hósdagur 30. januar 2014síða 42

10 nr. 1 I 31. januar 2014 Vinnublaðið hjá Miðlahúsinum Frá fyrsta degi tóku fólk úr øllum landinum so væl móti Deplinum í Skálavík, at tørvur beinanvegin var á at byggja út. Umframt at teljast millum størstu privatu arbeiðsplássini í Sandoynni, dregur hann eisini nógv fólk til oynna til gleði fyri handilsvinnuna Ingolf S. Olsen Myndir: Álvur Haraldsen að var eldsálin, kendi skiparin og reiðarin Eiler Jacobsen sáli, ið tók stig til at byggja Depilin í Skálavík, haðani hann var ættaður. Hetta var hansara dreymur, sum hann vildi fremja í verki, og tað eydnaðist eisini Eileri Jacobsen at fáa vissu fyri, at verkætlanin fór at blíva framd, tí byggjaríið var komið væl áleiðis, tá hann andaðist í 2010. í mai 2011 lat Depilin so hurðarnar upp, og tað var við ikki sørt av spenningi, at hjúnini Rúna og Heðin Lamhauge fóru til verka sum depilsleiðarar. – Ja, vit vóru nervøs at fara í gongd og hugsaðu nógv um, um nakað fólk mundi fara at tíma at koma til Skálavíkar og brúka Depilin. Sjálv eru vit bæði úr Havn, so vit dugdu ikki so væl at ímynda okkum, hvussu tað fór at verða. Men eftirspurningurin var har beinanvegin, sigur Rúna Lamhauge. Spennandi avbjóðing At reka ein slíkan depil við hotellvirksemi og útleigan til stór tiltøk umframt egin til­ tøk var púra fremmant fyri tey bæði. Fá ár frammanundan, í 2008, vóru tey flutt heim aftur úr Noregi, har tey høvdu búð, og Heðin Lamhauge undirvísti á Føroya Handilsskúla í Havn – tað ger hann enn. Hon var mest heima­gangandi við teimum fimm børnunum, sum í dag eru 4, 6, 10, 12 og 14 ár, men arbeiddi tó eitt sindur við hárfríðkan, sum er hennara út­búgving. Tey eru bæði virkin samkomufólk og tann vegin var Heðin Lamhauge komin í nevndina fyri Grunnin Immanuel, sum bygdi og eigur Depilin. Tey hildu verkætlanina vera so spennandi, at tey gjørdu av at søkja sum depilsleiðarar. – Tað hevur gingið væl, men vit hava eisini nógv gott fólk afturat okkum, sigur hon. Umleið tíggju fólk starvast fast í Deplinum. Eini hjún í Skopun, Kristvør og Eivind Kolden, eru samskiparar – næstu fólk eftir Rúnu og Heðin Lamhauge. Umframt hesi arbeiða fleiri onnur við at stákast, servera og vaska upp í sambandi við aktivitetirnar í húsinum. Sostatt er Depilin í Skálavík eisini eitt hitt størsta privata arbeiðsplássið í Sandoynni, umframt at hann dregur nógv fólk í oynna, og hesum fær ikki minst handilslívið gleði av. Neyðugt at byggja út Tað var skjótt greitt fyri depilsleiðararnar, at seingjarkapasiteturin var alt ov lítil í mun til stóra eftirspurningin frá stórum bólkum at leiga seg inn í Depilin. – Fyrsta árið løgdu vit okkum eftir at byggja virksemið upp, og næsta árið var ongin ivi um, at vit høvdu alt ov fá seingjarpláss. Tá høvdu vit 12 kømur við til samans 36 seingjar­ plássum. Tað var í heilum, at vit máttu runt í oynni at leiga summarhús at húsa fólki, sum ikki rúmaðust á sjálvum Deplinum, greiðir Rúna Lamhauge frá. Avgerð var tí tikin um at byggja eina stóra kamarslon afturat, og hon var klár at taka í nýtslu í fjør summar. Nú eru 25 kømur við plássi til 95 – 100 fólk. – Tað eru øll sløg av bólkum og ferðaløgum, ið vilja sleppa higar. Fyritøkur koma higar at hava skeið ella starvsfólkahugna, fakfeløg, samkomur og onnur koma og hugna sær, hava evnis­dagar ella annað og so ikki at gloyma hin vanliga føroyska familjan. Til dømis er tað blivið populert at koma her at halda stórar rundar føðingardagar. So verður øll familjan boðin við, og øll gista. Tað plagar at vera stak hugna­ligt, sigur Rúna Lamhauge. Eitt annað væl umtókt tiltak í Deplinum er Leikalundin, sum er eitt aktivitets­til­boð fyri børn hvønn mikudag, og Super Sunnu­ dagarnir, sum eisini eru fyri barnafamiljur. Í Deplinum er eisini Gallan, ið er einasta almenna matstaðið í Sandoynni, og sum er vorðið eitt møtistað í oynni. Í vikuskiftinum letur Gallan upp aftur eftir vetrarsteðgin. Samanumtikin er Depilin í Skálavík hóast fjarskotin fyri mong vorðin ein savningardepil ikki bara fyri sandoyingar, men fyri allar føroyingar. Tað er Grunnurin Immanuel, sum eigur Depilin í Skálavík. Virðisgrundarlagið er soleiðis orðað: Visiónin hjá Grunninum Immanuel er, at Depilin skal vera eitt spennandi og mennandi stað, ið gevur styrk og íblástur til alt menniskjað. Virðini vit ynskja skulu eyðkenna Depilin: • Fevnandi og sonn • Náttúrligar og ektaðar relatónir í og út frá Deplinum • Stórsinni & takksemi – lívið er størsta gávan • Nýhugsan – Depil fyri virkir & stovnar, ferðavinnu, kirkjur og samkomur Fakta Tema: Vøkstur í Sandoynni Depilin í Skálavík – ein sólskins­søga T Ómálaða lonin er nýggi til­bygningurin við kømrum, sum varð tikin í nýtslu seinasta summar. Nú eru 95-100 seingjarpláss í Deplinum móti 36 áðrenn tilbyggingina Rúna og Heðin Lamhauge kendu onki til at reka gistingarhús ella deplar sum Depilin í Skálvík, men tey hava havt eina hepna hond við rakstr­ inum, síðani Depilin lat upp í mai 2011. Í tí dagliga er tað mest Rúna, sum hevur ábyrgdina, tí Heðin arbeiðir sum lærari á Handilsskúlanum í Havn