mánadagur 28. apríl 2014síða 26

2 nr. 4 I 28. apríl 2014 Vinnublaðið hjá Miðlahúsinum Serblað frá Sosialinum Ábyrgd: Eirikur Lindenskov Myndir: Álvur Haraldsen snið og umbróting: Pætur Eyðunsson Jensen, sosialurin Tema hesaferð er Fiskamarknaðurin, sum er um at fara í søguna. Harvið hvørvur einasta fría prísásetingin, samstundis sum skip og virki verða alsmant meira nýtt saman. Eisini viðgera vit granskingarfrágreiðing um Eik Grunnin, sum vísir, at roknskapurin hjá Eik Grunninum var blóðskeivur, eins og vit hitta nakrar føroyskar sniðgevarar. Vinna hesuferð... tað hendir... Ólavur Ellefsen formaður í KT-felagnum KT-felagið hevði aðalfund miku­ dagin í farnu viku. Fyri vali stóðu Kristian Davidsen, Christian Nagata, Gudny Langgaard og Ólavur Ellefsen. Øll vórðu aftur­ vald. Umframt tey, ið stóðu fyri vali, varð Kjartan Thomassen eisini nývaldur í nevndina. Í nevndini sita sostatt Ólavur Ellefsen, formaður, Gudny Lang­ gaard, Fróði Magnussen, Kristian Davidsen, Kjartan Thomassen og Christian Nagata. KT-felagið hevur í løtuni níggju limir, og felagið hevur sett sær fyri at gerast meira virkið komandi ár og økja um limatalið. Disney: Emmy til Baroli Baroli Music, ið hittaðu í USA við lagnum Better in Stereo, sum er temalag til Disney sendingna Liv & Maddie, hava fingið enn eitt herðaklapp. Disney hevur boðað teimum frá, at tey hava sent sangin hjár Baroli til Emmy heiðurslønina fyri Outstanding Theme Song. Emmy-heiðurslønirnar eru eitt slag av Oscars fyri sjónvarps­send­ ingar. Hetta er ikki ein endalig Emmy nominering, tí Emmy dóms­nevndin skal velja millum tey innstendu. Men hetta vísir, at Disney trýr upp á sangin, og er hetta eitt stórt herðaklapp til før­oysku Bárð Háberg og Óla Jógvansson, Baroli Music. Facebook í arbeiðstíðini krevur eina støðu Facebook, Twitter og LinkedIn eru á telduskíggjunum hjá starvsfólkunum í sjey av tíggju donskum fyritøkum. Men so hvørt fleiri og fleiri fyritøkur loyva vitjanir á sosialu miðlunum í arbeiðstíðini, veksir eisini talið av fyritøkum, sum hava gjørt leiðreglur fyri, hvussu sosialu miðlarnir skulu verða nýttir. Hetta vísir nýggj kanning frá Lederne, skrivar Vinnuhúsið ambært kanningini verða vitjanir á sosialu miðlunum í arbeiðstíðini góðtiknar av 68 pro­sentum av fyritøkunum. Hetta er munandi hækkað í bert fýra ár. Í 2010 var tað bara í lagi á 48 prosentum av fyri­ tøkunum. Talið av fyritøkum, sum hava orðað etiskar leiðreglur fyri, hvussu starvsfólk kunnu nýta sosialu miðlarnar, er sama tíðarskeið meira enn tvífaldað – úr 18 prosentum av fyritøkunum í 2010 til 41 prosent í 2014. Helle Bruun Madsen, sum er leiðsluráðgevi hjá Lederne, heldur, at talan er um eina sjálvsagda gongd. – Tølini strika undir, at fyritøkurnar av álvara hava tikið sosialu miðlarnar til sín. Fyrr vórðu sosialir miðlar – serliga Facebook – kallað tíðartjóvur og nakað, sum hótti KT-trygdina hjá fyritøkunum. Soleiðis er tað tíbetur ikki longur. Tað er ógvuliga logiskt, at tað samstundis er ein hækking í talinum á fyritøkum, sum gera etiskar leiðreglur fyri starvsfólkanýtsluna av hesum nýggju miðlum. Hetta vísir, at fyritøkurnar taka støðu, og at tær átaka sær leiðsluábyrgdina, sigur Helle Bruun Madsen. Hon leggur dent á, at niðurskrivaðar reglur ikki altíð eru neyðugar. – Tað týdningarmesta er, at leiðararnir í fyritøkunum seta seg inn í og hava eina støðu til teir møguleikar og vandar, sum standast av at ferðast á sosialu miðlunum. Ofta klára starvs­fólkini sjálv at stýra frælsinum á ein skila­góðan og ábyrgdarfullan hátt – uttan at tíðarnýtslan vindur upp á seg og uttan at upp­ føra seg ábyrgdarleyst í cyberspace. – Leiðreglur koma ofta aftan á eina ella fleiri ítøkiligar hendingar, har eitt ella fleiri starvsfólk eru farin ov langt. Eg mæli til, at fyritøkur taka støðu, áðrenn hetta hendir, tí so slepst sum oftast heilt undan reglum, sigur Helle Bruun Madsen. Kanningin er gjørd saman við greiningar­ fyritøkuni YouGov og er grundað á svar frá 1.594 leiðarum. S