týsdagur 11. mars 2014síða 78

42 fótbóltur 2014 Fótbóltsblaðið hjá miðlahúsinum Nýtt ættarlið er sálin á Skála Skála Ítróttarfelag Hópurin Í fimm ár hevur Skála ikki verið partur av bestu deildini. Eftir í fleiri ár at hava verið við í kappingini um heiðursmerkini og FM heitið, datt korthúsið saman, og gamla liðið fór í upploysn. Men eftir tvær niðurflytingar er eitt nýtt ættarlið av skálamonnum aftur í fremstu røð Fótbóltsfepurin er aftur farin at gera um seg á Skála. Eftir at hava verið burturi í fimm ár, er Skála aftur í bestu deildini. Skála og Stendur standa saman um hond­bóltin og fótbóltin. Meðan StÍF í hond­ bólt­inum støðugt megnar at kappast um heiðurs­merkini og FM heitið, so hevur tað verið meiri upp og niður í fótbóltinum á Skála. Toppurin varð náddur í 2004 og 2005, tá ið Skála vann bronsukrónurnar. Serliga seinna árið var Skála við til at seta dagsskránna, og leingi var liðið favorittur at vinna FM. Síðani fór at ganga afturá. Lítla felagið orkaði ikki at rinda lutfalsliga stóru upphæddina, sum skuldi til, og so skrædnaði. Liðið flutti niður í næstbestu deildina í 2008, og árið eftir endaði tað við niður­flyting í 2. deild. Liðið var mannað við blaðungum og lokalum spælarum. Onkrir fóru í onnur feløg at royna seg á hægri støði, men kortini gekk tað støðugt framá. Í 2010 vann Skála triði bestu deildina, og síðani hava skála­menn sett dám á toppin í næstbestu deildini. Í fjør endaði tað við uppflyting. Skála er aftur í fremstu røð. Við heilt fáum undantøkum búgva spælararnir í lokala økinum, og samlaði kostnaðurin av at reka liðið er á tílíkum støði, at skrædlið fyri fimm árum síðani verður ikki endurtikið. 24 ára gamli skálamaðurin Eliesar Olsen heldur fram í venjarastarvinum, sum hann hevur røkt fýra tey seinastu árini. Aftrat sær hevur hann Boga Gregersen, ið var ein av eyðsýndu framrættaðu monnunum, sum settu dám á bestu deildini fyri nøkrum árum síðani. Skálamenn halda seg hava orsøk at rokna við, at liðið fer at standa seg. Treytin er, at liðið sleppur undan skaðum og leikbannum, tí tað kann vera so skjótt, at liðið viknar, um lyklaspælarar fella frá. Suni Ernstsson kappast um plássið millum stólparnar við russiska Mark Ryutin. Petur Pauli Mikkelsen og Teitur R. Joensen eru miðverjar. Veteranurin Pauli G. Hansen er framvegis upptikin av hondbóltinum. Seinna partin av kappingini í fjør var hann mið­verji, og tað er sannlíkt, at hann eisini í ár verður at síggja í eyðkendu Skála troyggj­uni. Aðrir verjuspælarar eru Jákup Jacobsen og fyrrverandi HB spælarin Rói av Fløtum, sum upp undir kappingarbyrjan fyri tað mesta hava verið vongverjar. Á miðvøllinum eru Andras Frederiksberg og Pætur Dam Jacobsen sentralir og royndir. Fleiri aðrir eru við í kappingini, eitt nú Poul N. Poulsen, Ólavur Mikkelsen, vest­menningurin Holgar Durhuus og Edvin Jacobsen. Í borðunum hava fyri tað mesta verið Jákup Johansen og Hendrik á Fríðriks­ mørk . Aðrir møguleikar eru Karsten Justesen og Uni Jacobsen. Seinastu árini hevur Brian Jacobsen verið sjálvskrivaður á fremsta plássinum og toppskjútti. Tølini siga,at tað hevur stóran týdning fyri málmaskinuna á Skála, at toppskjúttin er væl fyri. Trý tey seinastu árini hevur hann skorað 53 mál í landskappingini: 19 mál í 2013, 16 mál í 2012 og 18 mál í 2011. Fótbóltsprátið og fótbóltsfepurin eru aftur millum strandingar og skálamenn. Sálin er aftur í fótbóltsfelagnum, sum nú skal prógva, at liðið er nóg gott at standa seg millum tey bestu. 1 Mark Ryutin dan 12 Suni Ernstsson 3 Petur Pauli Mikkelsen 4 Jákup Jacobsen 5 Teitur R. Joensen 17 Uni Jacobsen 21 Rói av Fløtum 22 Marnar Poulsen 7 Ólavur Mikkelsen 8 Andras Frederiksberg 20 Edvin Jacobsen 23 Poul N. Poulsen 24 Pætur Dam Jacobsen 9 Brian Jacobsen 10 Jákup Johansen 11 Holgar Durhuus 14 Hendrik á Fríðriksmørk 15 Karstin Justesen Venjari Eliesar Olsen Hjálparvenjari Bogi Gregersen Frágongd: Markus Olsen, Hallur E. Fláaberg, Símun Petur Poulsen, Jógvan Berg, Sjúrður Djurhuus, Pauli G. Hansen og Erland B. Danielsen Tilgongd: Pætur Dam Jacobsen, Andras Frederiksberg, Holgar Durhuus og Rói av Fløtum Meistari (0) Ongantíð Steypavinnari (0) Ongantíð Greipuvinnari (0) Ongantíð Í bestu deildini (8 ár) 2002-08, 2014- Í Europa (2) 2005, 2006 Skála Stovnað 15. mai 1965 Formaður Kaysten Rasmussen 10 V i t t i p p a