týsdagur 11. mars 2014síða 52

16 fótbóltur 2014 Fótbóltsblaðið hjá miðlahúsinum NSÍ aðru hvørja ferð nummar fýra Nes Sóknar Ítróttarfelag Hópurin Stóri profilurin í arbeiðnum hjá lokalu venjarunum at verja borg er lítið lætni liðformaðurin og toppskjúttin Klæmint A. Olsen, sum seinastu fýra árini, tá ið NSÍ við einum undantaki er endað millum fýra tey fremstu, hevur skorað 64 mál í landskappingini Tað var óvæntað, at NSÍ skuldi skifta venjara eftir síðsta kappingarár. Liðið endaði á fjórða plássi, og fram ímóti kapp­ ingar­enda svingaði tað væl, tá ið tað í tíggju umførum eydnaðist at vinna átta ferðir. Eina ferð var javnt, og í næstsíðsta um­fari var tað avgerandi, at NSÍ tapti 3-1 í Fugla­ firði og harvið endaði á fjórða plássi. Síðani 2005 hevur kappingin fevnt um 27 umfør, og í fimm av hesum níggju kappingar­árunum hevur NSÍ endaðstøðan verið fjórða plássið. Eitt av hinum árunum – í 2007 – vann NSÍ fyrsta og higartil einasta FM heitið. Nýggjur venjari er Trygvi Mortensen, og hjálparvenjari er Helgi L. Petersen. Teir eru báðir uppvaksnir í felagnum. Hóast Trygvi ikki hevur verið venjari í bestu deildini síðani 2006, tá ið hann fyrstu 21 umførini var í NSÍ, so hevur hann drúgvar venjararoyndir bæði í barndómsfelagnum og aðra staðni. Eitt nú hevur hann áður vant NSÍ í fimm ár. Longu fyri 22 árum síðani, tá ið hann var 24 ára gamal, tók Trygvi fyri fyrstu ferð við ábyrgdini, eftir at venjarin var sagdur úr starvi, og í 1999 endurtók tann søgan seg. So var hann venjari aftur í felagnum í 2000 og 2005. Síðani síðsta kappingarár eru tríggir lyklaspælarar farnir aðra staðni. Einasti nýggi maðurin er málverjin Andras Gango, sum er kendur í felagnum. Saman við honum er bara 16 ára gamli Karstin Hansen, sum í fjør var málverji á U18 FM liðnum í fjør. Á U18 liðnum í fjør vóru fleiri spælarar, sum fara at gera um seg á besta liðnum. Onkrir fingu møguleikan longu í fjør, og aðrir eru í ár fastir menn í hópinum. Tað er sannlíkt, at onkur teirra fer at vera millum ella tætt uppat teimum fyrstu ellivu. Miðverjar eru Jens Joensen, Per Lang­gaard, Einar Tróndargjógv, Leivur Højgaard og Sjúrður Jacobsen. Jónhard Frederiksberg, sum í fjør var einasti útispælarin, ið spældi alla kappingina á tamb, er vongverji í høgru, og Monrad Holm Jakobsen er annað boð. Umframt Einar og Sjúrð er Albert Róin Johannesen evni á vinstra vongverja. Royndu sentralu miðvallararnir eru Magnus Olsen og Jústinus R. Hansen, og so kunnu Jann Martin Mortensen og Árni Frederiksberg, ið annars eru síðuspælarar, eisini nýtast har saman við ungum monnum sum eitt nú Ara Langgaard og Jákup Andrias Gaardbo. Í borðunum eru umframt Jann Martin og Árna Debes Danielsen, Andy Olsen og Jóannes Hansen. Liðið er eyðkent av at vera samhaldsføst eind. Um nakar skarar framúr, so er tað liðformaðurin og álopsspælarin Klæmint A. Olsen. Í fjør var hann toppskjútti við 21 málum. At máltevið er framúr verður undirstrikað av, at Klæmint í lands­kapping­ unum fýra tey seinastu árini hevur skorað 64 mál! Haraldur R. Højgaard er gott boð upp á framrættað pláss, og so eru tað eitt nú Arni W. Gregersen og Andrias á Líknargøtu. Tað er næstan siðvenja, at NSÍ endar í ovara helmingi. Einasta undantakið síðani 2005 er 2012, tá ið endastøðan var 7. pláss. Kappingin tykist fara at verða tøtt, og tað kann gott vera, at teir í Runavík fara at verða fegnir um enn eitt fjórða pláss. 1 Andras Gango ung 29 Karstin Hansen 2 Per Langgaard 3 Monrad Holm Jacobsen 4 Jens Joensen 5 Jákup Andrias Gaardbo 12 Einar Tróndargjógv 17 Jónhard Frederiksberg 21 Sjúrður Jacobsen 24 Albert R. Johannesen 6 Jústinus R. Hansen 7 Jann Martin Mortensen 8 Jóannes Hansen 9 Debes Danielsen 11 Árni Frederiksberg 13 Ari Langgaard 14 Meinhard E. Olsen 18 Magnus H. Olsen 22 Leivur Højgaard 27 Andy Olsen 10 Klæmint A. Olsen 15 Arni W. Gregersen 16 Andrias Klein á Líknargøtu 19 Haraldur R. Højgaard Venjarar Trygvi Mortensen og Helgi L. Petersen Frágongd: Andras Frederiksberg og Karl Á. Løkin Tilgongd: Andras Gango og Jústinus R. Hansen Meistari (1) 2007 Steypavinnari (2) 1986, 2002 Greipuvinnari (0) Ongantíð Í bestu deildini (29 ár) 1976, 1979, 1984-1988, 1991- 1992, 1994-1995, 1997- Í Europa (9) 2003, 2004, 2005, 2007, 2008, 2009, 2010, 2011, 2012 NSÍ Stovnað 24. mars 1957 Formaður Kinna Fritsdóttir Olsen 7 V i t t i p p a