týsdagur 11. mars 2014síða 72

36 fótbóltur 2014 Fótbóltsblaðið hjá miðlahúsinum – Vit eiga at vera í ovaru hálvu á stigatalvuni, so vit kunnu kappast um heiðursmerki og dyrgja eftir møguleikanum fyri at koma út í Europa, sigur KÍ-venjarin, Eyðun Klakstein, sum vil hava meira burtur úr mongu málunum, liðið altíð megnar at skjóta Síðsta kappingarár vóru tað bara trý lið, ið megnaðu at skjóta fleiri mál enn KÍ, og allíka­væl endaði KÍ á triðaftasta plássi. Orsøkin til tað var fyrst og fremst, at liðið læt alt ov nógv mál fara inn, og tí bleiv ársúrslitið eisini hareftir. – Hondina á hjarta, so hava vit seinnu árini havt tendens til at spælt opnar og livandi dystir, og tað hevur í veruleikanum verið eitt sindur av indianarafótbólti og tilsvarandi undir­haldandi, men tað kann eingin liva við. Árið í fjør var sjálvandi ikki nóg gott, og eingin av okkum kundi vera nøgdur við tað, sigur KÍ- venjarin, Eyðun Klakstein. – Vit mugu fáa eina meira greiða spæl­ skipan, ið hongur eitt sindur betur saman, og yvirhøvur skulu vit spæla bóltin meira. Hetta byrjaðu vit uppá í fjør, so vit royna at arbeiða víðari við tí sama nú. KÍ skrivaði ein døkkan kapitul í síni søgu, tá besta mansliðið í 2010 spældi í næstbestu deildini, men samstundis var hetta eitt høvi, sum felagið brúkti til at byrja av nýggjum og at satsa meira upp á egnar kreftir. – Tað hevur felagið sjálvandi eisini gjørt, og við góðum úrsliti, so vit hava fingið eitt nýtt og meira lokalt grundarlag. Men fyri tað hevur tað ongantíð verið ætlanin, at tað bara skuldi vera lokalt, tí vit hava brúk fyri at fáa spælarar uttanífrá, sum kunnu styrkja hópin og geva okkum nakað, vit kanska ikki hava frammanundan, sigur Eyðun. Góðan styrk – Vit hava í vetur roynt at fingið gjørt nakað við støðuna, so vit hava funnið styrk til tey pláss, har vit eru mest útsettir. Tí hava vit fingið tveir góðar mans uttanífrá, so bæði verjan og miðvøllurin, sum vanliga er fyrsta stig í verjuspælinum, skulu vera betur fyri. Og eg haldi meg kunna siga, at vit hava verið hepnir við teimum báðum spælarunum, vit hava fingið. Annar er danski verjuspælarin, Jonas Flindt Rasmussen, sum í 2011 og 2012 spældi við B36, og hin er senegalski miðvallar­ spælarin, Ndende Adama Guéye, sum spældi við B68 í fimm ár, til hann í fjør skifti til TB. – Báðir hava roynst væl í venjingar­dyst­ unum, og teir kunnu lyfta hinar spælarar­nar upp við sær. Jonas er ein góður verjuspælari, sum fyllir nógv í allar mátar, og Ndende er øgiliga arbeiðssamur á miðvøllinum, sigur Eyðun Klakstein, ið nevnir ein spælara aftrat, sum skuldi blivið ein styrkur fyri álopið. – Ja, tað er Rodrigo Silva, sum eisini var her í 2008. Nú kemur hann so aftur, og hóast vit hava sama álopið sum í fjør, kunnu vit við honum fáa ein offensivan »jokara« aftrat. Rodrigo er 31 ára gamal, og hóast formurin ikki er so góður nú, eru ráð fyri tí. Vil longur upp KÍ-venjarin dylur ikki fyri, at hóast úrslitini ikki vóru eftir vild í fjør, hevur hann bjartar vónir fyri komandi kappingarárið, sum hann eisini torir at seta orð á, so eingin skal ivast í ambitiónunum: – Vit skulu ikki liggja í botninum, men stíla eftir at liggja millum tey fremru. Frá áttanda plássinum í fjør er eitt langt lop, men eg haldi, at vit eiga at vera í ovaru hálvu á stigatalvuni, so vit kunnu kappast um heiðursmerkini og dyrgja eftir møguleikanum fyri at koma út í Europa, sigur Eyðun Klakstein, ið væntar eina javna kapping. – Fyrst og fremst, so haldi eg, at HB er heilt klárt favorittur, men aftan á tað, so haldi eg fleiri lið vera so mikið jøvn, at tað verður hørð kapping millum sjey tey næstu, og at tað kunnu verða smá ting, ið fara at avgera dystirnar millum hesi liðini, har tað fer at koma teimum til góðar, sum hava fleiri streingir at spæla uppá og eru kropsliga væl fyri. Tað er altíð strævið hjá uppflytarunum, og eg vænti ikki, at hetta kappingarárið verður nakað undantak í so máta. Hoyra heima longur uppi