týsdagur 17. juni 2014síða 4

Mikudagur 17. juni 2014 · Nr. 68 4 Sosialurin Hugskot og viðmerkingar – send sms til 225000 Rannvá G. Fossaberg Arbeiðið at gera nýggjan, nú­tímans terminal á flog­ vøll­inum í Vágum er nú at komið at enda. Samlaði kostn­að­urin fyri terminalin, brand­støð, umsitingarhøli og garasju varð frammanundan mettur at verða 144 miliónir krónur, og nú teir 6600 fer­ metrarnir eru til reiðar at taka í nýtslu, er líkt til, at konstnaðar­ætlanin fer at halda. Á móttøku týsdagin helt vinnumálaráðharrin, Johan Dahl, røðu og eisini Kitty May Ellefsen, sum er nevndar­forkvinna fyri Vága Floghavn, segði nøkur orð. Aftaná kliptu tey bæði bandið inn til fráfaringar­ hølið, og sostatt bleiv nýggi terminal­urin alment tikin í nýtslu. Nýggi terminalurin minn­ir um einhvønn annan modern­aðan terminal, sum vit kenna frá eitt nú Íslandi og Dan­mark. Sum nakað nýtt eru fleiri tól sett upp, soleiðis at tey ferðandi sjálvi kunnu tjekka inn viðførið og harvið stytta um bíðitíðina fyri at sleppa av við viðførið. Terminalurin sjálvur er í ljósum litum og í stóra glas­ partínum, ið vendir út ímóti sjálvum vøllinum, hanga einir 25 av eyðkendu glas­ fugl­unum hjá Tróndi Paturs­ son, listamanni. Nýggja taxfree sølan er munandi øðrvísi enn tann gamla, tí umframt hølini er úrvalið av vørum nógv størri enn áður. rannva@sosialurin.fo Nútímans flog­- vøllurin tikin í nýtslu Nýggi terminalurin á flogvøllinum í Vágum bleiv alment tikin í nýtslu týsdagin. – Arbeiðið hevur gingið væl, og bæði fíggjar- og tíðar­ætlanin heldur, hóast veðrið í vetur hevði stóra ávirkan, sigur Jákup Sverri Kass, stjóri í Vága floghavn nýggi terminalurin Nýggi terminalurin í Vágum tikin alment í nýtslu. Sí eisini myndatema á www.in.fo Myndir: Álvur Haraldsen