týsdagur 11. mars 2014síða 46

10 fótbóltur 2014 Fótbóltsblaðið hjá miðlahúsinum Tað sigur Albert Ellefsen, sum væntar at HB vinnur FM, men at kappingin annars verður tættari enn í fjør. – Tað verða smálutir, ið koma at avgera um tú blívur nummar tvey, trý ella nummar átta, sigur ársins venjari 2013 ÍF hevur nú tvey ár upp í slag vunnið silvur í landskappingini. Fyrst við Flemming Christensen sum venjara, og í fjør við Alberti Ellefsen við róðrið. Báðir eru kosnir til ársins venjara fyri síni avrik. Samstarvið millum ÍF og Albert Ellefsen heldur fram í ár. Málið í ár er at halda fast um silvurheiðursmerki í landskappingini, meðan kappingin um Løgmanssteypið verður uppraðfest. So hví ikki fara eftir gullinum í landskappingini eisini? – Tað er bara ein meistari í ár. Tað er HB, sigur Albert Ellefsen, sum sjálvur hevur drúgvar royndir sum partur av venjara­ toyminum hjá HB. Hóast ÍF hevur havt eitt sindur av frá­ gongd, so heldur venjarin hjá ÍF, at tað bara er Víkingur, sum hevur styrkt seg í kappingini um heiðurs­merkini í landskappingini. – Einasta liðið, sum eg haldi veruliga hevur styrkt seg er Víkingur. Teir koma at verða sterkir í ár, men eitt nú EB/Streymur er áleið á sama stigi. Har avhongur nógv av Arnbirni Hansen, sigur Albert Ellefsen, og nevnir eisini KÍ og AB, sum hava fingið tilgongd. – Hetta minnir meg eitt sindur um 1999, tá eg var hjálparvenjari hjá HB. Vit blivu nummar fýra, men um vit vunnu ein dyst móti KÍ, so blivu vit meistarar, greiðir Albert frá. Raðfesta steypakappingina Albert er ikki í iva um, at kappingin um heiðurs­merkini verður hørð í ár. Styttri vegurin til luttøku í Evropa er steypa­ kappingin. Tí verður nógv lagt fyri í steypakappingini. – Vit raðfesta steypakappingina hægst. Tað er tann stutti vegurin til Evropa, sigur Albert, sum væntar at tað verða smálutir, sum avgera hvør fær Evropa pássini í lands­ kappingini. – Eg vænti, at tað verða ikki fleiri enn fimm stig, sum koma at skilja nummar trý fra nummar átta. Tí er skjótt at enda longur niðri, sigur venjari hjá ÍF. Hann ásannar, at lutakastið í steypakapp­ ingini kann blíva avgerandi. Fyribils hevur ÍF fingið eitt gott lutakast. Undirmettur hópur Fleiri høvdu avskrivað ÍF til kappingarárið í fjør. Umframt fleiri flytingar, so skuldi Albert Ellefsen eisini taka við eftir Flemming Christensen, sum júst var kosin til ársins venjara. Albert var tó væl ílætin til upp­ gávuna, og tað var hópurin eisini. – Eg havi verið venjari í nógv ár og havi eisini roynt nógv sum spælari sjálvur. So eg veit hvat skal til. Eg havi eisini verið hjálparvenjari hjá eitt nú Ion Geolgau og Krzysztof Popczynski í HB og havi tikið tað besta frá teimum við mær, sigur Albert Ellefsen, sum eisini heldur at hópurin hjá ÍF er undir­mettur. – Eg haldi, at hópurin hjá okkum er undir­ mettur. Vit hava fleiri profilar á liðnum, sum hava nógvar royndir. Teir lata seg ikki ávirka um tað gongur illa yvir eitt tíðarskeið, sigur Albert um orsøkina til, at ÍF tvey ár upp í slag hevur megnað at vunnið silvurheiðursmerki í lands­kappingini. Hann nevnir spælarar sum Jákup Mikkelsen, Bartal Eliasen, Høgna Zachariasen, Aleksandar Jovevic, Nenad Saric og Clayton Soares, sum allir eru yvir 30 ár og hava spælt fleiri hundrað dystir í bestu deildini. – Hugburðurin á liðnum er góður. Vit fóru ongantíð í panikk til venjing mánadag, tí vit høvdu tapt um vikuskiftið. Somuleiðis haldi eg, at teir ungu taka við læru, vísur Albert Ellefsen á. Millum teirra, sum eru burtur í ár eru Jan Ó. Ellingsgaard, Høgni Madsen og Øssur Dalbúð. Felagið hevur fingið tilgongd fyri Høgna og Øssur, í Karl Løkin og Kristoffur Jakobsen. Verri er at finna ein avloysara fyri Jan Ó. Ellingsgaard. Albert hevur millum annað roynt at seg við Fritleif í Lambanum á vinstra bakki, meðan ein annar møguleiki er, at spæla við trimum í verjuni. – Tað er eisini ein loysn sum vit arbeiðavið. Vit hava roynt hana í onkrum venjingardysti og tað hevur roynst væl, sigur Albert Ellefsen. Øssur Dalbúð skoraði tólv mál í fjør og var ein týðandi spælari, men Albert vísur á, at Kristoffur Jakobsen fyrr hevur skotið fleiri mál í einum kappingarárið fyri KÍ. Ongin feria í ár Stóri skambletturin hjá ÍF í fjør, var tá liðið luttók í Evropa League móti Linfield úr Noður­ írlandi. Fleiri spælarar vóru ikki við, tí teir vóru í feriu. Tað gjørdist til eitt stór mál, har fleiri komu við atfinningum mótvegis ÍF. Nevndini vardi seg við, at hetta var einasti møguleikin at tiltrekkja so stórar spælarar. – Eg haldi, at vit við fullari manning kundu havt fingið eitt betri útgangsstøðið í fyrra dystinum, sigur Albert, sum einki hevur hoyrt um feriu í ár. Hann leggur afturat, at lutakastið spælir eina stóra leiklut um ÍF kann koma víðari í Evropa League. Tað tykist greitt at Albert ikki ætlar sær at sleppa takinum á silvurkrónuni. Málið er at halda fast um silvurkrónuna