, sum gjørdi, at hann gjørdist kokkur. – Fyri at siga sum er, so fór eg í læru á mat­stov­ uni Gourmet uttan at hava gjørt mær so nógvar tankar um kokka­fakið. Okkurt skuldi eg gera, og so hugsaði eg, at eg kundi um ikki annað royna at fáast við mat og mat­gerð. Tað vísti seg so at vera júst tað rætta fyri meg, for­telur Poul Andrias. Ein av orsøkunum, til at teir hava valt at tikið av til­boð­num at vera høvuðs­ kokk­ar á KOKS, er, at teir hava stór­an alsk til før­oysku rá­vør­ur­nar. – Eg elski allan føroyskan mat, og avbjóðingin í hesum er at fara frá siðbundna før­ oyska matinum og ístaðin hyggja eftir rávørunum, vit hava, upp á ein skeivan og annar­leiðis máta, sigur Áki. Poul Andrias er samdur í hes­um. – Maturin, sum vit gera á KOKS er ein­ faldur, og vit royna at brúka so nógv før­ oyskt tilfar sum yvir­ høvur gjør­ligt. Tað er tað, sum ger okk­ara ar­beiði spennandi og av­bjóðandi, sigur Poul Andrias. Geranium og Noma Hóast sín unga aldur hava Áki og Poul Andrias roynd­ ir frá nøkrum av bestu mat­ stov­unum í heiminum, sum eru í Dan­mark. Áki hevur starv­ast eitt skifti á Noma, og Poul Andrias hevur arbeitt á Geranium. Sjálvir halda teir, at júst hesa royndirnar eru teimum til stóran fyrimun, nú teir skulu standa á odda fyri KOKS. – Tað eru fleiri fyrimunir við at vera so ungir og blíva høvuðskokkar. Vit tora væl, eru fullir av orku og brenna veruliga fyri fakinum. Og so hava vit nógv hugskot um, hvussu vit kunnu menna mat­ stovuna. Soleiðis siga teir báðir nýggju høvuðskokkarnir á KOKS, Áki Herálvsson og Poul Andrias Ziska, sum eru 23 ára gamlir. Frá 1. februar skulu teir leiða Føroya fremstu matsovu Teir brenna fyri matgerð ...framhald á síðu 16 – Eg elski allan føroyskan mat, og avbjóðingin í hesum er at fara frá siðbundna føroyska matinum og ístaðin hyggja eftir rávørunum, vit hava, upp á ein skeivan og annarleiðis máta, sigur Áki Herálvsson Myndir: Claes Bech-Poulsen