mánadagur 31. mars 2014síða 50

26 nr. 3 I 31. mars 2014 Vinnublaðið hjá Miðlahúsinum Mest upp á tað besta að var ein handil av teimum heilt stóru, tá Skipasmiðjan á sinni skifti eigara. Fyritøkan hevði í nógv ár verið ogn hjá Mohr’unum í Havn, og við Poul Mohr á odda var talan um eina tí mest vælkonsolideraðu fyri­ tøkuna í landinum. Risahandilin, sum varð stjórn­aður av Notio, var eitt ný­brot innan føroyskt vinnulív, og hetta var eis­ini í tráð við tíðarandan, har handlar við virðis­brøv­um og fyritøkum veruliga tóku dik á seg. Stóri spurningurin, tá búskarskrædlið rakti, var, hvussu dýrt keyptu fyritøkurnar fóru at standa seg. Vit hava sæð meira enn tað eina dømi um fyritøkur, sum ikki hóraðu undan, men máttu boyggja seg fyri skuldar­ byrðuni og einum fallandi um­setningi. Mest hevur sjálvandi eisini merkt niðurgongdina, men fyritøkan livir enn sítt sunna lív, og bæði í vavi av virksemi og stødd á eginogn telist Skipasmiðjan framvegis millum tær heilt stóru í landinum. Gjalda skuld Tølini her á síðunum fevna um samtakið kring Mest, har Pam Offshore og Maskinverkstaðið í Runavík eisini telja við. Fyrst og fremst, so vísa stabbarnir púrasta greitt, at tað hevur eydnast fyritøkuni at økja um umsetningin í stórum. Ein tillagin var neyðug, tá kreppan av álvara rakti, men tølini tala sítt týðuliga mál um, at hendan tillagin er væl og virðiliga gjøgnumførd, og seinastu trý roknskaparárini hevur botnlinjan verið svørt. Fyrst og fremst er gjaldførisavlopið, sum góði raksturin hevur skapt, nýtt til at gjalda skuldin ahjá felagnum niður. Umframt inn­ skots­peningin á 60 mió kr., so varð stórt lán tikið, tá rakastur og ognir vórðu keypt frá gamla Skipasmiðju-samtakinum, og hendan skuldin er minkað støðugt. Lániskuldin topp­ aði í 2007, tá hon var 86 mió kr., men í dag er hon komin niður á 56 mió kr. Samlaða rentu- og avdráttarbyrðan táttar í 10 mió kr. um árið, og raksturin tykist nú vera somikið sunnur, at felagið væl og virðiliga røkkur hesum máli. Hørð stýring Tað merkir tó ikki, at felagið nú kann gera, sum sær lystir. Marginalarnir, sum geva úrslitið, eru sera smáir. Hóast árið í fjør var tað besta í søguni hjá felagnum, so er botnlinjan framvegis bara 5% av samlaða umsetninginum. Tá kann vera skjótt, at útreiðsluvøkstur etur av úrslitinum, og hetta saman við einum hampuliga væl spentum gjaldføri setir hørð krøv til fíggjar- og framleiðslustýring- ina. Í ársfrágreiðingini staðfestir leiðslan eis­ ini, at støðugar tillagingar í rakstrinum og ein hørð stýring av kredittum eru millum týdningar­mestu tættirnar í búskapargongdini. Eitt nú verður staðfest, at vanlig siðvenja er, at skip, ið eru til umvælingar, ikki sleppa at loysa, fyrr enn umvælingin er goldin, og at kredit-meting av kundum er fastur partur av arbeiðs­gongdini, áðrenn arbeiðir fara ígongd. Bjørt útlit Hóast útlitini fyri fiskivinnuna eru hampuliga óstøðug, so hevur leiðslan á Mest góðar vónir til framtíðar úrslitini. Seinasta árið hevur høvuðsyvirhálingin av Enniberg verið størsta einstaka arbeiði, men nýggi motorurin til Smyril og økt virksemi innan frálandavinnuna bera boð um, at virk­ semið ikki fer at minka hetta komandi árið. T Árið í fjør gjørdist tað besta hjá Mest higartil. Gamla skipasmiðjan hevur framvegis nógv skuld frá eigaraskiftinum, men hendan verður niðurgoldin við fullari ferð Jákup Mørk Myndir: Álvur Haraldsen 150.000 200.000 250.000 300.000 350.000 Nettosøla Bruttovinningur Úrslit áðrenn rentur -50.000 0 50.000 100.000 2009 2010 2011 2012 2013 Ársúrslit Tað hevur eydnast samtakinum at toga umsetningin nógv upp hesi seinnu árini. Samstundis er tillagingar støðugt gjørdar í rakstrinum, so talan nú er um munandi avlop á botnlinjuni. (øll tøl í tkr.)