týsdagur 25. mars 2014síða 6

Mikudagur 26. mars 2014 · Nr. 36 6 Sosialurin Hugskot og viðmerkingar – send sms til 225000 5 ár í Føroyum Vilmund Jacoben Toskurin á Føroya Banka er sjáldsamur og serstakur. Hann hevur eina miðalvekt uppá sløk 8 kg, tá hann er trý ára gamal, og er hetta heims­met fyri vøkstur. Tað eru gjørdar nógvar vísinda­ ligar kanningar av honum, hann er sera protein ríkur og sera vælsmakkandi. Í Spania er Føroya Banka navn­ið ein “legenda” hjá salt­fiska­ídn­ að­inum – Bacalao – og í Ong­ landi var navnið Faroe Bank eitt gylt navn. Í sínari tíð hevði Bankin stóran týdning fyri føroyska fiskiskapin og enn minnast fólk, tá týskur kavbátur í 1917 søkti fleiri sluppir á Bank­ anum. Seinast loyvda veiða á Bankanum var umleið í 2005, tá sløk 6.000 tons vóru veidd. Seinni árini hevur Bank­in verið stongdur fyri veiðu, hóast nakað av roynd er fram­við kantinum og nakrar snellu­bátar sleppa um summ­ar­ið á økið. Magnus Heinason er tvær ferðir um árið á Bank­ an­um, har hann hevur 29 hál á sama staði á hvørjum ári. Seinast hann var á Bank­ anum, í September í fjør, fekk hann bert 36 tosk­ar! Vána­ligasta úrslitið nakran­ tíð. At so illa stendur til í løtuni á Bankanum er ein samanrenning av ovurveiðu og ætinum. Í løtuni er sera nogv til av reyðæti, sum makrelur og sild livir av. Eisini er sjóvarhitin kring Føroyar vaksin við einum stigi. Ein slík hækking hevur sera stórar broytingar við sær, sum vit fara at síggja kom­andi árini. Í hesum døgum er Magnus Heinason aftur á bankanum, og hevur hann fingið nakað av stórum toski. Havstovan hevur samstarv við Áarstovu, sum aftur komandi vikuskifti fer at borðreiða við hesum forkunnuga toski. Tað skiltst, at sera stórur áhugi er fyri tiltakinum. Afturvið toskinum verður borðreitt við hvítvíni úr Chablis økinum í Fraklandi. Chablis er gamal havbotnur, og vínstokkarnar standa í dag á gomlum botni líkur hon­um á Føroya Banka. Sam­an­renningin av smakki av Grand Cru Chablis víni úr franska havbotninum og tosk­inum av Føroya Banka, gera Føroya Banka toska kvøldini til eina stóra gastro­nomiska uppliving. Tað eru nógv sum halda, at Føroya Banki eigur at verða full­komu­liga friðaður og at verða settur á World Heritage listan hjá ST. Toskurin av Føroya Banka verður eisini við at grund­festa altjóða gastro-ferða­manna­vinnuna í Føroyum. King Cod – Føroya Banka toskurin