hósdagur 27. februar 2014síða 4

Fríggjadagur 28. februar 2014 · Nr. 25 4 Sosialurin Hugskot og viðmerkingar – send sms til 225000 tíðindi Rannvá G. Fossaberg Hvørt hóskvøld, tá sendingin Bóndin ella á donskum Bonderøven verður víst í sjónvarpinum, er tað ein føroysk dama, sum trú­føst situr framman fyri sjón­ varps­skíggjanum. Halla Debes er ivaleyst før­oya størsti fjeppari av ken­da sjónvarpsbóndanum og hansara familju. - Líka síðani eg sá send­ ing­ina fyrstu ferð, havi eg ver­ið hugtikin av honum. Hann er bara so fantastiskur, tí hann finnur upp á nógv ymiskt spennandi og sær út til at duga alt. Tí er tað stutt­ ligt at fylgja við honum, konu­ni og teimum báðum børn­un­um í sjónvarpinum, sigur Halla Debes, sum sigur seg hava fingið eitt heilt ser­ stakt forhold til bóndan í sjón­varpi­num. - Hann fyllir nógv í mín­ um lívi, og onkursvegna er tað, sum hann er blivin ein part­ur av mær. Tú kanst siga, at eg havi kannað mær hann sum familju, heldur Halla De­bes skemtiliga fyri. - Eg hyggi eftir øllum pørtu­num av Bonderøven og vil helst ikki vera nakran part fyri uttan, men skal eg í onkr­an serliga føðingardag ella veitslu, so ber sjálvandi ikki til at hyggja, Halla Debes. Bant troyggjur til Bonderøven Í vetur fekk føroyski fjepp­ arin hugskotið, at nú skuldi hon binda Bonderøven, konu hansara og báðum børn­un­ um hvør sína troyggju. - Eitt kvøldið sat eg og bant, sum eg so ofta geri. Eg havi 11 ommubørn og fýra langommubørn, sum eg javnan bindi húgvur, hos­ur og troyggjur til, men nú helt eg, at eg skuldi bin­ da bóndanum og familju hansara føroyskar troyggjur, for­telur Halla Debes, sum longu dagin eftir fór í býin at keypa tógv til tær fýra troygg­jur­nar. - Maðurin hevði hug at flenna eftir mínum hugskoti, men so skjótt tógvið var keypt, setti eg meg at binda troyggj­ur­nar, sigur Halla Debes. Hóast hon ongantíð hev­ u­r sæð kenda bóndan og familju­na í veruleikanum, var hon ikki í iva um, hvussu troyggj­ur­nar skuldu bindast. - Eg havi hugt so nógv eft­ ir teimum í sjónvarpinum, at eg helt meg duga at meta um, hvørja stødd tey hvør sær brúktu, greiðir Halla Debes frá. Tá tær fýra troyggjurnar vóru liðugt bundnar, skuldu tær fáast til Danmarkar. Tað var nakað, sum Halla Debes ikki hevði hugsað so nógv um áðrenn hon fór und­ir at binda til donsku sjón­varps­ familjuna. - Eg fór at ivast í, hvussu eg skuldi fáa troyggjurnar úr Føroyum og til adressuna hjá Bonderøven í Danmark. Men so segði dóttir mín, at hon skuldi til Danmarkar og skuldi taka troyggjurnar við sær. Vit funnu so adressuna á internetinum, og dóttir mín syrg­di fyri, at tær fyrst komu út á DR, og síðani hjálptu tey til við at fáa troyggjurnar heim til Bonderøven, fortelur Halla Debes. Bonderøven sendi heilsan Líka síðani dagin í november mán­aði í fjør, tá troyggjurnar blivu sendar til Danmarkar, hev­ur Halla Debes bíða í spenn­ingi, til at hon skuldi fræt­ta aftur frá Bonderøven. - Eg havi verið ótrúliga spent og havi allatíð vónað, at eg fór at frætta frá teim­ um. Hinvegin so gingu vikur­ nar, uttan at eg hoyrdi nakað sum helst, so í roynd og veru gekk eg bara út frá, at nú vóru hasar troyggjurnar farn­ar í gloymibókina, sigur Halla Debes, sum brádliga her­fyri fekk ein pakka við posti­num. - Nú ein dagin fekk eg ein pakka við einum reyðum bræv­bjálva, sum hoyrdi til. Í pakka­num var ein mynd av Bonde­røven og familjuni, har tey standa í troyggjunum, sum eg havi bundið, fortelur ein ikki sørt errin Halla De­ bes. Afturat myndini var eisini eitt bræv. - Í brævinum skrivar Frank, at hann er ovfarin av, at eg havi bundið troygg­j­ ur­nar, og at tær sita so væl. Hann skrivar, at eg má hava hugt nakað væl eftir teimum í sjónvaprinum, tí tær sita per­fekt, sigur Halla Debes, sum fegnast um heilsanina frá Bonderøven. - Eg eri so ótruliga glað fyri, at tey tímdu at senda mær mynd og bræv. Tey eru so fitt á myndini, og eg síggi, at troyggjurnar sita væl á øll­ um fýra, sigur Halla Debes, sum hevur sett myndina í ram­mu. Nú stendur myndin á skenkinum í stovuni. Halla debes hevur ætlanir um at halda sambandið við dons­ku sjónvarpsfamiljuna við líka, og tí hevur hon longu avgjørt, at tey skulu hava ein pakka frá sær á jól­ um. - Frank skal hava ein nýggjan kepp, tí tann, hann hev­ur, er so kloddutur. Kona hans­ara skal hava okkurt før­oyskt hálsprýði, og so fáa bør­n­ini eisini onkran pakka, sig­ur Halla Debes. Halla bant troyggjur til Bóndafamiljuna - Eg havi fylgt so mikið væl við í sendingunum og lisið í bløðunum um Frank, at hann er næstan sum familja fyri meg. Soleiðis sigur 70 ára gamla Halla Debes úr Havn, sum er stórur fjeppari av Bonderøven á DR. Í vetur sendi hon bóndanum Frank og familju hansara føroyskar troyggjur, hon sjálv hevði bundið, og herfyri fekk hon takkarbræv frá Bonderøven Mynd: Ingi Sørensen Halla Debes við myndini, hon fekk sendandi frá Bonderøven