týsdagur 27. mai 2014síða 30

6 Sosialurin Mikudagur 28. mai 2014 · Nr. 60 Spennandi fríggjakvøld á Norðoyastevnu Leo Poulsen Tað verður meira hugaligt á Norð­ oya­stevnu í ár enn undanfarin ár. Klaksvíkar Dansifelag skipar fyri einum spennandi kvøldi, sum byrjar klokkan 18.00. Tá bjóða vit til ein tríggjar rætt døgurða, og lagt verður fyri við salt­fiski, fiskaður norðanfjørðs, og sum hevur ligið í laka í tríggjar dagar. Hartil verða eisini føroyskar urtir aftur við, saman við serligum øli frá Føroya Bjór, sigur Jónleif Johannesen frá Klaksvíkar Dansifelag. Sum vælkomst drikk verður latin ein serlig rabarbusaft, sum Jóhanna Maria Isaksen av Húsum hevur blanda. Og hon fæst sjálvandi bæði sum alkoholfrí ella eisini við nakað av alkoholi í, sigur Jónleif Johannesen. Eisini til høvuðsrættin fæst ein serlig øl frá Føroya Bjór. Og so verður farið til dessertina, sum er ein rabarbugreytur við ser­ ligum skúmi av nátaeggum. Eisini hertil fæst ein serlig øl frá Føroya Bjór, sigur Jónleif Johannesen. Tá liðugt er at eta, verður farið í Badmintonhøllina til Hallar­ kaba­rettina, sum í ár hevur Rudolf Joensen, Hilmar Jan Hansen og Jákup Veyhe sum tey heilt stóru nøvn­ini. Tá so Hallarkabarettin er liðug, verður boðið til almennan før­oysk­ an dans, har øll eru hjarta­liga væl­ komin, sigur Jónleif Johannesen. Tað verður felagssangur til borð­ haldið, og tað er Jóanes Johanne­ sen, ið spælir undir. 160 fólk tilmeldað Upprunaliga var ætlanin at borð­ reiða fyri 150 gestum, men so fingu tey eina uppringing úr Havn, har eini 10 norðurlendingar fegnir vildu uppliva hetta kvøldið við for­kunnugum mati, so tey endaðu uppi á 160 folkum tilsamans. Tað er langt síðani útselt. Vit hava ikki lýst so nógv við til­tak­ inum, men hava havt tað í bløð­ unum nakrar ferðir, og tað er tað, sigur Jónleif Johannesen. Hann sigur, at tað eru fleiri við úr bæði Havnini og úr Eysturoy, men sjálvandi eru teuy flestu úr Norðoyggjum. Vit vildu vísa á, at Klaksvíkar Dansifelag er til, og kanska kunnu vit vinna í síðsta enda við at onkur, sum kanska ikki er so vanur at dansa, kemur við hetta kvøldið, sigur Jónleif Johannesen. Hann roknar við, at tað verð­ur byrja við teimum vanligu kvæð­ unum. Eg hugsi, at tað verður byrjað við Flóvanum Bænadiktsson og Orm­inum Langa, sigur Jónleif Johannesen. Føroyski dansurin byrjar klokk­ an 23, og hann er almennur. Tað er ikki neyðugt at verða við til døgurðan fyri at koma við til almenna dansin, tí har eru øll væl­ komin, sigur Jónleif Johanne­sen. Hann sigur, at tey vanliga hava havt almennan føroyskan dans leygarkvøld á Norðoyastevnu, men nú verður tað so fríggjakvøld. Tað vísti seg, at tað lá fyri hjá Gutta Winther fríggjakvøldið, og tí var tað lagt hetta kvøldið, sigur Jónleif Johannesen. Klaksvíkar Dansi­ felag skipar fyri einum serligum degi fríggja­kvøldið á Norðoya­stevnu, har lagt verður fyri við einum góðum bita, sum Gutti Winther stendur fyri Signhild setir stevnuna Fríggjakvøldið kl. 18.00 verður norðoyastevnan sett. Tað verður Signhild V. Johannesen, forkvinna í mentanar­ nevnini hjá Klaksvíkar býráði, ið setir stevnina. Hetta verður gjørt á pallinum við tivoliøkið. Í sambandi við setanina spæla Hallur Joensen, Kristina Bærendsen og Beddi Hansen. Telva uttandura Í Vágstúni er eitt uttandura talvborð, sum verður brúkt av og á til telvingin. Tá ið norðoyastevna er, plagar Klaksvíkar Talvfelag at skipa fyri uttandura talvkapping, og soleiðis verður aftur í ár. Kappingin verður fríggja­ kvøldið k. 18.00. Tobbi heldur røðu Eitt av stóru og væl vitjaðu tiltøkunum á norðoyastevnu er midnáttarsamkoman leygarkvøld. Kyndagonga kemur í Vágstún nakað fyri midnátt, og síðani heldur Torbjørn Jacobsen røðu. Tobbi helt eina minniliga røðu á norðoya­ stevnu fyri nøkrum árum síðani, og nú er hann biðin um at koma aftur til Klaksvíkar at siga nøkur orð. Eftir røðuna verður fýrverk og felagssangur.