týsdagur 11. mars 2014síða 80

44 fótbóltur 2014 Fótbóltsblaðið hjá miðlahúsinum Hóast hann bara er 24 ára gamal, so var upprunaliga ætlanin, at hann longu í fjør skuldi gerast venjari í bestu deildini. – Eg ræðist ikki uppgávuna, sigur Eliesar Olsen, sum heldur vil flyta niður við einum sunnum raksti, enn at keypa sær eina bjarging Hann er sjálvsama venjarasøgan í før­ oyskum fótbólti hetta árið. Hann er bara 24 ár, men er longu oddamaður fyri einum fót­ bólts­liðið í bestu deildini. Hann hevur sett sær høg mál, ræðist ikki hinar venjararnar og tey stóru feløgini. Eliesar er greitt yngsti venjarin í Effo- deildini í ár, men var tað upp til hann, so var hann longu venjari í bestu deildin sum 23 ára gamal. – Faktiskt, so var málið at verða venjari í bestu deildini, sum 23 ára gamal. Ætlanin var at flyta upp fyrra árið, sigur nú 24 ára gamli venjarin í Effo-deildini. Sostatt kemur tað ikki óvart á Eliesar, at hann nú stendur sum venjari hjá felagið í bestu deildini. – Eg setti mær sum mál, at blíva tann yngsti venjarin í bestu deildini. Eg veit, at tað eru aðrir, ið hava veri yngri enn eg, men síðani lógirnar eru broyttar og tú skal hava prógv fyri at verða venjari, so eri eg tann yngsti í bestu deildini, sigur Eliesar Olsen. Ræðist ikki uppgávuna Eliesar Olsen ræðist ikki uppgávuna, sjálvt um hann á papírinum hevur veikasta hópin í Effo deildini. Aðrir uppflytarar hava verið fyri lemjandi ósigrum og ikki vunnið í longri tíð, men hesum ræðist Eliesar als ikki. – Eg hugsi ikki um tað, ella eg royni ikki at hugsa teir tankarnar. Eg trúgvi at ein av orsøkinum, at fleiri lið ikki klára seg, er tí tey nettup fara inn á vøllin við hasum tankunum, sigur venjarin hjá Skála, sum heldur at sjálvsálit er ein grundsteinur undir at spæla fótbólt. – Mín inngangsvinkul til fótbólt er, at um tú hevur sjálvsálit, so er tað líka mikið um spælararin eitur Per ella Pól. Um vit klára at arbeiða saman hví skulu vit so keypa eina rúgvu av spælarum inn aðrastaðni frá, sigur Eliesar í svar til spurning um vantandi stórkeyp. – Tað kostar nógv at reka eitt felag, men vit vilja reka eitt positivt felag. Tá eg tók yvir, tá skyldaðu vit fleiri hundrað túsund krónur. Í dag hava vit pluss á botnlinjuni. Tað ætla vit at halda fram við, sigur Eliesar og leggur afturat. – Vit taka bara spælarar inn, sum eru betri enn teir, ið vit longu hava. Allir spælararnir, sum vit hava fingið til felagið hava royndir úr bestu deildini, sigur Eliesar Olsen staðfestur. – Eg vil heldur flyta niður uttan skuld, enn at yvirliva við stórari skuld, sigur yngsti venjarin í bestu deildini avgjørdur. Hinir mugu renna aftaná Eliesari Eliesar er tann nýggi óroyndi venjarin í Effo- deildini, men tað merkir ikki at tað verður hann, sum skal renna aftaná royndu venjar­ unum. – Tað er ein spurningurin um teir klára at fylgja við mær, tí eg ætli mær at koma við nógvum nýggjum, so er spurningurin um teir klára at finna eitt mótspæl til tað, sigur Eliesar við einum brosi. Fyri Eliesar og Skála, so kemur skjóta og tekniska fótbóltsspælið at fylla mest. Tað var eisini tað, sum eyðkendi Skála seinast liðið var í bestu deildini. – Vit vilja spæla fótbólt. Tað lýsir eisini Skála best. Eisini tá teir vóru í bestu deildini seinast. Vit hava ikki stórar tungar menn, sum bara berjast. Vit hava góðar bóltspælarar og tað kemur at eyðkenna spælið hjá okkum, sigur Eliesar, sum eisini metir, at fleiri spælarar hjá Skála kunnu gera um seg. – Eg haldi vit hava nakrar. Brian Jacobsnen liggur á gáttini til at traðka fram á stóra pall­ inum. Eg kann eisini nevna Ólav Mikkelsen, Edvin Jacobsen og Jákup Jacobsen. Tað eru menn, sum ikki hava verið í bestu deildini, men hava verið við allan vegin. Teir eru svangir og vilja sleppa at vísa seg fram, sigur Eliesar Olsen at enda. Fyri Skála tykist málið ikki bara verða yvir­ living. Tað skal gerast á rættan hátt – bæði á og uttanfyri vøllin. Eliesar ræðist ikki stóru uppgávuna