týsdagur 4. februar 2014síða 18

Mikudagur 5. februar 2014 · Nr. 15 18 Sosialurin Hugskot og viðmerkingar – send sms til 225000 meldurin – Vit eru ein viðleikari hjá vinnulívinum í Føroyum. Drív­megin er, at vit síggja eina meining í tí, vit gera. Diplomatiið Hóast bersøgin og beint fram, so hevur Jóhanna á Bergi lagt seg eftir ikki at traðka kundar­nar á tærnar. Ein orsøk er beinhørða kapp­ingin millum flutnings­ fyri­tøkurnar. Ein onnur orsøk er saman­setta vinnulívið, ið sam­stundis eru stóru kundar­nir. – Vit eru til fyri kundarnar. Vit tilpassa okkum tørvin, og vit leggja okkara virksemi eftir, hvar vørustreymurin fer. Tí skulu vit ikki hava sterkar meiningar um vinnu­ lív, útbyggingar her ella mangl­andi átøk har. Tú kanst siga, at í somáta skulu vit vera polit­isk korrekt, greiðir Jóhanna á Bergi frá. Avbjóðingar Áðrenn Jóhanna á Bergi kom til Faroe Ship var hon í átta ár søluleiðari í JFK sam­ tak­inum. Royndirnar, reto­ rikk­in og ikki minst áhugan fyri fiskivinnuni hevur hon tikið við sær inn í flutnings­ vinnuna. – Tað er ein sera spennandi tíð fyri framman. Jú, botn­ fiskurin er ein katastrofa í løtuni. Men hinvegin eru spenn­andi tíðir í alivinnuni og upp­sjóvar­vinnuni. Ali­ vinnan arbeiðir sera pro­ fessio­nelt og miðvíst, og tað er sera stutt­ligt at arbeiða saman við hesi vinnuni. Og gongdin í upp­sjóvarvinnuni, har alsamt meira verður fram­leitt til matna, er fan­ tast­isk. Tað gevur eisini okk­um avbjóðingar, sigur Jóhanna á Bergi. Dømi um avbjóðingar er feskur laksur til amerikanska marknaðin. Avskipaður úr Føroyum fríggjadag, førdur víðari úr Immingham til Heathrow, haðani hann verð­ ur flogin vestur um hav og út á amerikanska marknaðin mánadag. Rutan endurtekur seg við avskiping úr Føroyum mánadag. ES-boykottið á sild og makrel hevur við sær aðrar avbjóðingar. – Eitt nú senda vit bingj­ ur við uppsjóvarfiski til Fjar­eystur umvegis Kanada, tí einki má umskipast í ES- havn­um. Hetta eru neyð­ loysn­ir, sum eru dýrar fyri vinnu­lívið. Men tað skal bera til, sigur Jóhanna á Bergi og leggur afturat: – Útflutningur er sum ein á. Tað rennur ein ella annan veg. Sambært stjóranum er myndin av rennandi ánni góð at taka fram, tá forðingar ella enntá boykott stinga seg upp. – Sum stjóri eri eg mest sum altíð tøk, og tað vita starvs­fólkini og kundarnir. Eg føli tað ikki stressandi, tí eg veit at tey ringja ikki bara til stuttleika, men tí at her er okk­urt, sum skal avgreiðast, sigur Jóhanna á Bergi. Jóhanna og maðurin Eyðun á Bergi eru búsitandi í Klaks­vík. Maðurin siglir og er tí burtur umleið helvtina av ár­inum, tey hava tvey børn á 10 og 13 ár og sjálv koyrir Jóhanna til Havnar til ar­beiðis hvønn dag. – Tað krevur eitt sera gott bakland, og í somáta eru foreldur og verforeldur ein ótrúlig hjálp. Men arbeiðið gerst við tíðini ein lívsstílur, og tí fær man tingini at bera til. Søgan 23. februar er ein stórur dagur í fyritøkuni. Tá hevði gamla Skipafelagið fylt 95 ár. Dagurin kemur afturat 100 ára føðingardegnum hjá Eimskip, sum var í januar. – Her er talan um tvær fyri­tøkur við eini sterkari søgu. Báðar stovnaðar við sama grund­tanka um at skapa nýggjar møguleikar fyri ávíka­vist føroyska og ís­ lendska sam­felagið. Tað eru eis­ini virði, ið vit nú byggja víðari á í Faroe Ship, sigur Jóhanna á Bergi og leggur aftur­at, at seinni í ár kemur ætlandi út bók um virksemið hjá Skipafelagnum. Tá komið er út í juni mánað hevur Jóhanna á Bergi verið longri í hesum starv­inum enn nøkrum øðrum. Og hon stórtrívist. – Ja, eg eri helst eisini miljø­ skadd. Eg hyggi eftir frísku fruktini á handilshyllunum, byggitilfari, pakningi og so framvegis. Og eg hyggi eftir bingjuni, ið stendur á havna­ lagnum. Men tað geri eg, tí hetta hevur mín áhuga, sigur Jóhanna á Bergi, ársins leiðari í privata vinnulívinum. jonbrian@sosialurin.fo Mynd: Álvur Haraldsen FAKTA Dómsnevndin um Jóhannu á Bergi • Jóhanna er ein sterkur leiðari, ið við sínum dugnaskapi hevur tryggja fyritøkuni Faroe Ship støðug og góð úrslit. • Saman við starvsfólkunum finnur hon áhaldandi nýggjar loysnir fyri at gera fyritøkuna virknari og at betra um arbeiðsviðurskiftini hjá starvsfólkunum. • Jóhanna er ein kveikjandi stjóri og dugir fyrimyndarliga væl at vísa sínum starvsfólki álit og at hon virðismetir teirra dugnaskap. • Í verki hevur hon eisini víst, at hon setur tey sosialu starvsfólkavirðini í hásæti. Eftir hesum at døma ert tú líka blíð, røsk, gevandi, umhugsin og nærverandi til arbeiðis, sum tú ert í vinarskarðanum. Altíð úr at gera, men altíð hin sama. Hjartaliga tillukku – Nei, eg veit nú ikki, um eg altíð eri so nærverandi. Blíð og røsk? Og nei, eg havi ikki tíð til alt, sigur Jóhanna á Bergi flennandi, áðrenn hon leggur afturat, at ger man tað, sum man tímir at gera, so gongur tað