týsdagur 20. mai 2014síða 40

Mikudagur 21. mai 2014 · Nr. 57 12 Sosialurin Jákup Mørk Meðan pelagiski flotin og flotin av verksmiðjutrolarum hevur góð úrslit, stendur verri til hjá restini av flotanum. Í nøkrum førum er bati at hóma, men við undantøkunum, sum eru nevnd omanfyri, er myndin av føroyska fiskiveiðuflotanum ikki tann bjartasta. Hetta framgongur av rokn­skapar­ greiningini av fiskivinnuflotanum, sum grannskoðanarfyritøkan Jan­ uar, hevur gjørt seinnu árini. Nýggjasta útgávan fevnir um roknskapirnar fyri 2012, og hendan varð liðugt gjørd í september í fjør. Enn eru bert einstakir roknskapir innkomnir fyri 2013, og tí ber illa til at staðfesta, hvørjar broytingar vóru í 2013, men í greiningini verður víst á, at úrslitið helst er á leið tað sama, um enn ein lítil bati kankska er at hóma. Uppsjóvarfiskurin er álitið Høvuðstølini fyri samlaða flotan vísa eina hugaliga gongd. EBITDA, sum er úrslitið, ið skal forsvara kapitalkostnaðir, avskrivingar og skatt, er økt munandi tey fimm árini, sum greiningin fevnir um. Fyrst og fremst, so er tað pelag­ iska vinnan, sum dregur talið upp­eftir. Hesin parturin av flot­ an­um hevur nærum tvífaldað av­ reiðingarvirðið í árunum 2008 til 2012, og EBITDA-úrslitið er økt úr góðum 130 mió kr. upp í nær­um 329 mió kr. Saman við par­trolarum, har flotin er øktur, er upp­sjóvarvinnan eisini garanturin fyri einum hampu­liga støðugum starvs­fólka­ tali innan fiskivinnuna. Tað er tó stórur munur á hýrunum, sum verða goldnar út innan einstøku skipabólkarnar. Vit hava ikki tikið yvirlitið yvir hýrurnar við her á síðuni, men til sammetingar kann nevnast, at meðan tey 211 ársverkini, sum vóru í uppsjóvarflotanum í 2012, fingu útgoldið knappliga 319 mió kr., var tilsvarandi talið fyri 170 ársverk hjá partrolarunum góðar 122 mió kr. Samlaða úrslitið fyri flotan gevur eisini somu mynd, har fyrst og fremst pelagiska vinnan hevur eina sera stóra framgongd. Rækjuskipini og verksmiðjutrolararnir hava eis­ ini munandi góð úrslit seinnu árini, meðan gongdin er heldur truplari hjá restini av flotanum. Fyri línu­ skipini er tó galdandi, at 2012 gav eitt lítið yvirskot, men hetta kemst eisini av skuldarumlegging í parti av flotanum. Loyvir fyri hálva milliard Spurningurin um tilfeingisgjald hevur ofta verið frammi seinnu árini. Skilt á tann hátt, at kvotur í dag verða handlaðar millum reiðarí, so er eitt ávíst tilfeingisgjald longu í vinnuni. Roknskaparliga verð­ur keyp av kvotum bókað sum good­ will, ið síðani verður avskrivað yvir livitíðina á kvotuni, og á tann ber til at staðfesta, at samlaða virðið av keyptum kvotum í 2012 var 532 mió kr. Nógv tann størsta partin av hesum kvotum finna vit í upp­ sjóvar­vinnuni, har bókað goodwill í 2012 var 392 mió kr. Hesi tøl umboða tó ikki tann part­in av kvotunum, ið ikki eru keyptar, og tí er talan ikki um tal, sum er umboðandi fyri samlaða flotan. Pelagiski flotin gull verdur Tað er fyrst og fremst nøkrum framúr árum í uppsjóvarvinnuni at takka, at føroyski flotin gevur yvirskot. Saman við verksmiðjutrolarunum hevur uppsjóvarvinnan havt góð úrslit, meðan gongdin hjá at kalla restini av flotanum hevur verið heldur tung Útvald lyklatøl Tal av skipum 2008 2009 2010 2011 2012 Pelagisk skip 11 9 8 11 11 Rækjuskip 3 3 3 2 2 Verksmiðjutrolarar 4 3 4 3 3 Partrolarar 17 26 22 24 24 Lemmatrolarar 11 8 8 8 10 Línuskip 22 19 16 17 16 Garnaskip 7 6 6 4 4 Onnur skip 1 1 1 1 0 Íalt 76 75 68 70 70 Tað er fyrst og fremst innan pelagisku vinnuna, at føroyingar vinna pengar. Samlaða talið fyri flotan er positivt, men sera stór sveiggj eru innan ymsu partarnar av flotanum