týsdagur 11. mars 2014síða 74

38 fótbóltur 2014 Fótbóltsblaðið hjá miðlahúsinum Aftur til røturnar á Svangaskarði Tofta Ítróttarfelag Hópurin Hesa ferð eru tað mest sum bara spælarar, ið eru uppaldir á Svangaskarði, sum skulu arbeiða fyri at røkka málið, sum hjá toftamonnum er undir leiðslu av tveimum fyrrverandi spælarum at menna ungu menningar so nógv, at tað skal eydnast at varðveita plássið í bestu deildini, sum B68 vann sær í fjør Tað bíðar B68 stór avbjóðing. Eftir í fjør at hava verið í 1. deild og vent skulu toftamenn við liði, sum fyri tað mesta er mannað við óroyndum monnum í fremstu røð, arbeiða fyri at varðveita plássið. Tað verður gjørt, uttan at felagið skal koma sær í vanda fyri at fíggjarligi bogin skal bresta. Royndirnar eru Kristian Joensen í mál­inum og á sentrala miðvøllinum, har ung­linga­spælarin Hákun Edmundsson er saman við trimum nýggjum, um sammett verður við liðið, sum í fjør flutti upp. Jann Ingi Petersen er komin aftur í barn­dóms­ felagið eftir at hava verið í Sarpu­gerði, og Ovi Brim er komin aftur eftir lestur á flat­ londum. Og so er tað Evrard Blé, sum í fjør var í 07Vestur og B36. Nýggjur stýrimaður í miðverjuni er danski Mads Rosenberg, sum er komin úr KA í Íslandi. Tað er ikki nøkur loyna, at fel­ag­ið hevur leitað eftir einum málverja og ein­um álops­spælara. Tað varð vónað, at Jóan Símun Edmundsson fór at vera í fel­ag­num, inntil hann møguliga aftur fer av land­inum, men soleiðis verður tað ikki. Tveir danskir málverjar hava royndar­ vant, men í báð­um førum hava teir borið seg undan, tá ið teir eru komnir niður aftur. Tá ið B68 vann fyrstu FM heitini í 1984 og 1985 var tað við lokalum spælarum og danska John Kramer, sála, við róðrið. Tá ið triðja FM heitið varð vunnið í 2002, var tað við Jógvani Norbúð, sála, við ábyrgdini, og tá vóru onkrir aðrastaðni frá og hjálptu til. Nú eru tað tveir av gomlu FM vinnar­ unum, Jógvan Marin Olsen og Øssur Hansen, sum hava ábyrgdina av liðnum, har onkrir av spæl­ar­unum eru næsta ættarlið hjá meistara­spælarum. Onkrir av teimum, sum vóru eyðsýndir, tá ið uppflytingin varð tryggjað í fjør, eru burturi og koma møguliga aftur seinni í ár. Tí arbeiða venjararnir við at mynda heilt nýtt lið. Í tí sambandinum er nógv fokus á samanhaldinum og at fáa stríðsviljan fram, at økja um tilvitanina av týdninginum av sam­bandinum millum keturnar og at kveikja sjálvsálitið, so spælararnir tora at varð­veita bóltin og bjóða seg til, eisini tá ið teir eru trýstir. Í evstu løtu eydnaðist tað at fáa Kristian Joensen millum stólparnar at standa – í hvussu so er fram til summarsteðgin. Tað er stórur styrkur, og Ragnar Lindholm og Mads Nesá bakka upp. Bergur Gregersen er komin úr Gøtu at røkja vinstra vongverjan, Niklas Poulsen er vongverji í høgru, Jóhan Dávur Højgaard er miðverji, og aðrir verju­spælarar eru eitt nú Høgni Hansen, Otto Reinert Petersen, Ari Johannesen og Aron Højgaard. Aðrir miðvallarar enn omanfyri nevndu eru Emil Ronaldsson, Dávur Hansen, Esmar P. Clementsen, Fróði Johannesen og Janus V. Mortensen. Framrættaðu menninir eru Jónleif Højgaard, sum í fjør var topptskjútti í 1. deild, veteranurin Kristian Anton Andreasen og Óli Højgaard Olsen, sum hevur gott máltev, men sum ofta hevur verið burturi í arbeiðsørindum. Búi í Hjøllum og André Olsen eru langtíðarskaddir, og seinni í ár verður roknað við, at eisini Niklas F. Joensen, Oddur Højgaard og Remi Langgaard koma aftrat. Síðani 1981 hevur B68 verið í bestu deild­ ini burtursæð frá 2005, 2007 og 2013 ella í 30 ár. Um tað í ár eydnast við nýggjum liði og fyri tað mesta óroyndum spælarum at varðveita plássið, so verður málið rokkið. 1 Mads Nesá 16 Kristian Joensen 25 Ragnar Lindholm 2 Aron Højgaard 3 Niklas Poulsen 4 Mads Rosenberg dan 6 Bergur Gregersen 11 Jóhan Dávur Højgaard 18 Otto Petersen 20 Ari Johannesen 5 Evrard Blé fíl 7 Hákun Edmundsson 12 Dávur Hansen 13 Jann Ingi Petersen 14 Ovi Brim 15 Janus Mortensen 17 Høgni Hansen 8 Kristian Anton Andreassen 9 Óli Højgaard Olsen 10 Jónleif Højgaard 16 Esmar P. Clementsen Venjarar Øssur Hansen og Jógvan Martin Olsen Frágongd: Niclas F. Joensen, Bjarki Johannesen, Emil Ronaldsson, Oddur Á. Højgaard, Remi Langgaard, Jóhannus Hansen, Búi í Hjøllum, og Fróði Johannesen Tilgongd: Jann Ingi Petersen, Evrard Blé og Mads Rosenberg Meistari (3) 1984, 1985, 1992 Steypavinnari (0) Ongantíð Greipuvinnari (0) Ongantíð Í bestu deildini (30 ár) 1981-2004, 2006, 2008-2012, 2014- Í Europa (4) 1993, 1996, 2001, 2002 B68 Stovnað 21. desember 1962 Formaður Beinta Mikkelsen 9 V i t t i p p a