týsdagur 13. mai 2014síða 16

16 Sosialurin Hugskot og viðmerkingar – send sms til 225000 Mikudagur 14. mai 2014 · Nr. 54 Framstig á almannaøkinum Annika Olsen Landsstýriskvinna í Almannamálum Síðani hendan samgongan tók við, hevur retoriska orða­ valið verið rættiliga harð­ligt um førda politikkin, og ikki minst hevur sosiala økið staðið fyri hørðum atfinn­ ing­um. Dagliga hoyra vit, at samgongan førir ein karráðan, asosialan, neokonservativan høgrapoltikk, sum onki ger fyri tey veiku í samfelagnum. Eg viðurkenni, at nógv kundi verið betri handfarið og gjørt øðrvísi, men tá alt, sum samgongan ger, verður mál­að til ræðumyndir, kann spurnartekin setast við trú­ virðið av hesum atfinningum. Taka vit eitt nú almannaøkið, so eru fleiri batar at hóma, og fleiri framstig eru hend hesi seinastu 2 árini, t.d. kann nevn­ast: • Lóg um arbeiðsfremjandi tiltøk samtykt (nýskip­an um rúmligan arbeiðs­ marknað) • Dagførd barnaverndarlóg við m.a. herdari frá­boð­an­ arskyldu og størri barna­ verndarøki • Barnahús er sett á stovn í Tórshavn til børn, ið eru útsett fyri kynsligum harðskapi og harðskapi annars • Barnaumboð er sett á stovn eftir kravi frá ST – barna­rættinda­sáttmál­an­ um. • Barnabati hevur fingið hægri játtan til ”Tú og Eg ráðgevingina”, soleiðis at børn aftur kunnu fáa óhefta og anonyma hjálp frá serkønum. • Sorgarbólkurin ”Berin” hevur fingið hægri játtan, soleiðis at fleiri børn, ið hava mist teirra foreldur kunnu fáa stuðul og linna. • Økt játtan til heimleys/ hitastovuna á Herberg­in­ um, soleiðis at hon kann vera opin longri • Depil til fjølbrekað børn í Runavík verður tikin í nýtslu í summar. • Vardir bústaðir til fólk við serligum avbjóð­ing­ um sett í gongd og standa lidnir í 2015 í ávika­vist Eysturoynni og Norð­ oyggjum, har 12 íbúðir verða bygdar á hvørjum stað • Sjøtul er settur á byggja virknis- og umlætting­ar­ depil á Sandi til børn og ung við serligum av­bjóð­ ingum • Arbeiðið við at byggja 16 íbúðir í Tórshavn til fólk við sálarsjúku er sett í gongd og standa hesar lidnar í summar. • 2 mió. kr. játtaðar til Foun­ tain House í Tórshavn, sum er eitt arbeiðsrættað tilboð til fólk við sálar­ sjúku. • 250 tús. kr játtaðar til Kvinnuhúsið til m.a. sálar­liga hjálp og ráðgev­ ing • Eldralógin er samtykt. Hetta er okkara fyrsta føroyska eldralóg. • Lóg um útlegging og sam­ starv á eldraøkinum, sum gevur kommununum ábyrgd av økinum 1 jan 2015. • Dagtilhald fyri dement er sett á stovn í Vági og Fuglafirði. • Mótrokning millum hjún er strikað millum pen­ sjónistar, ið eru giftir við maka undir 67, sum enn er á arbeiðsmarknaðinum. • Ættleiðingarstuðulin er hækkaður úr 75.000 kr. upp í 100.000 kr. Eg kundi hildið áfram við list­anum, men størsta av­ bjóðingin fyri tveimum ár­ um síðani var ein sparing á 218 mió., sum vóru álagdar al­mannaøkinum at spara, men sum vit tíbetur fingu snara rætta vegin, ásannandi tað, at hetta hevði sorlað alt almannaøkið sundur. Tað er neyðugt at halda aftur við almennu útreiðslunum, men at spara 218 mio yvir 4 ár, var als ikki ráðiligt. Gamaní kann man altíð gera tingini betur, og vil undirritaða sam­an við landsstýrinum og sam­gonguni til eina og hvørja tíð gera tað besta til tess, men at tvvíhalda um, at vit onki gera fyri tey veiku í sam­felagnum er heilt einfalt ikki rætt. Øll skulu við Landsfundarsamtykt Javnaðarflokkurin Landsfundur Javnaðarflok­ sins átalar, at samgongan hevur økt munandi um stætta­munin í Føroyum. Tveir triðingar av fólkin­ um fekk ikki lut í flat­skatt­ inum, og talið av fólki, sum liva í fátækraváða er vaksið munandi síðani samgongan tók við. Landsfundurin staðfestir, at tann ójavni, ið samgongan hevur skapt, forðar bú­skap­ ar­vøkstri og skapar spjaðing millum bólkar og øki í sam­ felagnum. Tørvur er á einum poli­ tikki, sum minkar um ójavn­ an og savnar okkum sum fólk, og sum endurreisir álitið á politisku skipanina. Vit vilja skapa eitt sam­ felag, har menniskju eru fræls og javnlík og hava møgu­leikan at fylgja sínum egnu dreymum. Fyri at lætta um fíggjarliga í gerandisdegnum hjá fólki við lág- og miðalinntøkum, fer Javnaðarflokkurin at lata kommununum burturav leigu­gjaldinum frá alivinnuni, so tær kunnu hækka botn­ frádráttin. Inntøkur frá til­ feingisgjaldi skulu tryggja fólkapensjónistum, støk-um uppi­haldarum og lægri inn­ tøkubólkunum ein fíggjar­ ligan lætta. Umframt at raðfesta eitt javnari samfelag, vil Javn­ aðarflokkurin, tá ið hann aftur tekur við leiðslu land­ sins, at raðfesta íløgur í út­ búgving og læru, sum er for­ treytin fyri at fólk og vinna trívast og støðast í Føroyum. Kennskapur og politiskt tilknýti skulu ikki gera av, hvussu tilfeingisvinnurnar verða skipaðar og ríkidømið verður býtt. Vinnupolitikkur floksins skal tryggja, at allir føroyingar hava javnbjóðis rætt at bjóða seg fram í einari sunnari og javnari kapping. Javnaðarflokkurin vil tryggja, at landsins ríkidømi kem­ur út í hvørt heim í land­ inum. Havnar Framburðsfelag um nýskipan av fiskivinnuni Thormund Johannesen Skipsførari og Skipsverkfrøðingur M.Sc. Lurtaði mikukvøldi eft­ ir stroyming frá fundi um ný­skipan av fiskivinn­uni, sum Havnar Fram­burðs­ felag skipaði fyri á Lands­ bókasavninum, og fekk sostatt høvi at hoyra um ætlanirnar hjá Fólka­flokk­ inum á fiski­vinnu­økinum. Bjarni Arnason tosaði millum annað um umsetiligar kvotur og opið hav, soleiðis at veiðiloyvi geva rætt til fiskiskap allastaðni, har før­oyingar hava fiski­rætt­ indi, um viðkomandi fær skaff­að sær neyðug fiski­ loyvi. Ein skilagóður tanki um umsetiligheit í víðkað­ um týdningi, sum vildi givið teimum virk­andi í fiski­vinn­ uni mun­andi størri rásarúm og menn­ingar­møgu­leikar. Christian Andreasen nevndi, at tá skipanin við um­setiligum kvotum hevði víst seg at rigga sera væl nógvastaðni, so hví ikki eisini í Føroyum. Jørgin segði, at um mann hugsaði aftur í tíðina, so hevur fiskivinnan staðið seg best, tá ið politikarar hava hildið fingrarnar burtur, og ringast, tá ið politiska uppí­ blandingin hevur verið stór. Eg gevi Jørgini púra rætt í síni útsøgn, tí vit hava ong­an­ tíð upplivað slíka stagna­tión, sum síð­ani politikarar við fiski­daga­skip­anini fóru at stýra fiskivinn­uni á heima­ leiðini niður í smá­lutir. Tað er tí heilt ófatiligt, at Jacob Vestergaard kunnger, at ætlanin er at halda fram við fiskidagaskipanini. Fyri tað fyrsta krevur ein fiskidagskipan, at avmark­ ingar verða lagdar á skipini til tess at avmarka veiðuorkuna, og tað gongur beint ímót útsøgnini hjá Jørgini um, at fiskivinnan hevur tað best, tá ið politikararnir ikki blanda seg. Fyri tað annað er ein frí umsetiligheit við døgum og ymiskari veiðiorku nógv truplari at hava við at gera, enn um kvotur verða nýttar. Fyri tað triðja hevði ein møgulig uppboðssøla av dø'gum slett ikki rigga, tí dagarnir hava so ymiskt virði frá skipi til skip, og tí hevði verið neyðugt við ásettum bólkabýti ella u m r o k n i n g s fa kto r u m , og tað vil siga politiskari uppíblanding. Og fyri tað fjórða kann mann so gloyma alt um skilagóða uppskotið hjá Bjarna Arnason um fría umsetiligheit í einum opnum havi, tí hvat skulu reiðarar í heimaflotanum gera á fjarleiðum ella í uppisjóvarvinnu, tá ið teir, orsaka av avmarkingum í fiskidagaskipani, ikki kunnu skaffa sær tey røttu skipini. Og trupulleikin er eisini hinvegin, um uppisjóvar- ella fjarleiðarskip skulu ogna sær rættindi til botnfisk í heimasjógvi. Nei, eg haldi sum Jørgin, at politikarar skulu blanda seg minst møguligt: Sig reiðarum hvat teir kunnu fiska, tvs. kvotur, og lat teir so sjálvar um nær, hvør, hvar og hvussu, uttan nakrar sum helst avmarkingar.