hósdagur 30. januar 2014síða 64

Team Rynkeby Føroyar I Súkkla til París 8 rutan Ferðin niður­ eftir móti Paris Aksel Haraldsen Dagurin gongur við at vakna tíðliga, kanska kl 6. Eftir morgunmat kanni eg súkkluna. So er stutt kunning um, hvat vit skulu vænta okkum tann dagin á súkkluni. Vit súkkla einar 50 km til stuttan steðg. Har fáa vit okkurt at eta og drekka. Hetta endurtakað vit 4 ferðir, so alt í alt súkkla vit einar 200 km hvønn dag. Tá vit eru komin fram til hotelli vit skulu gista á skulu vit flyta inn á kamari. So er nátturði, ein hugnaløta og so til songar. So hvørt sum vit nærkast Paris ger hitin meiri og meiri um seg og tá er umráðandi at drekka nógv vatn. Øll kunnu luttaka á túrinum Elmar Ósá Sum útgangsstøði kunnu øll luttaka á túrinum til París. Er man í iva um heilsu­ støðuna hjá einum sjálvum, so tosar man við sín lækna um hesi tingini. Man skal byrja venjingina uml. 10 mðr áðrenn fari verður avstað og man venur millum 3-5 ferðir um vikuna. Serliga venjingin á súkkluni á teimum langu teinunum er týdningarmikil, men eisini alternativ venjing, sum t.d styrkivenjing, renning og svimjing er brúkbar. Vikuskiftið súkklar man túrar millum 100-200 km til longdar. Á túrinum er størsta heilsu avbjóðingin tann at klára at sita á súkkluni frá uml kl 8 á morgni til kl 16-17 um eftirmiddag. Allur kroppurin er eymur og serliga varin má man vera í ikki at fáa sár í afturpartin. Um man tekur venjingina og tilgongdina til túrin seriøst, og fylgir vejingar­ programmum sum gjørd vera, ja so klárar man túrin uttan stórvegis trupulleikar. Lagt til rættis: Tróndur Arge Team Rynkeby Føroar byrjar longu leiðina í Klaksvík, og súkkla 96 km til Vaglið í Havn, áðrenn farið verður við Norrønu til Danmarkar Rynkeby rutan 3. juli 2014 Klaksvík – Tórshavn, Føroyar . . . . . . . . . . . . . . . . . . . . . . . uml. km. 96 5. juli 2014 Kruså, Danmark – Gross Wittensee, Tyskland . . . . . . . . uml. km. 73 6. juli 2014 Gross Wittensee – Bremen, Tyskland . . . . . . . . . . . . . . . uml. km. 194 7. juli 2014 Bremen – Enschede, Holland . . . . . . . . . . . . . . . . . . . . . . . uml. km. 200 8. juli 2014 Enschede – Venlo – Genk, Belgia . . . . . . . . . . . . . . . . . . . uml. km. 201 9. juli 2014 Genk – Huy – Rochehaut, Belgia . . . . . . . . . . . . . . . . . . . uml. km. 178 10. juli 2014 Rochehaut – Reims - Château Thierry, Frakland . . . . . . uml. km. 193 11. juli 2014 Château Thierry – Eiffel Tower, Frakland . . . . . . . . . . . . uml. km. 95