týsdagur 25. mars 2014síða 8

Mikudagur 26. mars 2014 · Nr. 36 8 Sosialurin Hugskot og viðmerkingar – send sms til 225000 meldurin Borgarstjórin ikki tíð til politikk Rannvá G. Fossaberg - Heðin Mortensen er fittur og blíður, ja meinlíkur Bast­ ian, politimeistara í Karda­ mum­mu­býnum. Hann vil gera øll glað, og glæstri­ borg­in skal glitra allatíðina, men at útinna tær politisku avgerð­ir­nar í verki, tað ger hann ikki nóg gott, sigur Marin Katrina Frýdal, sum her­fyri í lesarabrævi vísti á sína ónøgd um samstarvið í býráðnum í Tórshavnar Kommunu. - At fara út og siga, at mann hevur eitt breitt sam­ starv í býráðnum, og so ikki tekur øll við, tá avgerðir verða tiknar, tað haldi eg ikki er nóg gott, sigur Marin Katrina Frý­dal, sum ikki vil taka und­ ir við umraðfestingini í íløgu­ ætlan­ini hjá kom­mun­uni. Hon heldur tað ikki vera í lagi, at umraðfestingar verða gjørdar í íløguætlanini, uttan at allir býráðslimirnir verða tikn­ir við upp á ráð. - Nógvar av umrað­fest­ ing­unum hava ikki fingið ta viðgerð, tær eiga. Hvørki politiskt ella fakliga. Tær eru gjørdar í óðum verki, hetta er ósak­lig, og hetta kann eg ikki taka undir við.Tað hendir ov nógv aftan fyri tjøldini, sjálvt um tað skal eitast, at vit hava eitt breitt samstarv í býráðnum, sigur Marin Katr­ ina Frýdal. Marin Katrina Frýdal er ónøgd við, at hon her­ fyri fekk eitt skjal frá fíggj­ ar­nevndini, sum vísti tær um­rað­festingar, sum eru gjørd­ar í íløguætlanini hjá kom­mun­uni, sum annars bleiv samtykt í desember í fjør. - At broytingar verða gjørd­ar, uttan at øll vita av tí, tað haldi eg sera harmiligt, stað­festir Marin Katrina Frýdal. Vantar stýring Tað eru tvær høvuðsorsøkir til, at Marin Katrina Frýdal ikki trívist í selskapinum í bý­ráð­num og tí ger vart við sína ónøgd. - Tað er fyrst og fremst vant­andi stýring, sum er orsøkin, men eisini at tað, sum skuldi verða so gott, er farið fullkomiliga av leið, sigur Marin Katrina Frýdal og greiðir nærri frá: - Eg sakni ein skipara á brúnni. Heðin er eitt arbeiðs­ grev, hann vil øllum tað bes­ ta, og hann velur eisini at brúka tíðina upp á at hitta borg­ara­r­nar. Alt gott um tað, men ein av fremstu upp­ gávunum hjá einum borgar­ stjóra er at útinna tað í verki, sum politiskar samtyktir eru gjørd­ar um. Og tað er júst tað ar­beiðið, hann eftir míni met­ing, ikki ger nóg gott, sig­ ur Marin Katrina Frýdal. Hon finst at, at tað kem­ur ov lítið av skafti hjá borgar­ stjóranum og vísir á árið í fjør sum dømi. - Seinasti veruligi arbeiðs­ tøk­sáttmálin, sum bleiv undir­skriv­að­ur, var Boða­ nes­heim­ið í 2010, og tað stóð liðugt í 2012. Síðani er eingin stór­ur sáttmáli undir­skriv­að­ ur, og tað hendi akkur­át einki í fjør. Tað er nak­að, sum eg finnist at, sig­ur Marin Katr­ ina Frýdal. Eitt nú harmast hon um, at arbeiðið við at byggja nýggj­an musikkskúla og at gera brúgv um Sandá ikki er kom­ið longri. - Alt ov lítið kom av skafti í 2013, og nú tykist tað mær, sum at borgarstjórin er farin í panikk, og nú skal alt hen­ da. Tí tekur mann nakrar skjót­ar avgerðir uttan at taka alt býráðið við upp á ráð. Ivingasom um breitt samstarv Marin Katrina Frýdal heldur ikki, at tað breiða samstarvið, sum skal eitast at vera í býráðnum, riggar sum ætl­ að. Tvørturímóti heldur hon, at júst manglandi breitt samstarv er nakað, sum er gjøgnumgangandi í bý­ráðs­ sam­starvi­num. - Heðin Mortensen hevði eitt gott val og hevði einsa­ mall­ur meiriluta, men val­di ikki at brúka tann meiri­ luta­n. Ístaðin blivu vit øll bjóð­að til borðið, og alt skul­ di verða so gott. Vit settu okk­um so niður at gera eina rað­fest­ing við íløgunum, sum vit blivu samd um. Brádliga blíva umraðfestingar gjørdar, har bara fíggjarnevndin verður tikin við upp á ráð, og vit onnur hava ikki ver­ ið partur av arbeiðinum við broytingunum í íløgu­æt­lan­ ini. Tað virkar, sum at fíggj­ ar­nevndin verður brúkt sum sam­gonga nú, greiðir Marin Katrina Frýdal frá. Hon vísir á, at hon frá fyrs­ta degi, ivaðist í, hvussu tað breiða samstarvið fór at rig­ga í praksis. - Eg var ivingarsom bein­ an­vegin, og eg sá fyri mær, at tað fór at verða drúgt, tá vit 13 fólkini altíð skuldu verða samd um einhvørja avgerð. Eg sakni kjakið, sum er so sunt fyri allar avgerðir, har øll sjónarhorn eru umboðað, sig­ur Marin Katrina Frýdal. Sjálv hevur hon eitt boð uppá, hví hon ikki al­tíð verður tikin við upp á ráð sum til dømis nú, tá íløgu­ ætlan­in verður broytt. - Borgarstjórin velur sjálv­andi lættastu loysnina, hann leggur ætlan og ger um­rað­fest­in saman við hin­ um fýra monn­unum í fígg­ j­a­rnevndini, sum í stór­an mun eru meinlíkir í hug­ s­un­ar­háttir. Tað er jú so nógv lættari og sparir tíð hjá borgar­stjóra­num sjálvandi, sig­ur Marin Katrina Frýdal og held­ur fram: - Eg haldi, at tað hevur nak­að at gera við, at borgar­ stjórin tímir ikki at taka tað arbeiðið við, sum tær ymsu av­gerðirnar krevja. Hann vel­ur at brúka tíðina upp á onnur ting enn tað, sum eftir mín­um tykki er umráðandi fundar­virksemi, heldur Marin Katrina Frýdal fyri. Hon leggur dent á, at hon ikki ger vart við sína ónøgd bara fyri at gera uppreistur. - Als ikki. Sjálvandi mást tú fara á kompromis, tá tú ert í politikki og skalt vera part­ur av semjum, men henda umraðfestingin av íløgu­ætlanini er gjørd aftan fyri mín rygg, og tað haldi eg, er at fara ov langt og sera óvirðiligt fyri restina av breiða samstarvinum, tað vil siga teimum, sum ikki eru í fíggj­ar­nevndini. Tekur seg ikki úr Hóast Marin Katrina Frý­dal týðiliga er ónøgd við sam­ starvið í býráðnum, hevur hon ongan ætlanir um ikki at vera partur av selskapinum. - Eg eri limur í teknisku nevnd og í trivnaðarnevndini og eri eisini í nevndini um brún­na við Sandá. Fari eg útum, havi eg als onga ávirk­ an. Eg haldi avgjørt, at eg geri ein mun í býráðnum, og míni sjónar­mið eru eisini við til at ávirka og broyta avgerðir, sig­ur Marin Katrina Frýdal og heldur fram: - So leingi eg føli, at eg geri ein mun, so haldi eg, at tað er tað vert. Enn føli eg, at mín ávirkan er galdandi í hesum starvi­num, sigur Marin Katrina Frýdal og vísir á, at hon kennir eina ábyrgd yvir fyri teimum omanfyri 400 fólku­num, sum valdu hana inn í býráðið. - Hesar útsagnirnar koma frá mær og ikki flokkinum, men eg veit, at nógv eru samd við mær, bæði úr mín­ um egna flokki og øðrum flokk­um, sigur Marin Katr­ ina Frýdal. Hon er tó tilvitað um, at hon kann blíva sett uttanfyri til ein og hvørja tíð. - Borgarstjórin hevur makt til tað, um tað er tað, hann vil. Eg havi áður kent fylgir­nar av at tala borgar­ stjóra­num ímóti, ella tá eg havi talað ímóti onkrum av tí, sum fer fram í býráðnum. Men eg kenni eina stóra ábyrgd yvir fyri mínum velj­ ara skara, og tí vil eg ikki bara geva skarvin yvir uttan víð­ari, sigur Marin Katrina Frý­dal. rannva@sosialurin.fo - Eg eri sannførd um, at borgarstjórin tekur ikki alt býráðið við upp á ráð, tá stórar avgerðir skulu takast, tí hann gevur sær ikki stundir til tað fundar og fyrireikingararbeiðið, sum stóru avgerðirnar hava við sær. Ístaðin vil hann møta borgarunum allastaðni og vera sjónligur, og tað gongur út yvir politiska gerningin. Soleiðis sigur Marin Katrina Frýdal, býráðslimur, sum enn einaferð hevur sett seg upp ímóti borgarstjóranum