týsdagur 27. mai 2014síða 34

10 Sosialurin Mikudagur 28. mai 2014 · Nr. 60 Nógvar góðar kreftir við Rudolf Joensen og hini í Hallarkabarettini eru spent upp á, hvussu tað fer at hildnast í ár, men kabarettin er mannað av nógvum og góðum fólki Leo Poulsen Luktur í smakkinum. Soleiðis eitur kabarettin í Klaksvík í ár. Í fjør vóru nøvn sum Jacob Haugaard og Sjúrður Skaale við á plakatini, men tey eru ikki við í ár. – Í staðin hava vit nøvn sum Riu Tórgarð og Jensinu Olsen við, og tær báðar eru gull verdar, sigur Rudolf Joensen. Higartil hava tey vant í Havn, men frá í dag verður farið í Bad­ minton­høllina at venja. – Vit eru í ferð við at seta ljós og ljóð upp, og beint nú eru tað Kim Hansen og hansara menn, sum hava ljóðroynd. Tí tá skal vera heilt gott, mugu vit hava nólsoyingar við, sigur Rudolf Joensen skemtandi. Hann sigur annars, at tey koma rímiliga væl runt um í landinum við tilfari til kabarettina. – Jensia og Ria duga avbera væl, og tær eru eisini dugnaligar við penn­inum, so tær hava yrkt fleiri sangir, og tað er nakað, ið merkir hesa kabarettina, at tað er meiri tónleikur enn tað hevur verið áður, sigur Rudolf Joensen. Hann sigur, at Hilmar Jan Hansen er nakað heilt fyri seg. – Hann verður inspireraður av so at siga øllum, og tað gongur ikki long løta, áðrenn hann kemur upp við onkrum nýggjum, sigur Rudolf Joensen. Tað eru nú einir tveir mánaðir síðani, at fyrstu stavirnir vórðu festir á blað til kabarettina. – Men tað eru tvær tær seinastu vikurnar, at vit veruliga hava vant, og tað er fyri tað mesta gjørti Havn, sum tey flestu búgva, sigur Rudolf Joensen. Jákup Veyhe rular Tað er sjálvur Jákup Veyhe, ið stend­ur á odda fyri kabarettini. – Hann er ein inspiratión í sjálv­ um sær. Sjúrður Skaale kann ikki vera við í ár, og tað pínir eitt sindur hjá honum. Men politikarar taka sær ting rættiliga nær, sigur Rudolf Joensen. Hann sigur, at Jacob Haugaard helst hevði verið at fingið við aftur í ár. – Tað var bara so hissini, at vit fingu hann við í fjør. Sum eitt serligt ískoyti. Men hann hevði heilt vist komið við aftur í ár um so var, sigur Rudolf Joensen. Hann sigur, at tað trýtur ikki við tilfari. – Vit royna altíð at halda okkum undir hálvan annan tíma, men vit hava tilfar til minst fýra tímar, sigur Rudolf Joensen. Hann heldur, at kabarettin er ment nakað frá i fjør. – Tað verður meira sangur í kaba­rettini í ár enn hini árini. Og tað er serliga Jensina Olsen, sum er góð at yrkja, sigur Rudolf Joensen. Tað eru eisini teir báðir, Jákup Bernhard og Høgni, sum mynda kabarettina í ár. – So tú kanst siga, at tað eru fleiri ungir leikarar við í ár, sigur Rudolf Joensen. Fyrsta sýningin verður fríggja­ kvøldið klokkan 21. – So verður spælt aftur leygar­ dagin klokkan 18 og klokkan 21 og so aftur sunnudagin klokkan 18, sigur Rudolf Joensen. Møguliga verður enn ein sýning klokkan 21 sunnukvøldið eisini, og tað verður sum vant spælt í Bad­ minton­høllini í Klaksvík. leo@sosialurin.fo