hósdagur 13. mars 2014síða 42

2 Mentanarblaðið hjá Miðlahúsinum 1 • 14. mars 2014 Eg havi ongan sjálvstøðuga meining um bókstavraðið. Tá eg tosi við fólk, sum helst sóu z og c og slikar bókstavir fara aftur har, sum teir komu frá, haldi eg tað ljóðar rætt, og at eingin skilagóð orsøk er til, at somu ljóðini skulu umboðast fleiri ferðir i einum bókstavraði. Tá eg tosi við fólk, sum vilja verja teir illa lýddu útlagdu bókstavarnar í móti puritanskum hýsteríi, haldi eg, at tað ljóðar rætt, og at eingin orsøk er til at burturvísa teir, um onkur er góður við teir. Teir gera sum so ongan skaða. Tað er ein sonn gleði onkuntíð at sleppa sær burturúr at hava eina meining. Eg havi eisini næstan klárað onga meining at hava um lív í miðbýnum í Havn, kommunuskúla og vesturskúla og framtíð høvuðstaðsins. Í hvussu so er havi eg klárað at hildið tað fyri meg sjálva, tá ein meining hevur stungið seg upp, og nú noyðast eg als ikki at hava eina meining. Tí nú er tað avgjørt. Gamli kommunskúlin skal ikki longur vera skúli, hann skal vera mentanarnarhús. Eitt mentanarhús er eitt hús, sum hevur orðið mentan í sínum heiti. Og orðið mentan er eitt gandaorð. Tað tykist í hvussu so er at vera so. Soleiðis fáa vit sjálvan nakað at vita um innihald, tá vit skulu hava nýggj mentanarhús. Tað er sjálvt orðið mentan, henda serstaka samanseting av fimm bókstavum, sum hevur týdning. Tá orðið mentan verður nýtt, mugu vit bara vera glað, ella mugu vit tað? Tað er ringt at hava eina meining um nýggja mentanarhúsið í Havn, tí vit vita næstan einki um, hvat innihaldið fer at vera. Men eg haldi ikki, at vit bara skulu vera glað, tí vit fáa okkurt við orðinum mentan uppií. Mentan má ikki blíva eitt gandaorð, vit skulu eisini krevja okkurt av húsum við nøvnum, sum hava mentan skoytt uppí. Dygd, nýhugsan. Okkurt.   List og mentan er neyðugir partar av samfelagnum. Lutir, sum skulu røkjast, fyri at samfelagið hongur saman. Men hvørki list ella mentan eru góð og týdningarmikil, bara tí tað eru list og mentan. Eitt mentanarhús er hvørki gott ella týdningarmikið, tí tað inniheldur orðið mentan, og tað sama er galdandi fyri eitt mentanarblað. Tí vóni eg, at tit øll fara at krevja okkurt av hesum mentanarblaði, og at her verður so mikið nógv innihald, at tit kunnu hava eina meining um tað. Annars er tað bara bókstavir. ritstjóri Inger Smærup Sørensen Oddagrein Trívist í millumrúminum 4 Mentanin er ein súla í ferðavinnuni 20 Í baksýni london plakat Mítt Yndislistaverk Bókaummæli Listaútbúgving Barnamentanarsíðan viðtal við Trónd Bogason Ein nýggj tøgn frá Tóroddi »7« - Kjartan Hansen, sjónleikari Tak listina í álvara Kom og les, The Hunger Games, Thorbjørn Egner og Rakel Helmsdal Uttanlands við Jens L. Thomsen 6 16 12 22 108 18 Útgevari: Sosialurin Ritstjóri: Inger Smærup Sørensen Grafiskt snið og umbróting: Pætur Eyðunsson Jensen