týsdagur 11. mars 2014síða 62

26 fótbóltur 2014 Fótbóltsblaðið hjá miðlahúsinum Fyrsta FM bíðar framvegis Víkingur Hópurin Eftir tríggjar ferðir gull í steypakappingini, tvær ferðir bronsu í landskappingini og góð úrslit í europeisku kappingunum hevur Víkingur styrkt seg við landsliðs­ spælarum, ið kunnu verða avgerandi í royndini at lyfta seg nærri toppinum í landskappingini, sum gøtumenn áttu einsamallir fyri 15-20 árum síðani Víkingur er yngsta felagið í bestu deildini. Tað eru seks ár, síðani GÍ og LÍF í 2008 kastaðu saman. Síðani hevur tað skorist væl. Víkingur hevur vunnið kappingina um løgmans­steypið tríggjar ferðir – í 2009, 2012 og 2013 – og í lands­ kappingini hevur felagið vunnið bronsu­ krónurnar tvær ferðir – í 2009 og 2011. Dreymurin og vónin er at vinna FM. Í Leirvík hava tey ongantíð smakkað gull­ rákan. Tað hava tey gjørt í Gøtu. GÍ vann FM í 1983 og 1986, og GÍ var einaráðandi mið­ skeiðis í nítiárunum, tá ið úrtøkan var fýra ferðir FM – í 1993, 1994, 1995 og 1996. Ofta verður tikið til, at kappingin er so mikið jøvn, at spurningurin er, hvat felag fáir lyklaspælarar umboða, tá ið tað verður avgjørt, hvør skal vinna FM. Sigfríður Clementsen, sum tók venjara­ ábyrgdina á seg síðsta summar, hevur saman við leiðsluni í felagnum hildið fast um, at tað eru lokalir spælarar, ið skulu mynda besta liðið, og at aðrir skulu bara fáast aftrat, um teir av álvara styrkja um liðið. Eingin ivast í, at teir báðir, sum eru komnir aftrat, eru profilar. Talan er um Súna Olsen og Hall Hansson. Teir hava nógvar royndir í fremstu røð, teir hava royndir í útlendskum fótbólti, og teir hava spælt á landsliðnum. Og so telur tað sjálvandi rætta vegin, at Súni Olsen er ættaður úr Syðrugøtu og uppvaksin í GÍ. Á liðnum eru nógvir royndir spælarar, sum vita, hvat tað snýr seg um, og hvat skal til, um Víkingur skal vera við í kapp­ ingini um gullið og pláss í europeisku kapp­ ingini, har Víkingur í fjør framdi bragd, og har Víkingur aftur í summar fer at taka lut. 40 ára gamli Geza Turi fer undir níggj­ unda árið í Sarpugerði, og aftrat sær í kapp­ ingini um málverjuplássið hevur hann 17 ára gamla Elias Rasmussen. Atli Gregersen og Erling Jacobsen eru mið­verjar, og á vongverjunum eru Bárður Hansen, sum skoraði bæði málini í 2-1 sigr­inum í stór­ steypadystinum ímóti HB, og Hjartvard Hansen, sum báðir í fjør av og á spældu longri frammi á vøllinum, Dánjal Pauli Lervig og Hanus Jacobsen, sum í fjør ofta eisini varð longri frammi á vøllinum. Á miðvøllinum eru veteranurin Hans Jørgen Djurhuus, Heðin Hansen, sum í fjør spældi seg alt nærri plássi millum teir fyrstu ellivu, Súni Olsen, Hallur Hansson, ágang­andi og hugflogsríki Filip Djordjevic, og Inga Sørensen, Sámal Jákup Joensen, Jákup Olsen, Gunnar Vatnhamar, Svein Justinussen, Martin Olsen og Magnus Jarnskor, sum ikki hava spælt so nógv. Fleiri teirra hava roynt seg í fremstu ketuni, har tað kortini eingin ivi er um, at Finnur Justinussen er fyrsta valið. Umframt hesar verða Sam Jacobsen, Sølvi Vatnhamar og Andreas Lava Olsen, ið allir eru profilar, roknaðir upp í hópin. Teir eru uttanlands og útbúgva seg og ætlast at styrkja um liðið í summar. Kanska eru teir í løtuni ikki so nógvir, sum kappast um plássini, men eingin ivi er í royndunum og dygdunum. Um tað eydnast at sleppa undan skaðum og leikbannum, og um úrtøkan verður á góðari leið fram til summar­steðgin, er tað sannlíkt, at Víkingur fram móti kappingarenda fer at kappast um plássini í toppinum, og tá verður tað ikki so langt til, at dreymurin um at vinna fyrsta FM heitið kann verða veruleiki. 1 Geza Turi ung 27 Elias Rasmussen 3 Hanus Jacobsen 4 Atli Gregersen 5 Dánjal Pauli Lervig 12 Bárður J. Hansen 13 Erling Jacobsen 18 Hjalti Strømsten 6 Sámal Jákup Joensen 7 Súni Olsen 8 Heðin Hansen 10 Sølvi Vatnhamar 11 Hallur Hansson 15 Jákup Olsen 16 Hans Jørgen Djurhuus 19 Martin Olsen 20 Gunnar Vatnhamar 22 Ingi Sørensen 2 Andreas Lava Olsen 9 Filip Djordjevic ser 14 Magnus Jarnskor 17 Finnur Justinussen 21 Svein Justinussen Venjarar Sigfríður Clementsen, Erland Tvørfoss og Magni Mohr Tilgongd: Súni Olsen, Hallur Hansson og Andreas Lava Olsen Frágongd: Kaj Leo í Bartalsstovu, Hjartvard Hansen, Jann Ingi Petersen og Sam Jacobsen Meistari (0) Ongantíð Steypavinnari (3) 2009, 2012, 2013 Greipuvinnari (0) Ongantíð Í bestu deildini (7 ár) 2008- Í Europa (3) 2010, 2012, 2013 Víkingur Stovnað 14. januar 2008 Formaður Brandur Jacobsen 2 V i t t i p p a