týsdagur 11. mars 2014síða 50

14 fótbóltur 2014 Fótbóltsblaðið hjá miðlahúsinum – Um tú tekur okkum spælara fyri spælara og setir okkum upp ímóti øðrum liðum, so eru hini liðini sterkari enn vit. Men ein Morris Mini klárar at yvirhála ein Ferrari, tað snýr seg bara um at vera dugnaligari, sigur venjarin hjá B36, Sámal Erik Hentze, sum hevur sett sær Evropa sum mál Nakað av útskifting hevur verið í høvuðs­ staðar­felagnum B36, har størsti miss­urin má sigast at hava verið ein av av­gjørdu profil­ unum í landskappingini, Súni Olsen, sum nú hevur skift til Víking. Nýklakti lands­liðs­leik­ arin, Gilli Sørensen, er eisini farin. Hann er farin til danska AaB. Eisini á venjarabeinkinum er útskifting farin fram; gullvenjarin frá 2011, Mikkjal Thomassen, er givin, og í hans­ara stað er komin Sámal Erik Hentze úr granna­ felagnum AB. Verandi meistararnir, somuleiðis grannar­ nir – úr HB – hava longu meldað út, at málið er at endurvinna FM. Vit spurdu Sámal Erik, um gull eisini er málið í B36. – Málsetningurin hjá øllum má innast inni vera at vinna. HB skal hava greipuna, EB/ Streym­ur greipuna, Víkingur vil verða meistari og KÍ vil heilt fram í oddan. Tað er greitt, at onkur verður vónbrotin. Men í einum stórum felag sum B36 má málsetningurin í øllum førum vera at koma í Evropa aftur, og um tað verður bronsa ella eitt 4. pláss, sum verður nóg mikið, kemur tíðin at vísa. Eg haldi, at tað er meiri realistiskt at stíla eftir tí, sigur Sámal Erik og heldur fram: – Um eg fái tað besta burturúr hvørjum leikara, so er tað realistiskt at koma langt. Um tú tekur okkum spælara fyri spælara og setir okkum upp ímóti øðrum liðum, so eru hini liðini sterkari enn vit. Men ein Morris Mini klárar at yvirhála ein Ferrari, tað snýr seg bara um at vera dugnaligari, sigur Sámal Erik. Eftirlýsir ávísar árgangir Sámal Erik Hentze hevur hug at seta spurnar­ tekin við, hvar summir árgangir ímillum leik­arar­nar í B36 blivu av. Róaldur Jacobsen og Høgni Eysturoy eru teir eldru ímillum teir yngru, men síðani er langt upp til Jákup á Borg, Klæmint Matras og aðrar uppruna B36- arar. Hann heldur, at hópurin manglar eldri leikarar, sum hava spælt fast, men heldur seg annars hava verið í felagnum ov stutt til at lýsa styrkirnar í hópinum. – Eg veit ov lítið enn, men tað kemur fram tá ið vit byrja at spæla um trý stig. Tá komi eg at síggja hvussu teir reagera og annað. Samansjóðingin er í lagi, soleiðis sum eg havi upplivað tað upp til kappingina, sigur hann. B36 skal við bronsuheiðursmerkjunum um hálsin út í Evropa at spæla í ár. Er hópurin nóg breiður til tríggjar kappingar, spyrja vit Sámel Erik. – Hópurin er ikki breiður, men hatta er ilt at svara uppá. Um ein klárar at komensera við leikarum og raka rætt, so er hann nóg breiður, men í fjør upplivdi eg í AB at hava 10 spælarar úti við skaða, og tá er eingin hópur nóg breiður, sigur hann og slær fast, at tað hevur nógv við skaðar at gera, hvørs ein hópur er nóg breiður ella ikki. – Men um eitt lið hevur succés, so klára allir at spæla, leggur hann aftruat. Klæmint er umráðandi Eftir ein styttri steðg er fyrrverandi lið­ skiparin og uppruddarin á miðvøllin, Klæmint Matras, aftur tøkur á besta liðnum hjá B36. Hetta fegnast B36-venjarin um, tí við oman­ fyri 300 dystir fyri besta liðið hjá B36 metir hann at Klæmint hevur eina rúgvu at geva av sær. – Tað er hansara hug- og kropsburður at stríðast og gera tað gott bæði í venjing og dysti. Slíkar leikarar mangla vit ímillum teir ungu í Føroyum, sigur Sámal Erik og heldur fram: – Við Klæminti fáa vit ein leikara, sum tekur hond um hinar. Hann hevur royndirnar og veit hvat hann tosar um. Tað er sera um­ ráðandi at allir taka ráðini til sín, tá ið Klæmint tekur sær tíð at geva frá sær, metir Sámal Erik. Vil eisini Evropa B36 hevur áður spælt seg víðari í Evropa við sigrum á eitt nú Birkirkara av Malta og ÍBV úr Íslandi, og fyrraárið vóru teir eisini um reppið at koma víðari í Champions League tá ið bara ein brotssparkskapping skilti B36 og Linfield úr Norðurírlandi. Sámal Erik metir, at tað ber til hjá B36 at gera seg galdandi í Evropa aftur. – Við rætta hugburðinum ber alt til. Tú kanst ikki fara á vøllin og hugsa, at tú ikki kanst, tí so skalt tú ikki vera við. Ein skal hava trúnn­að upp á at tða ber til og gera tað so lætt sum gjørligt at fáa tað góða úrslitið, sigur Sámal Erik og undirstrikar, at lutakastið hevur ógvuliga nógv at siga fyri føroysku liðini. Øðrvísi í stórfelagi Sámal Erik Hentze hevur seinastu árini verið venjari hjá AB, men áðrenn tað hevur hann verið venjari hjá HB í eitt ár. Hann heldur, at tað er munur at vera venjari í einum lut­fals­ liga lítlum felagi sum AB í mun til einum stór­ felagi sum B36. – So løgið tað ljóðar, so eru tað fleiri fólk um eitt lítið felag. Tað er eins og fólk eru góð við tað lítla felagið og felagið er eitt savningar­stað. Tú sært ikki B36-arar hyggja eftir venjing og práta sum í AB, har tað er stórur áhugi og tey helst kenna seg sum ein part av felagnum júst tí tað er so lítið. So jú, tað er stórur munur, sigur Sámal Erik, sum tó vísir aftur, at tað er størri trýst í einum stór­felag. – Nei, tað haldi eg ikki. Tað er ikki eitt krav at vinna FM-heitið. Trýstið verður kanska størri næsta ár, tí tá síggi eg hvat fer at mangla og tá kann trýstið blíva stórt at fáa brikkar­nar at rigga saman. Vit vita ikki hvar vit flóta og eingin hevur sett FM sum eitt krav, sigur Sámal Erik Hentze at enda. Evropa er málið