týsdagur 11. mars 2014síða 56

20 fótbóltur 2014 Fótbóltsblaðið hjá miðlahúsinum Skreytið aftur á skrá í Sundalagnum EB/Streymur Hópurin Tilfarið er til plasering millum tey bestu. Avgerandi spurningurin er, hvussu tað verður við førleikanum hjá lyklaspælarum, og hvussu svangir teir nógvu eru, sum áður hava verið við til at vinna FM og fleiri steypafinalur Tá ið EB/Streymur í 1994 fyri fyrstu ferð royndi seg í bestu deildini, mundu tað vera fá, sum ímyndaðu sær, at felagið ikki so nógv ár seinni skuldi verða millum tey fremstu. Fyrsta árið dumpaði liðið so rudduliga. Fimm stig í 18 dystum, 10. plássið og niðurflyting vóru úrslitið. Tað gekk heldur ikki nakað serligt fyrstu árini, tá ið liðið var aftur at síggja millum tey fremstu. 8. plássið í 2001 og 9. plássið í 2002 siga, at liðið hevði verið aftur í næst­bestu deildini og vent, um ásetingin var gald­andi, sum sigur, at tvey tey niðastu skulu flyta niður. Seinni hevur gingið rætta vegin, og síðani kappingin í 2005 varð víðkað at fevna um 27 umfør, hevur EB/Streymur verið millum tey fremstu. Nú felagið fer undir 15. árið í bestu deildini, er spurningurin, um tað aftur fer at eydnast at vera við at seta dags­skránna. Síðsta kappingarár kendist sum lutfalsligur aldudalur, tí endastøðan var fimta pláss í landskappingini og tap í steypa­finaluni. Rúni Nolsøe hevur annað árið ábyrgdina, og hann hevur royndar spælarar á liðnum. Teir eru ikki so nógvir sum onkra aðra staðni, og tí kann tað skjótt vísa seg, at liðið viknar, um tað verður rakt av skaðum ella leik­bannum. Onkrir av stuðulsspælarunum eru farnir, men teir, ið eru komnir aftrat, fara at gera mun. Talan er um landsliðsspælararnar Jónas þór Næs og Pól Jóhannus Justinus­ sen. Stríðsandanum hjá teimum bilar einki, og tað er við til at lyfta liðið. Spurningurin er, um teir, ið hava verið við øll tey glæsiligu árini, enn eina ferð spenna seg út, eftir at fleiri hava verið við til at vinna FM í 2008 og 2012 og steypa­ finalurnar í 2007, 2008, 2010 og 2011. Hóast hann ongantíð hevur fingið møguleikan á landsliðnum, er René Tórgarð enn millum bestu málverjarnar. Aftrat honum eru Símun Jóhan Wolles og Jákup Andrias Joensen málverjar. Ivi hevur verið um Egil á Bø og Marna Djurhuus, men teir eru aftur miðverjar. Gert Hansen, Hans Pauli Samuelsen, Leif Niclasen og Arnbjørn Hansen eru eisini framvegis millum lyklaspælararnar. Brian Olsen hevur verið við leingi, og seinastu árini hevur Arnar Dam ment seg rættuliga nógv. Rógvi E. Nielsen, Niels Pauli Danielsen og Gunnar Zachariasen rigga væl í Sunda­ lagnum, og nú verður vónað, at onkrir av yngru monnunum skulu megna størri leiklut, enn teir higartil hava havt. Talan er um eitt nú Árna G. Olsen, Allan Hansen, Andru Jakobsen, Jóhannes Hansen, Hanus Olsen, Jónstein Magnussen, Jens Michael Jensen og Róa Olsen. Í fjør vóru teir við Margáir skerdir, tí vanda­miklasti málskjúttin nógvu tey seinastu árini, Arnbjørn Hansen, sum er upp­lagt lands­liðsval, tá ið hann er upp á sítt besta, ikki var tøkur. Arnbjørn var so skaða­ darvaður, at hann bara var á vøllinum í 14 lands­kappingar­dystum, og bara 9 dystir var hann førur fyri at spæla á tamb. Leif Niclasen hevur tikið alt størri ábyrgd sum tann, ið umsetur møguleikar til mál. Kortini er tað einki at ivast í, at dygdin í álops­partinum er av sovornum slagi, tá ið teir tríggir – Hans Pauli Samuelsen, Leif Niclsen og Arnbjørn Hansen – eru teir fremstu, at hon ikki finst betri. 1 René Tórgarð 24 Jákup Andreas Hansen 2 Rógvi E. Nielsen 3 Árni G. Olsen 4 Gert Hansen 6 Pól Jóhannus Justinussen 7 Jónas Þór Næs 8 Egil á Bø 12 Marni Djurhuus 23 Rói H. Olsen 5 Høgni Madsen 11 Hans Pauli Samuelsen 14 Jónstein Magnussen 15 Hanus Egil Olsen 17 Niels Pauli Danielsen 18 Brian Olsen 20 Jóhannes Hansen 21 Ólavur Ejdesgaard 9 Arnar Dam 10 Gunnar Zachariassen 13 Jens Michael Jensen 22 Arnbjørn Hansen 23 Leif Niclasen Venjari Rúni Nolsøe Frágongd: Levi Hanssen og Pætur Dam Jacobsen Tilgongd: Pól Johannus Jústinussen, Jónas Þór Næs og Høgni Madsen Meistari (2) 2008, 2012 Steypavinnari (4) 2007, 2008, 2010, 2011 Greipuvinnari (1) 2008 Í bestu deildini (15 ár) 1994, 2001- Í Europa (7) 2007, 2008, 2009, 2010, 2011, 2012, 2013 EB/Streymur Stovnað 13. februar 2011 Formaður Sigvald Zachariassen 3 V i t t i p p a