týsdagur 27. mai 2014síða 26

2 Sosialurin Mikudagur 28. mai 2014 · Nr. 60 Vælkomin á Norðoyastevnu Tað samfelagið, sum var vertur fyri fyrstu Norðoyastevnuni, var eitt heilt onnur verð enn hon, sum vit liva í nú. Framgongdin hevur verið sera stór – onkur vildi næstan sagt, at hon hevur verið ræðandi – men framvegis er kjarnin í eini summarstevnu viðkomandi fyri okkum alheims­ gjørdu borgarar í 2014. Jú, heimurin er blivin nógv minni. Vit samskifta lætt og elegant við okkara grannar og fólk úti í heimi umvegis okkara snildu tól. Vegurin til prát og kjak er styttri enn nakrantíð. Og vit verða endaleyst – og eirindaleyst – undir­hildin av sjónvarpi, teldum og telefonum døgnið runt, leggja vit í tað. Men samstundis uppliva vit ein ótømandi hug at skipa fyri og finna saman til tiltøk av øllum hugs­andi slagi. Tiltøkini kring landið alt gerast fleiri og fleiri, og fólk taka væl undir við teimum. Hetta vísur, at vit hava fram­ vegis hug at hittast, vera saman og uppliva nakað uttan hjálp frá okkara teldum og telefonum. Ljós og góð tíð Norðoyastevnan er ársins fyrsta klassiska stevna, og hon setir hugliga summarið í gongd. Hendan tíðin ljós og góð. Vit hava óteljandi møguleikar at fáa upplivingar, útisetarnir leita sær heim í summarfrí, og eisini nógvir útlendingar koma hendan vegin at uppliva okkara land. Ein langur og strævin vetur er lagdur afturum, og nú er veðrið lýggjari og ljósari. Norðoyastevnan er ein onnur stevna nú, enn hon var fyri 78 árum síðani. Stevnan hevur ment seg og eisini enduruppfunnið seg sjálva fleiri ferðir. Men nú sum áður er fólkalív, ítróttur og mentan í miðdeplinum. Vit kunnu fara til ítróttar­kapp­ ingar, har stórur spenningur er, og har okkara reysti ungdómur kappast. Vit kunnu uppliva list og mentan, sum ger okkum ríkari sum menniskju og fólk. Og vit kunnu eisini velja at leita okkum út til óformliga felagsskapin á gøtunum. Stevnuhýrurin ger okkum helst meira fyrikomandi og opin, enn vit eru í gerandisdegnum, og góð prát eru at fáa við kenningar og tey, sum vit ikki hitta daglig. Tit, sum standa fyri stevnuni og skapa tey mongu tiltøkini, eiga stóra tøkk uppiborna fyri hetta. Klaksvíkar kommuna stuðlar Norðoya­stevnuni av heilum hjarta, og vit vóna, at tiltøkini fara at eydnast væl. Eg ynski øllum gestum hjarta­ liga vælkomnum á Norðoya­stevnu og vóni, at vit fáa eina góða stevnu saman. Norðoyastevnan varð hildin fyrstu ferð fyri næstan 80 árum síðani, og framvegis er stevnan innbjóðandi og spennandi, hóast tíðin og samfelagið eru nógv broytt Stórsligin gudstænasta Sunnudagin verður stórfingin norðurlendsk guds­ tænasta í Christianskirkjuni. Kórsangur við 500 sangarum verður at hoyra, og av hesum kórsangarum eru eini 300 úr hinum norðurlondunum. Uni Næs, dómpróstur, prædikar. Gudstænastan verður send í sjónvarpi í øllum norðurlondum. Tóra á fólkafundi Sunnudagin verður fólkafundur í Vágstúni. Skrúðgona við Klaksvíkar Hornorkestri, býráðs- og bygdaráðslimum úr Norðoyggjum, skótum og ítróttarfólki fer úr Klaksvíks­garðinum kl. 14.00. Leiðin gongur heim í Vágstún, har Tóra við Keldu, nýggj forkvinna í MBF, flytur fram røðu. Klaksvíkar Hornorkestur og Sjællands Politi­orkestur spæla eftir røðuna. List í Ósáskúlanum Norðoya Listafelag hevur listaframsýning í Skúlanum við Ósánna á norðoyastevnu. Í ár er Amariel Norðoy við sum gestasýnari. Umframt øll hini verkini ber eisini til at síggja nýggja prýðismálningin hjá Edwardi Fuglø, The Seagull Has Landed, á framsýningini. Listaframsýningin er opin leygardagin og sunnudagin millum kl. 16.00 og 20.00. Jógvan Skorheim Borgarstjóri í Klaksvíkar kommunu