týsdagur 11. mars 2014síða 58

22 fótbóltur 2014 Fótbóltsblaðið hjá miðlahúsinum EB/Streymur er steypaliðið við teimum framúrskarandi mótálopunum. Tað, at teir standa seg væl í mótálopunum, er venjarin varugur við, og tað skal gagnnýtast. – Hetta er ein styrkur hjá okkum og eisini nakað vit hava fokus á, sigur Rúni Nolsøe, venjari hjá EB/Streymi Tað gekk ikki heilt eftir vild hjá EB/Streymi í fjør. Í øllum førum ikki í landskappingini, har liðið endaði á 5. plássið, men ein uggi var tað hjá sundalagsfólkum, at tað gekk væl í hinum kappingunum. EB/Streymur megnaði nevniliga at spæla seg víðari úr fyrsta undanumfari í Europa League, eins og teir – hóast torført lutakast – komu í steypafinaluna, har teir tó taptu ímóti Víkingi. Rúni Nolsøe, sum fyrireikar seg til annað árið sum venjari hjá EB/Streymur, metir at málið má vera at betra seg. – Jú, málsetningurin er at betra um 5. plássið frá í fjør og helst vera ímillum trý tey bestu liðini. Eisini er eitt mál at halda stiman í steypa­kappingini og koma í finaluna, sigur Rúni. EB/Streymur hevur seinnu árini ment seg til at vera eitt satt steypalið, og hevur felagið verið við í teimum seinastu sjey steypafinalunum. Ikki í Evropa Tað var í fjør, at EB/Streymur av álvara gjørdi um seg í Europa League. Heppið var lutakastið og á mótstøðuhálvuni var FC Lusitans úr Andorra, sum fekk eina yvirháling frá sunda­ lags­monnum. 5-1 vann EB/Streymur á heima­ vølli, áðrenn ein 2-2-javnleikur á útivølli tryggjaði teimum samanlagdan 7-3-sigur. Í næsta umfari hittu teir Dinamo Tblisi úr Georgia, sum gjørdist ein ov stórur biti og taptu sundalagsmenn tá saman­lagt 2-9. Hóast góða avrikið í Evropa í fjør, so sleppur EB/Streymur ikki út aftur í Evropa at spæla í ár. 5. plássið í landskappingini og silvurið í steypakappingini var ikki nóg mikið til at fáa at­gongumerki til evropeisku kappingina. Hetta metir venjarin vera ein fyrimun fyri at standa seg væl í heimligu kappingunum, og harvið møguliga spæla seg í steypafinaluna áttanda árið á rað. – Sjálvandi er tað keðiligt fyri felagið fíggjar­liga ikki at vera við, men ítróttarliga kann tað avgjørt vera ein fyrimunur at leikarar­nir einans hava heimligu kappingina at hugsa um, metir Rúni. Breiður hópur Hóast tveir av lyklaleikarunum frá í fjør, Pætur Dam Jacobsen og Levi Hanssen, eru farnir úr felagnum, so hevur EB/Streymur fingið góðar avloysarar. – Vit hava mist Levi og Pætur frá í fjør, men vit hava fingið Pól Jóhannus Justinussen, Jónas Tór Næs og Høgna Madsen. Eisini eru nakrir ungir leikarar komnir at venja við 1. liðshópinum, vísir Rúni Nolsøe á. Tveir landsliðsleikarar eru ikki smávegis av­loysarar at fáa, má sigast, og hetta er Rúni eisini væl nøgdur við. – Vit hava kanska meiri javnvág í hesum hópinum og vit eru blivnir sterkari á sen­trala miðvøllinum. Sleppa vit nøkurlunda snikka­ leysir við skaðum, so er hesin hópurin breiðari enn í fjør, heldur Rúni fyri. Profilar venda aftur Í fjør var verjuskansin hjá EB/Streymi, Egil á Bø, bara við í eitt sindur meiri enn helvtini av dystunum, somuleiðis sum toppskjúttin Arnbjørn Hansen ikki var við í stórt meiri enn tað vegna skaða. Tað hevur verið sáddur ivi um hvørs Egil á Bø og Marni Djurhuus vera við í ár, men tað bendir alt á at teir vera við. – Tað er ógvuliga umráðandi at hesir leik­ arar eru tøkir. Hesir eru saman við øðrum pro­filar á liðnum og eru av avgerandi týdningi fyri einum góðum úrsliti, sigur Rúni og heldur fram: – Marni spældi alla kappingina í fjør, meðan Egil var við onkrar dystir. Arnbjørn var nógv darvaður av skaða og er tað tíverri eisini í upp­ taktini í ár, men vit vóna at hann kemur fyri seg skjótt, sigur Rúni. Venja mótálop Tað er lítið at taka seg aftur í, at EB/Streymur helst man vera besta lið í Føroyum tá ið tað snýr seg um mótálop. Í øllum førum hava teir gjørt seg sermerktan á hesum øki og skotið hópin av málum umvegis smótálop. Man hetta vera nakað, sum EB/Streymur venur og dúvar upp á? – Ja, hetta er ein styrkur hjá okkum og eisini nakað vit hava fokus á. Vit skulu kanska blíva betri til at stýra dystum og vera meiri á bóltinum, men umstillingarnar eru avgjørt ein partur av okkara spælistíli, sigur Rúni Nolsøe at enda. EB/Streymur smyr kontramaskinuna