týsdagur 15. apríl 2014síða 8

Mikudagur 16. apríl 2014 · Nr. 45 8 Sosialurin Hugskot og viðmerkingar – send sms til 225000 Jón Brian Hvidtfeldt - Fær man ikki bygt musikk­ skúlan uttan at keypa hasi set­hús­ini, ið liggja uppat øki­num, so er tað væl loysn­ in. Jógvan Arge er bæði av­ gjørdur og irriteraður. Av­ gjørdur, tí hann vil hava málið um musikkskúlan av­greitt. Irriteraður, tí mál­ ið eftir hansara tykki rekst onkustaðni millum for­ mann­in í fíggjarnevndini og forkvinnuna í Menta­ mála­nevndini í Tórshavnar Býráð. Tey bæði eru sum kunnugt ávíkavist Heðin Morten­sen og Helena Dam á Neystabø. - Forkvinnan í ment­a­ mála­nevnd­ini hevur ikki hild­ið, at hennara nevnd skal við­gera keypsmálið. Hon vísti til borgarstjóran sum for­mann í fíggjarnevndini. Borgarstjórin hevur í sínum lagi ikki viljað sett málið á skrá í síni nevnd, sum hev­ur heimildirnar, men hev­ur víst til forkvinnuna í mentamálanevndini. So­ leið­is hevur man í longri tíð gingið sum ein rukka frá Heródes til Pilatus til tess at koma víðari við musikk­ skúlamálinum uttan at fáa annað burtur úr enn uttanumtos um stað­set­ ingar bæði heimaliga og uttar­laga, ovarlaga og niðar­ laga í býnum, skrivar Jógv­ an Arge í lesarabrævi um musikk­skúlamálið. Jógvan Arge vísir á, at bý­ ráð­ið hevur givið grønt ljós til at fara í samráðingar við ein privatpersón um at key­ pa hansara sethús, fyri at kunna brúka økið í samband við musikkskúalan. Og hann hev­ur somuleiðis skilt, at tær samráðingar eru komn­ ar á mál. - Eg havi ferð eftir ferð roynt at fáa málið fyri, bæði í Mentamálanevndini og í Fíggjarnevndini, men higartil til fánýtis. Tað er neyðugt at avgreiða hetta keypið, áðrenn vit slep­pa víðari, soleiðis at verk­ætlan­ in kann bjóðast út, sigur Jógvan Arge. Hann heldur lítið um handfaringina, og leggur Javnaðarflokkin í býráðnum undir at hava aðrar ætlanir: - Sum eg havi skilt, hava javnaðarfólk á Vaglinum fingist við aðrar dagsskráir fyri staðseting musikkskúlans, skrivar Jógvan Arge í lesarabrævi. Býráðslimurin fyri Tjóðveldi sipar her til, at Heðin Mortensen í heyst nevndi møguleikan at brúka part av Kommunuskúlanum til musikkskúla. Jón Brian Hvidtfeldt Samstundis sum onnur skunda undir at fáa málið um nýggja musikkskúlan í Sortu­dýki í Havn avgreitt sum skjótast, so dregur bý­ ráðs­limurin Annfinn Brekk­ stein øvugtan veg. - Tað er neyðugt at taka aftur í aftur, hvat vit upp­ runa­liga ynsktu við nýgg­ ja musikkskúlanum, sig­ur Annfinn Brekkstein, sum bæði er limur í fíggj­ar­ nevnd­ini og eisini byggi­ nevnd­ini fyri musikkskúlan. Býráðslimurin sipar ser­ liga til kostnaðin: - Upprunaliga varð ætlan­in at byggja fyri 41-43 milliónir. Tað varð síðani broytt til 46 millión­ ir, so 54 milliónir og nú sigur nýggjasta kostn­að­ ar­metingin 67 milliónir, sig­ur Annfinn Brekkstein, tá hann tekur saman um gongd­i­na í málinum síðstu árini. Sambært Annfinni Brekk­stein er í løtuni stór óvissa um, hvørt tær 67 millión­ir­nar fara at gerast upp­aft­ur fleiri, tá avtornar: - Vit býráðspolitikarar hava onga vissu fyri prísi­ num. Higartil er prísurin far­in uppeftir, nærum fyri hvønn byggifund. Og vit hava framvegis onga meting av, hvat útgerð og innbúgv til bygningin fer at kosta. Her eru alt ov stórar óvissur, sig­ur Annfinn Brekkstein av­gjørdur. Eisini staðsetingin av skúlanum, millum Norð­ur­ landahúsið og Sundsvegin, eig­ur at umrøðast av nýggj­ um. - Nú verkætlanin er blivin so­mik­ið kostnaðarmikil eiga vit eisini at diskutera, um skúlin kanska hevði lig­ ið betri onkra aðra staðni í býnum. Tað tykist, sum eing­in torir at siga tað hart, men eftirhondini kun­nu stór spurnartekin setast, bæði við kostnaðin og staðsetingina av nýggja musikkskúlanum, sigur Ann­finn Brekkstein. Endurskoða Býráðslimurin hjá Sam­ bands­flokkinum mælir tí til at endurskoða verk­ætlan­ ina. Eisini um borgarar í høvuðs­staðnum harvið mugu bíða enn longri eftir ein­um nýggjum musikk­ skúla. - Tað hevur størsta týd­ ni­ng­in, at vit fáa røttu loysnina fyri rætta kost­ naðin, ikki einhvørja loysn fyri einhvønn prís, argu­ menterar Annfinn Brekk­ stein. Býráðslimurin vísir á, at breið semja er í býráðnum um at byggja nýggjan musikk­skúla. - Men fokus má aftur á kost­nað­in. Fíggjarligt vit og skil má ráða, sigur Annfinn Brekk­stein. Sum nevnt í aðrari grein um málið skal Fíggj­ar­ nevndin í Tórshavnar Bý­ ráð í næstum taka støðu til at keypa eitt privat grund­ stykki við sethúsi á, sum skal leggjast afturat verandi øki, ið ætlandi skal brúkast til musikkskúlan. Annfinn Brekkstein, sum eisini situr í Fíggjarnevndini, er iva­samur: - Tað er greitt, at um kom­ mun­an keypir hetta økið til musikk­skúlan, so er man reelt farin ígongd. Men vit mugu also kenna neyva og endaliga kostnaðin fyri verk­ætlanina fyrst, sigur Ann­finn Brekkstein. Fundur verður í Fíggj­ ar­nevndini í Tórs­havn­ar Kommunu beint eftir páskir. Jógvan Arge: Avgreið málið um musikkskúlan - Man gongur sum ein rukka frá Heródes til Pilatus, uttan at fáa annað burtur úr enn uttanumtos, sigur Jógvan Arge, varaborgarstjóri og limur í bygginevndini fyri musikkskúlan, við greiðari tilsipan til Javnaðarflokkin Annfinn Brekkstein: Neyðugt at endurskoða byggiverkætlan - Tað tykist, sum eingin torir at siga tað hart, men stór spurnartekin verða sett við staðseting og kostnaðin av nýggja musikkskúlanum, sigur Annfinn Brekkstein, fíggjarnevndarlimur og limur í bygginevndini fyri musikkskúlan