týsdagur 29. apríl 2014síða 4

Mikudagur 30. apríl 2014 · Nr. 48 4 Sosialurin Hugskot og viðmerkingar – send sms til 225000 tíðindi Rannvá G. Fossaberg – Eg dugi ikki at skilja, at allar landsroyndirnar skuldu fara fram í talgildum formi, tí tá skipanin bleiv royndarkoyrd fleiri ferðir áður, riggaði hon ongantíð soleiðis, sum hon átti. Lærarafelagið vísti á, at mann átti at bíða við at hava allar landsroyndirnar í tal­gildum formi, men tað bleiv ikki lurtað eftir, og tí haldi eg, at fleiri lær­arar nú onkursvegna hava hug at flenna eftir Menta­mála­ ráð­num, sigur Elsa Birgitta Petersen, sum er skúlastjóri í Hvalbiar Skúla. Enn hava skúlarnir ikki fingið at vita, hvussu lands­ royndirnar nú skulu fara fram, men tað er greitt, at tær skulu gerast. – Eg kundi hugsað mær, at mann til dømis gjørdi nøkur fak í senn og ikki alt upp á ein gang. Tað vil siga, at vit til dømis bara tóku føroyskt í talgildum formi, og so bleiv hitt gjørt við pappíri og blýanti, sigur Elsa Birgitta Petersen, sum tó hevur hugsað um eina loysn upp á trupul­leikan. – Loysnin beint nú, eftir at skipanin krassjaði, kundi verið, at allir skúl­ar­nir fingu eina fløgu ella geyma send­ andi, har upp­gáv­urnar vóru á. So kundu næm­ingar­nir fingið uppgávurnar á sína teldu og og á tann hátt loyst tær talgilt, sigur Elsa Birgitta Petersen Brúkið blýant og pappír Varaskúlastjórin í Skúlanum á Ziskatrøð í Klaksvík, Vivian Gudjonsson, heldur, at lands­royndirnar eiga ikki at verða avlýstar í ár, men næm­ingarnir skulu eins og undan­farin ár framhaldandi brúka pappír og blýant, tá tey fara til roynd. – Landsroyndirnar skulu jú gjøgnumførast, tí tað er lógarfest, og tá haldi eg, at ein­asta loysn er at næm­ ingar­nir sita við pappíri og blýanti. Tað nyttar ikki at brúka talgildu skipanina, tí hon hevur ongantíð riggað optimalt, sigur Vivian Gudjonsson. Hon dugir ikki at síggja, at tað á nakran hátt skal vera eitt afturstig, um lands­ royndir­nar verða gjørdar í pappír­formi. – Innihaldið er tað sama, líka mikið um vit brúka pappír ella teldu, so at siga, at hetta er eitt afturstig, tað haldi eg ikki ber til, sigur Vivian Gudjonsson, sum tó leggur afturat. – Tað er innihaldið, ið vit kanna, og tí haldi eg ikki, at formurin er tað týdningar­ miklasta. Ikki tí, er skipanin nóg góð og riggar, sum hon skal, so er sjálvandi í lagi at brúka teldu til lands­ royndir­nar. Og kanska er tað eis­ini meira spennandi fyri næm­ingarnar at gera lands­royndirnar talgilt enn við pappíri og blýanti, sigur Vivian Gudjonsson. rannva@sosialurin – Einasti realistiski møguleiki við landsroyndinum nú er, at tær verða í pappírsformi, og tað er eitt stórt afturstig í hesum talgildu tíðunum. Soleiðis sigur formaðurin í Føroya Lærarafelag, Herálvur Jacobsen, eftir at lands­royndirnar, sum skuldu vera farna mánadag, blivu av­lýstar orsakað av tøkniligum trupulleikum. Formaðurin í Føroya Lærara­felag er alt annað enn nøgdur, eftir at árligu landsroyndinar, sum skuldu vera mánadagin, blivu avlýstar. Orsøkin var tekniskir trupulleikar við servar­anum, sum krassjaði mána­morgunin, tá umleið 1400 næmingar í 4. og 6. flokku skuldu til landsroynd. – At landsroyndirnar, sum skuldu vera í gjár, end­aðu soleiðis, er til at gráta yvir, og eg haldi meg kunn a siga, at allir skúlar eru troyttir av hesi mis­eydnaðu digitali­ser­ ingini av lands­royndini, sigur Herálvur Jacobsen. Fyri fyrstu ferð skuldu landsroyndirnar hesa­ferð fara fram talgilt, men av tí at royndar­kann­ingar­nar við skipanini allar mis­eydn­ aðust, heitti Lærara­felagið á myndug­leikarnar um at útseta lands­royndir­nar. Tað ynskið bleiv ikki gingið á møti, og tað harm­ast for­ maðurin í Lærara­felagnum almikið um. Í løtuni er hann ikki greið­ ir yvir, hvat nú fer at henda við landsroyndini, sum ann­ ars er lógarásett at skula fara fram hjá øllum 4. og 6. flokk­ um kring landið. – Tað einasta, vit vita frá Mentamálaráðnum í løtuni, er, at landsroyndirnar verða, men akkurát hvussu tær skulu fara fram, hava vit ikki fingið nøkur boð um, sigur Herálvur Jacobsen, sum held­ur, at tað bert er ein møgu­leiki, um royndin skal fara fram. – Eg gangi bara út frá, at landsroyndin má verða í pappírs­formi, tí í mín­um hugaheimi er tað tann ein­ asta loysnin, sigur Herálvur Jacobsen og leggur afturat: – At hava lands­roynd­irnar í pappírsformi er at bakka aftur, men eg dugi ikki at síggja aðrar realistiskar møgu­leikar, staðfestir Herálvur Jacobsen rannva@sosialurin.fo Hetta er til at gráta yvir Lærarar ilskast um lands­royndirnar Tað kemur ikki óvart á lærarar, at landsroyndirnar, sum skuldu byrja mánadagin, blivu avlýstar orsakað av tøkniligum trupulleikum. – Vit vistu, at tað fór at ganga galið, tí allar royndar­kann­ing­ar við skipanini riggaðu ikki, og tí er hetta keðiligt og irriterandi bæði fyri lærarar og næmingar, sigur Elsa Birgitta Petersen, stjóri í Hvalbiar skúla – Líka mikið um lands­ royndirnar verða tal­ gildar, so skulu næm­ ingar­nir eisini hava pappír og blýant, soleiðis at teir eru fyrireikaðir, um so er, at skipanin svíkur. Tað sigur aðalstjórin í menta­málaráðnum, Poul Geert Hansen – Trupulleikin mána­ dagin var óvæntaður, tí skipanin riggaði annars soleiðis, sum hon skuldi. Beint nú kann vit, hvat vit kunnu gera við trupul­ leikan, og vónandi vita vit meir seinni í vikuni. Soleiðis sigur Poul Geert Hansen, aðalstjóri í Mentamálráðnum, eftir at landsroyndirnar blivu avlýstar mána­dagin. Orsøkin, til at lands­ royndir­nar ikki kundu fara fram mánadagin sum ætlað, var, at onkur feilur var yviri í Kanada, har servarin er, men kontakt­ persónurin, hjá Menta­ mála­ráðnum í Kanada, var ikki til at fáa fatur á. Hóast tað enn ikki er greitt, júst hvussu lands­ royndirnar skulu fara fram, so slær Poul Geert Hansen fast, at lands­ royndirnar verða. – Landsroyndirnar eru ásetta við lóg, og tískil verða tær, men eg dugi bara ikki í løtuni at siga, nær tær verða, sigur Poul Geert Hansen. Hann sigur, at næstu ferð, landsroyndirnar verða, fara tey at taka øll fyri­varni, og tískil skulu næmingarnir hava pappír og blýant við sær til royndir­nar. – Enn dugi eg ikki at siga, um landsroyndirnar verða talgildar, men líka mikið hvat, so skal pappír og blýantur verða tøkt hjá næmingunum, sigur Poul Geert Hansen. rannva@sosialurin.fo Pappírið skal brúkast