hósdagur 27. februar 2014síða 34

6 nr. 2 I 28. februar 2014 Vinnublaðið hjá Miðlahúsinum itt av heimsins størstu feløgum, Schlumberger, hevur í dag keypt føroysku KT-fyritøkuna Simprentis fyri góðar 15 milliónir krónur. Seljarar eru Framtaksgrunnur Føroya, Royndin, stovnarin Ólavur Ellefsen og aðrir íleggjarar. Schlumberger veitir tænastur til oljuídnaðin, er skrásett á New York Stock Exchange og hevur millum annað veitt tænastur í sambandi við leitiboringar á føroyska landgrunninum. Sum partur av førleikamenningini hjá Jarðfeingi og Eni, varð í 2002 farið undir at menna OilSim og aðrar simuleringar, og Simprentis hevur síðani veitt skeið til olju­feløg og útbúgvingarstovnar um allan heim. Tað serliga við simuleringunum hjá Simprentis er, at tær gjøgnum spæl, samstarv og veru­leika­kendar avbjóðingar geva teimum, sum luttaka, gott innlit í eina vinnugrein og samstundis menna teirra førleikar. Schlumberger hevur í fleiri ár brúkt OilSim bæði til innanhýsis og uttanhýsis skeið og førleikamenning, og bjóðaði sær nú til at keypa Simprentis og OilSim fyri at styrkja um teirra støðu á skeiðsmarknaðinum. Sjálvt um skeiðsdeildin hjá Schlumberger liggur í Dubai, so verður leiðslan og menn­ ingin av OilSim framhaldandi í Føroyum. Ólavur Ellefsen heldur fram sum leiðari og Julius Biskopstø, sum hevur staðið á odda fyri menningini av OilSim síðani 2005, fer eisini at standa á odda fyri menningini av nýggju út­gávuni, OilSim 4. Sum skilst eru fleiri fyrimunir við at Schlumberger keypir Simprentis. Við fíggjarligu styrkini kann ferð setast á menning­ina av OilSim, sølunetið hjá Schlumberger røkkur um allan heim, so talið av skeiðs­luttak­arum fer væntandi at vaksa, og við 123,000 starvsfeløgum hava fólkini handan OilSim nú ríkiliga atgongd til serligar førleikar innan eitt nú verkfrøði, jarðfrøði og kunningar­tøkni, soleiðis at OilSim kann gerast uppaftur meira framkomið og veruleikakent. Nevndarformaður frá byrjan hevur verið Ólavur Gregersen, og hann vísir á, at sól­ skins­søgan Simprentis við hesum prógvar, at til ber at fáa nýskapan til høldar í Føroyum – eisini fyri eina fyritøku, sum einamest selur til altjóða marknaðin. Samstundis er hetta eitt dømi um gagnið av tolnari og váðafúsari føroysk­ari fígging, sum í síðsta enda hevur fingið gott avkast av íløguni. Umframt oljuvinnu, fór Simprentis fyri kortum undir at menna eina fiski­vinnu­ simulering sum partur av ES-granskingar­ verk­ætlanini Mareframe. Ætlanin er at gagnnýta royndirnar frá OilSim at betra um kunn­leikan til fiskivinnuna. Hendan nýggja fiskivi­nnusimuleringin er tó ikki partur av handlinum við Schlumberger, og fer tí at halda fram í einum sjálvstøðugum felag við nýggjum navni. Nú tað varð selt, vóru níggju fulltíðar starvsfólk hjá Simprentis: Ólavur Ellefsen, Julius Biskopstø, Dima Kislov, Ragnar Østerø, Hellen Simonsen, Helena Egholm, Rasmus Høyer, Paula Kelly og Meghan Clark. Sjey teirra arbeiða nú fyri Schlumberger og tvey arbeiða víðari við fiskivinnusimuleringini. Hóast føroyskt menta KT-fyritøkan, sum Ólavur Ellefsen stovnaði í 2002, mikudagin varð seld einum av heimsins størstu feløgum, so verður leiðslan og menningin av OilSim framhaldandi í Føroyum Tekst og mynd: Eirikur Lindenskov E Schlumberger Oilfield Services er eitt altjóða oljutænastufelag. Felagið er størsti veitari til oljuídnáðin við sínum veiting og kunnleika til tøkniligar loysnin innan leiting, gransking og framleiðslu. Brøðurnir Conrad og Marcel Schlumberger stovnaðu felagið í 1926. Tá kallaðist felagið Société de Prospection Électripue, sum so gjøgnum árini hevur ment seg til tað, sum felagið er í dag – har tað veitir ymsar tænastur til oljuvinnuna, so sum viðgerð av seismikki, kanning og gransking, royndir av ymsum slag, ráðgeving og simulering – og helst er tað her, at oljuuleitispælið hjá Simprentis hevur áhuga. Tað starvast um 123.000 fólk hjá felagnum, sum eru úr 140 ymsum tjóðum, og tey arbeiða í fleiri enn 85 londum. Høvuðssætini hjá felagnum erú í Houston, París og Haag. Avtalan millum Simprentis og Schlumberger varð undirskrivað í Oslo mikudagin, tá Ólavur Ellefsen var í Oslo og undirskrivaði sølusáttmálan. Schlumberger hevur deild í Noreg, sum varð stovnað í 1966. Tøkniliga kompetansan hjá felagnum liggur í Stavanger, Bergen og Oslo. Har starvast í alt 1.500 fólk. Fakta um Schlumberger Oljurisi keypt Simprentis fyri 15 milliónir Fimm av starvsfólkunum hjá Simprentis á skrivstovuni í Tórshavn: Dima Kislov, Julius Biskopstø, Ólavur Ellefsen, Hellen Simonsen, Helena Egholm