týsdagur 11. mars 2014síða 40

4 fótbóltur 2014 Fótbóltsblaðið hjá miðlahúsinum HB ætlar sær longri enn á tindin havnar bóltfelag Umframt at endurvinna FM heitið hava Heðin Askham og HB eyguni eftir løgmanssteypinum, sum hevur verið leingi burturi úr HB húsinum, og eftir vónbrotið í fjør, tá ið tað glapp í síðstu sekundunum, við samanspældum liði at røkka longri í europeisku kappingunum, enn felagið higartil hevur megnað Í fjør vunnu teir FM heitið fyri 22. ferð. Tað fegnaðust tey um í HB, men eingin skal rokna við, at felagið fer at hvíla á tí, sum er farið. Fokus er sett ímóti at endurvinna FM, og málið er at vinna meiri, enn tað hevur eydnast at vinna níggju tey seinastu árini, tá ið fýra FM heiti eru vunnin. Í 2004 vann HB FM og kappingina um løgmanssteypið. Hvørt ár er málið at vinna báðar kappingarnar, og soleiðis er tað eisini í ár. Hóast FM varð vunnið sannførandi, so skifti leiðslan meistaravenjaran í fjør út. Heðin Askham verður sagdur at vera tann rætti at standa fyri barndómsfelagnum, sum leggur trýst á seg sjálvt. Tað argar, at tað higartil ikki hevur eydnast HB at spæla seg víðari í europeisku kappingunum, burtur­sæð frá í 1993 , tá ið mótstøðuliðið ikki møtti upp. Í fjør var tað tætt við. Eftir 1-1 í Vest­ manna­oyggj­unum var tað nóg mikið við 0-0 á heimavølli, og tað var støðan, inntil tíðin var um at vera farin. Tá bríkslaði dómarin fyri brotssparki, sum ÍBV umsetti til mál, og punktum varð harvið enn eina ferð sett fyri víðari europeiskari HB luttøku. Um lutakastið ikki verður av leið, so eiga fyri­treytirnar at vera fyri, at tað hesa ferð skal eydnast. HB eigur væl samanspælt og trimmað lið, sum er eyðkent av, at nógvir hava royndir á lands­liðum. Í felagnum eru tey fegin um, at nógvir av spælar­unum fáa landsliðsboð. Kortini kemst ikki uttanum, at tað órógvar venjingar­nar upp undir kappingar­byrjan, tá ið nógvir spælarar eru burturi. Upp undir kappingar­byrjan hava fýra spælarar saman við venjaranum verið á U21 landsliðnum, og fýra spælarar hava verið á venjingarlegu við a-landsliðnum. Haraftrat órógvar tað, at stuðuls­spæl­ arar hava verið og eru skaðaplágaðir. Her verður hugsað um Símun Samuelsen og Christian R. Mouritsen, sum ikki hava spælt venjingardystir, og um Andrew av Fløtum, sum ikki hevur verið so nógv uppií. Teitur M. Gestsson er sjálvskrivaður mál­verji og Thmas Knudsen stuðlar honum. Úti á vøllinum er kapping millum spæl­arar, sum ivaleyst allir høvdu verið stuðuls­ spælarar í øllum hinum feløgunum. Jóhan Troest Davidsen var í fjør skansin í mið­verjuni. Higartil í ár hevur hann eisini verið á vong­verjanum, meðan Rógvi S. Holm hevur verið miðverji saman við nýggja lands­liðs­spælaranum Gunnari Haraldsen. Á vongverjanum í vinstru er Pál M. Joensen fremri enn veteranurin Alex José dos Santos. Annað boð er René S. Joensen, um hann ikki verður meiri framrættaður. Sjálvskrivaðir á miðvøllinum eru Fróði Benjaminsen, Heini Vatnsdal og Levi Hanssen. Aðrir sum stríðast um miðvallar­ pláss eru Tróndur Jensen, Teit Jacobsen og Bartal Wardum. Andrew av Fløtum er fram­vegis tann fremsti, og so eru tað aðrir, sum bjóða seg til framrættað miðvallar­ pláss, pláss í borðunum og í álopinum. Her verður hugsað um Símun Samuelsen, Christian R. Mouritsen, Kristin R. Mouritsen, Jógvan Róa Davidsen, Páll M. Joensen, Bárð J. Heinesen og Poul Ingason. Úrvalið, evnini og royndirnar siga, at HB er favo­rittur. Tað vita tey í felagnum,og tey halda seg vera brynjað at lyfta avbjóðingini at røkka fleiri tindum og longri út í verðina. Meistari (22) 1955, 1960, 1963, 1964, 1965, 1971, 1973, 1974, 1975, 1978, 1981, 1982, 1988, 1990, 1998, 2002, 2003, 2004, 2006, 2009, 2010, 2013 Steypavinnari (26) 1955, 1957, 1959, 1962, 1963, 1964, 1968, 1969, 1971, 1972, 1973, 1975, 1976, 1978, 1979, 1980, 1981, 1982, 1984, 1987, 1988, 1989, 1992, 1995, 1998, 2004 Greipuvinnari (12) 1955, 1963, 1964, 1971, 1973, 1975, 1978, 1981, 1982, 1988, 1998, 2004 Í bestu deildini (72 ár) 1942-1943, 1945- Í Europa (19) 1993, 1994, 1995, 1996, 1997, 1998, 1999, 2000, 2001, 2003, 2004, 2005, 2006, 2007, 2008, 2009, 2010, 2011, 2013 HB Stovnað 4. oktober 1904 Formaður Finnbogi Arge 1 V i t t i p p a Hópurin 1 Teitur Gestsson 16 Thomas Knudsen 2 Alex José dos Santos BRA 3 Rógvi S. Holm 5 Johan Troest Davidsen 13 Gunnar Haraldsen 18 Pál Mohr Joensen 19 Jógvan Rói Davidsen 23 René Shaki Joensen 6 Heini Vatnsdal 7 Fróði Benjaminsen 11 Christian R. Mouritsen 12 Levi Hanssen 17 Bartal Wardum 21 Kristin Restorff Mouritsen 24 Tróndur Jensen 8 Páll Mohr Joensen 9 Símun Samuelsen 10 Andrew av Fløtum 14 Teit Jacobsen 20 Poul Ingason 22 Bárður J. Heinesen Venjari Heðin Askham Hjálparvenjari Jón Simonsen Frágongd: Bárður Olsen, Hans Jørgensen, Jógvan Skeel Nolsøe, Sørin Samuelsen og Magnus Egilsson Tilgong: René Shaki Joensen, Poul Ingason og Levi Hanssen