hósdagur 27. februar 2014síða 36

8 nr. 2 I 28. februar 2014 Vinnublaðið hjá Miðlahúsinum Verkætlanir fyri 3,2 milliardir í ár Taka vit oljuboringarnar við, eru íløgur fyri oman fyri tríggjar milliardir krónur í Føroyum í ár. Slakar tvær milliardir krónur verða brúktar í byggivinnuni. Hetta ávirkar arbeiðsmarknaðin og eftirspurningin eftir fakfólki í byggivinnuni Marjun Dalsgaard kúlar, ítróttarhallir, havnir og sjúkrahús eru millum tær byggiverkætlanir, sum mynda virk­semið komandi árini. Milliardaupphæddir skulu brúkast, og longu í ár er ein milliard krónur sett av til almennar íløgur í bygningar, vegir og tunlar. Sosialurin hevur gjørt yvirlit yvir størstu íløgurnar í byggivinnuni í dag, og vísir yvirlitið stórt virksemi. Tann nógv umtalaði skúladepilin við Markna­gil er endiliga farin av bakkastokki og í hesum føri skulu 515 milliónir brúkast yvir 5 ár. Í ár skulu 149 milliónir brúkast til hesa byggiætlaninia, og stjórin í TG Verki, sum stendur fyri byggingini, fyrireikar seg longu til, at hann fær brúk fyri útlendskari arbeiðsmegi. Landssjúkrahús fyri 480 milliónir Menningin av Landssjúkrahúsinum heldur fram, og fyri nøkrum døgum síðani var ætlanin um at byggja Landssjúkrahús fyri 489 milliónir avdúkað. Av hesum skulu slakar 30 milliónir brúkast í ár. Sigurd Poulsen, stjóri á Hagstovuni, heldur, at tað er ringt at meta um vøksturin, tí tølini, sum Hagstovan hevur fyri 2012 og 2013 eru nógv meira umfatandi og fevna um millum annað keyp av skipum og flogførum. Hann heldur, at av almennu íløgunum er tað serliga íløgurnar hjá SEV á 379 milliónir í 2014, sum vekja ans. Hesar íløgur umfata útbygging av neti, verkum og inn­keyp av vindmyllum. Íløgurnar verða helst líka stórar næsta ár, sigur Hákun Djurhuus, stjóri í SEV. Íløgurnar hjá SEV eru helst tað, sum ger, at almennu íløgurnar koma upp um eina milliard í 2014, sigur Sigurd Poulsen. Tað heldur hann, tí at tær stóru kommunurnar, Tórshavnar Kommuna, Runavíkar Kommuna og Klaksvíkar Kommuna. ikki hava líka stórar íløgur, sum farnu árini. Bæði alment og privat Farstøðin og tænastumiðdepilin á flog­vøll­ inum geva í alt arbeiði fyri 130 milliónir krónur. Av hesum skulu 50 milliónir brúkast í ár. Hendan verkætlan verður helst liðug í mai í ár. At privata vinnan hevur havt tað gott, sæst aftur á byggivirkseminum. Bank Nordik byggir høvuðssæti fyri 94 milliónir krónur. Av teimum verða 40 milliónir brúktar í ár. Stóru peningaupphæddirnar koma frá upp­sjóvarvinnuni. Pelagos byggir sostatt fyri 200 milliónir í Fuglafirði í ár, og nýtir í stóran mun íslendska arbeiðsmegi. Umleið helvtin av handverkarunum eru sostatt útlendingar. Í somu vinnu hava vit Bakkafrost, sum fyri nøkrum døgum síðan kom út við einum yvir­skoti á 727 milliónir krónur fyri skatt. Bakka­frost hevur boðað frá, at fyritøkan fer at byggja út fyri 1,1 milliard komandi fimm árini. Av hesum verða 280 milliónir krónir brúktar í ár. 162 milliónir til Viðareiðistunnil Í fleiri ár hava fólk í Norðuroyggjum bíðað eftir at sleppa undan vandamikla vegnum til Viðareiðis – eitt vegastrekki á 7 km, sum mangan hevur loypt hvøkk á tey lokalu við oman­lopum og ringum koyrilíkindum. Eisini tey kunnu hesu dagarnar frøast um játtanir frá tí almenna. Ein tunnil, sum styttir leiðina við fimm kilometrum, verður gjørdur fyri 162 milliónir krónur. Væntandi verður koyrandi ígjøgnum tunnilin í 2017. Skúlar og sjúkrahús í Klaksvík Tað er ikki bara í Tórshavn, at ungdómurin fær ein nýggjan skúla. Í Klaksvík skal Tekniski Skúlin byggjast fyri 36 milliónir krónur, harav 21 milliónir skulu brúkast í ár. Klaksvíkingar fáa somuleiðis 15 milliónir krónur at umvæla sjúkrahúsið fyri. Av hesum skulu 11,2 brúkast í ár. Í alt merkir hetta almennar íløgur fyri S Menningin av Landsjúkrahúsinum heldur fram, og fyri nøkrum døgum síðani, varð ætlanin um at byggja Landsjúkrahús fyri 489 milliónir avdúkað. Av hesum skulu knapt 30 milliónir brúkast í ár. ...framhald á síðu 10