hósdagur 22. mai 2014síða 8

Fríggjadagur 23. mai 2014 · Nr. 58 8 Sosialurin Hugskot og viðmerkingar – send sms til 225000 - Miðbýurin er ein sertakur býarpartur í høvuðsstaðnum. Tað staðfesti Heðin Mort­en­sen, borgarstjóri, tá ið hann seinnpartin í gjár avdúkaði, hvør vann stóru arkitektakappingina um, hvussu miðbýurin, og ser­ sta­k­liga grannalagið rundan um Steinatún, skulu síggja út í fram­tíðini Tað vóru Zeta arkitektar, við Søren Yde Jensen og Ragn­ar Zachariassen, sum vunnu kappingina, og mælt verður til, at teir verða knýttir at kommununi sum ráðgevarar í tilgongdini at seta ætlanina í verk. Fyrsta virðislønin var 300.000 krónur og uppskotið hjá teimum spennir frá heild­ ini niður í serlutir og myndar ein samangangandi miðbý. Aðru virðisløn á 150.0000 krón­ur og hana fekk MAP arki­tektar og tað greiðir frá eini bústaðarbygging á Skála­trøð sum í byggisniðið fær sambandi við gamla býar­partin. Triðju virðisløn var 75000 krónur og hana fekk Contrast, sum hevði eina røð at tiltøkum, sum kunnu men­ na miðbýin, eitt nú eitt nýtt hús í Tórsgøtu við nógvum glasi Triðju virðislønina fær Contrast sum hevði eina upp­skot, sum vísa á tiltøk, sum kunnu menna miðbýin. Forðingar niður Í vinnandi ætlanini verður skot­ið upp at taka niður forð­ingar og avmarkingar í mið­býnum, eitt nú nakrar grót­garðar. Niðasti partur av Tinghúsvegnum verður lagd­ ur um soleiðis, at Tinghúsið fær frægari atgongd, sam­ stund­is sum Vaglið fær eitt víðari og dámligari skap. Á Skálatrøð skal nýtt mentan­ar­hús byggjast og saman við havnarlagnum skal hetta gerast eitt týdn­ ing­ar­mikið rúm fyri mentan og list. Við Eystaruvág skulu íbúðir byggjast inn móti berginum. Tær verða lagd­ ar soleiðis, at gongt er út á grønar tekjur. Sama er gald­ andi fyri uppskotið á Skála­ trøð, har lendið partvíst verð­ur endurskapað, sum tað eina­ferð var. Havnará skal eisini verða latin upp á ávísum strekkj­ um fyri at fáa gamla og eyð­ kenda áartutlið aftur í mið­ býin. Projektuppskotið til Steina­tún er býarkent og legg­ur dent á at skapa eitt nú­tíð­ar býarrúm. Sam­ stund­is eru her fleiri onnur átøk, sum stuðla upp undir ætlan­ina. Uppskotið vísir á eina ferðsluskipan, har tvær ljóskurvar, onnur beint eystan­fyri og hin beint vestan­fyri, gera tað lætt og trygt at ganga tvørtur um torg­ið. Bygningurin sunnan fyri Steina­tún fær eina opna stovu­hædd, har gongt er gjøg­num bygningin, og hann skal hava eina eyka takhædd við trappurúmi løgdum utt­ a­n á verandi bygningin. Tær sveimandi hálv­ tekjur­nar geva møguleika fyri, at fólk verða savnað und­ir tekjum, har tað verður turt, eitt nú hjá teimum, sum bíða eftir bussi, samstundis sum tekjurnar binda saman bygningar og býarrúm. Borgarstjórin ásannar, at tað verður ein dýr íløga at seta hetta í verk, men nú skal so neyðuga fíggingin finnast. Kappingin um, hvussu miðbýurin í Havn skal síggja út í framtíðini, er nú avgjørd miðbýarætlan Soleiðis hugsa vinnandi arkitekttarnir sær at Eystaravág skal síggja út. Høgru megin eru íbúðir inn ímóti berginum Forðingar og avmarkingar takast niður Niðari partur av tinghúsvegnum skal skipast øðrvísi, so at tinghúsið fær fragari atgongd og Vaglið fær víðari og dámligari skap