hósdagur 27. februar 2014síða 38

10 nr. 2 I 28. februar 2014 Vinnublaðið hjá Miðlahúsinum umleið eina milliard í 2014. Á privatum høpi verður bygt fyri í minsta lagi 680 mió. krónur í 2014. Her eru tað serliga teir tríggir høvuðsaktørarnir Bakkafrost, Pelagos og Bank Nordik, men eisini Bústaðir hava nógv virksemi – 100 milliónir krónur hava teir ætlanir um at brúka til íbúðir í ár. Vandi fyri ovurupphiting Tá nógv byggivirksemi er í gongd samstundis, veksur eftirspurningurin eftir handverkarum. Um marknaðurin ikki megnar at veita nokk av fakfólki, er vandi fyri ovurupphiting tá kostnaðurin fyri ein handverkara verður dýrari. – Tað eru tríggjar loysnir, um eftirspurningurin veksur skjótt. Tann eina er at gjalda tað, tað kostar, tað vil siga, at lønirnar fara upp, og verkætlaninar verða dýrari. Ein er at innflyta arbeiðsmegi, og ein er at draga verkæltaninar úr, sigur Sverri Hansen, formaður í Búskaparráðnum. Hann metir, at privata vinnulívið fer at gjalda tað, sumt tað kostar, men at tað almenna møguliga fer at draga nakrar verkætlanir út. Nógva virksemið kemur ikki óvart á byggivinnuna. Bæði Bakkafrost og TG Verk, ið m.a. byggir skúladepilin í Marknagili, hava longu funnið ein stóran part av arbeiðsfólkunum í Íslandi, og hjá SEV, sum hevur serliga nógv virksemi í ár, er leiðslan somuleiðis varug við, at tað kann gerast torført og dýrt at fáa arbeiðsmegi. - Vit royna at fá gongd á verkætlaninar sum skjótast, so sáttmálar kunnu koma í hús, greiðir stjórin, Hákun Djurhuus frá. Tað kann tó vera striltið at fáa útlendska arbeiðsmegi til vega. Niels Winther úr Vinnuhúsinum sigur í hesum sambandi, at tað kann vera ein stórur trupulleiki hjá fyritøkum, tí tað kann taka upp til 3-6 mánaðir at fáa útlendska arbeiðsmegi til vega. Íløgur fyri 3,2 milliardir Taka vit íløgurnar í oljuvinnuni við, er samlaða upphæddin av íløgum í Føroyum í ár umleið 3,2 milliardir. Hendan upphæddin umfatar boringar í grunnunum Brugdan 2 og Stelkur fyri 1,5 milliardir. Hetta gevur avleitt virksemi í Føroyum fyri millum 300 og 400 milliónir metir Vinnumálaráðið. Mett verður, at til dømis Runavíkar Havn kann fáa væl burturúr, av tí at alt skal yvir føroyskan kaikant, og Runavíkar Havn hevur gjørt nógv fyri at fyrireika seg til júst hetta. Í alt gera Tórshavnar Havn, Runavíkar Havn og Tvøroyar Havn íløgur fyri 79,6 milliónir krónur í 2014. Tórshavnar Havn stendur fyri 21, 6 av hesum, Tvøroyrar Havn fyri 50 og Runavíkar Havn fyri 18 milliónum krónum Sí yvirlit yvir verkætlanir á síðu 14 og 15 í Vinnublaðnum Tunnil til Viðareiðis verður nú veruleiki. Leiðin til Viðreiðis styttist við 5 km tá tunnilin stendur liðugur í 2017. Tunnilin kostar í alt 162 milliónir krónur Farstøðin og tænastumiðdepilin á Flogvøllinum gevur í alt arbeiði fyri 130 milliónir krónur. Av hesum skulu 50 milliónir brúkast í ár. Hendan verkætlan verður helst liðug í mai í ár Mynd: RAVN Arkitektur