týsdagur 11. mars 2014síða 48

12 fótbóltur 2014 Fótbóltsblaðið hjá miðlahúsinum Fleiri B36'arar í B36 Bóltfelagið B36 Tíðarskeiðið við landsliðsspælarum av bygd í árstalsfelagnum er av – fyribils í hvussu so er – og nú eru tað tveir útlendskir lyklaspælarar saman við nýggja venjaranum Sámali Erik Hentze og nógvum, ið eru uppvaksnir í felagnum, sum skulu menna liðið og halda tørn um bronsuplássið Tað eru nýggjar tíðir í B36. Mynstrið hevur leingi verið, at landsliðsspælarar eru komnir av bygd og í felagið, har teir hava verið millum berandi kreftirnar. Súni Olsen er farin aftur til Gøtu, og Gilli Sørensen er farin til Aalborg. Eingin er komin av bygd og í teirra stað. Heldur verður vónað, at fleiri av yngru monnunum í felagnum skulu mennast og taka ábyrgd. Tað roynist betri í longdini, og so hevur tað nógv at siga, at hesin loysturin er bíligari. B36 hevur repað seglini fíggjarliga. Kortini verður vónað, at tað skal bera til at varð­veita støðuna. Í fjør lyfti liðið seg móti kappingarenda upp á bronsuplássið. Síðani er nýggjur ábygdarpersónur komin. Sámal Erik Hentze heldur um stýrisvølin, og hann arbeiðir við at fáa liðið at rigga í 4-3-3 útgávu. Í málinum er Tórður Thomsen fyrsta val. Aftrart honum eru Trygvi Askham og Árni Guldborg Nielsen. Í fjør stóðu ungu menninir seg væl í miðverjuni, og tað eru framvegis Hørður Askham, Robert Heðin Brockie og Karl Martin Danielsen, sum eru bestu boðini. Høgni Eysturoy eigur vongverjan í høgru, og Símun Joensen verður í vinstru, um hann verður førur fyri at spæla, og um venjarin ikki flytur hann á verjukent miðvallarpláss, har Róaldur Jacobsen, Eli F. Nielsen og superveteranurin Klæmint Matras eru onnur boð. Lukasz Cieslewicr er fremstur á mið­ vøll­inum, og á framrættaðu plássunum eru Sandri Færø, Tóki á Lofti sum í fjør var besti málskjútti á næstbesta liðnum, Rasmus Dan Sørensen, sum í fleiri ár hevur skorað mál og á gáttini at vinna fast pláss, Høgni Midjord, sum í fjør var við í 23 dystum, Hanus Thorleifsson, sum eisini var í felag­num 2006-2009, Ámund Nolsøe, Benjamin Heinesen og Jákup á Borg, sum nú er hjálpar­venjari. Siðsta FM heitið varð vunnið í 2011. Tá vóru tað sekstan spælarar, sum vóru við í minsta lagi í tíggju dystum. Av teimum eru tíggju ikki longur í felagnum. Fleiri vóru keyptir til felagið. Eitt nú Meinhard Joensen, Jonas Flindt Rasmussen, Súni Olsen, og Atli Danielsen. Burtursæð frá Súna Olsen var eingin av hesum á liðnum í fjør. At ungu B36 spælararnir megnaðu sín leiklut siga tølini. Tað fóru 35 mál ígjøgnum. Einasta liðið, sum átti tættari verju enn B36, vóru grannarnir og meistararnir, ið lótu eitt mál færri fara ígjøgnum. Tað er lítið vera at ivast í, at verjuparturin ikki verður verri í ár. Sammett við onnur ár skoraðu út­ lendsku lyklaspælararnir ikki so nógv mál. Serliga stóran týdningar hevur tað, at Lukasz Cieslewicz ikki verður so meint raktur av skaðum, sum hann hevur verið. Í fjør var hann við í 21 landskappingar­ dystum. Hann er sjálvskrivaður at spæla allar dystirnar á tamb. Í fjør varð hann tvær ferðir skiftur inn, og seks ferðir noyddist hann av vøllinum. Tað ber boð um, hvussu støðan var. Kortini skoraði hann 12 mál. Adeshina Lawal skoraði 10 ferðir í 24 dystum. Í fjør skoraðu fimm feløg fleiri mál enn B36. Um hesir báðir verða væl fyri, og um ungu menninir vísa ábyrgd, so kann tað bera langt. Men tað verður stór avbjóðing hjá Sámali Erik Hentze og hans­ ara monnum. Meistari (9) 1946, 1948, 1950, 1959, 1962, 1997, 2001, 2005, 2011 Steypavinnari (5) 1965, 1991, 2001, 2003, 2006 Greipuvinnari (1) 2001 Í bestu deildini (70 ár) 1942-1943, 1945-1984, 1986, 1988- Í Europa (12) 1992, 1997, 1998, 1999, 2000, 2002, 2004, 2005, 2006, 2008, 2009, 2012 B36 Stovnað 28. mars 1936 Formaður Heiðrikur Christiansen 4 V i t t i p p a Hópurin 1 Tórður Thomsen 16 Trúgvi Askham 24 Jákup Højgaard 3 Símun Joensen 4 Robert Heðin Brockie 5 Karl Martin E. Danielsen 8 Hørður H. Askham 17 Alex Mellemgaard 20 Høgni Eysturoy 6 Eli Falkvard Nielsen 12 Árni G. Nielsen 10 Róaldur Jakobsen 14 Høgni Midjord 18 Benjamin Heinesen 19 Sandri Færø 22 Klæmint Matras 24 Hanus Thorleifsson 9 Jákup á Borg 11 Lukasz Cieslewicz PÓL 15 Tóki á Lofti 23 Rasmus Dan Sørensen 30 Adeshina Abayoni Lawal nig Venjarar Sámal Erik Hentze og Jákup á Borg Frágongd: Súni Olsen, Evrard Blé og Gilli Sørensen Tilgongd: Alex Mellemgaard, Hanus Thorleifsson og Klæmint Matras