týsdagur 27. mai 2014síða 36

12 Sosialurin Mikudagur 28. mai 2014 · Nr. 60 Ástjørn er hjartasøk hjá Victori Jóannes Hansen Tað eru ikki allir klaksvíkingar og norðoyingar, sum eru í Klaks­vík á norðoyastevnu. Nógvir norðoy­ ingar og klaksvíkingar sigla á heims­høvunum og hava harvið ikki møguleika at vera heima á hvørjum ári um hesa tíðina. Og so eru tað onnur, ið eru burt­uri í øðrum ørindum. Millum hesi eru teir 23, sum í fyrra­dagin fóru við Norrønu yvir á Seyðis­ fjørð­in. Ørindini eru at fara yvir á legu­plássið, sum er við Ástjørn á norðurlandinum í Íslandi. Legan, sum fólk í brøðrasamkomuni á Aku­ reyri hava havt ábrgdinba av, hev­ur verið kend í Føroyum í mong ár. Jógvan Purkhús, sum er ættaður úr Klaksvík, fór saman við øðrum yvir hagar at hjálpa til fyri meiri enn hálvt hundrað árum síðani. Hann hevur búð í Íslandi mest sum eina hálva øld, og hann hevur ofta hjálpt til við Ástjørn. Í mong ár var Bogi Pétursson á Akureyri fyristøðumaður. Nú eru nøkur ár síðani, at hann doyði, og nú eru tað Magnus og Árni Hilmarsson av Akureyri, sum standa fyri. Teir eru kendir í Føroyum eitt nú ígjøgnum systrarnar, sum búgva í Klaksvík – Helga Hilmarsdóttir Gerðalíð og fleiri aðrar. Hjartasøk Tað var í 1977 ella fyri 37 árum síðani, at Victor Dánjalsson í Klaksvík fyri fyrstu ferð fór yvir til Ástjarnar at hjálpa til á barnaleguni. Hann og Bogi Pétursson gjørdust vinmenn fyri lívið, og árið eftir – í 1978 – fór Victor fyri fyrstu ferð yvir at umvæla og byggja av nýggjum. Síðani tá hevur hann verið har yviri mest sum á hvørjum ári og ofta fleiri ferðir um árið, og ofta hava fleiri verið saman við honum. – Hetta er ein hjartasøk, og ar­ beiðið hevur havt so nógv annað við sær. Vit hava funnið nógvar vinir millum vinsælu ís­lendingar­ nar, og millum okkum, sum ferð­ast yvir hagar, er vinalagið og saman­ haldið so avbera gott, sigur Victor Dánjalsson. Tá ið vit tosaðu við hann fyrra­ partin í gjár, vóru hann og hinir 22, sum fóru yvir við Norrønu hesa ferð, á veg av Seyðisfirði og til Ástjarnar. Teir koyra við bussi, sum stovnurin Átjørn eigur. Buss­ urin er í Føroyum um vetrar­nar, og so verður hann brúktur í sam­skift­ inum við Ísland og Ástjørn. – Hesa ferð er málið at bøta um matarsalin. Vit eru væl mannaðir. Yngsti maður er niðanfyri 30, og teir báðir elstu eru farnir væl av teimum áttati. Teir eru systkina­ børnini úr Vági í Klaksvík Eilev Joensen og John Høj. Vit hava fram­úr gott samanhald, og tá ið evn­ini til handverk eru góð hjá teim­um, sum eru aftrat mær, so rokna vit við, at tað fer at koma eins nógv burturúr, sum tað plagar. Menninir hava sjálvir amboð við og okkurt tilfar, men hesa ferð er tað mesta tilfarið fingið til vega í Íslandi, sigur Victor Dánjalsson. Fyri tað mesta eru tað klaks­ víkingar, sum manna ferðalagið. Leir­víkingar, gøtumenn og fugl­ firð­ingar eru eisini við og ein havnar­maður er eisini hesa ferð í ferða­lagnum. Viðhvørt plaga fleiri eystan Múlan at vera við. – Eg havi ongantíð biðið nakran mann um at koma við. Tað er hugaligt at vera við til at skipa fyri, tá ið áhugin fyri at hjálpa til er so stórur. Alt árið verður fregnast og spurt, um tað verður nakar túrur næsta ár. Soleiðis hevur tað eisini verið í ár, og nú vit fóru avstað, vóru vit 23, sigur Victor Dánjalsson. Hann var fyri tveimum vikum síðani yviri á Ástjørn og fyri­reik­ aði saman við íslendsku ábyrgdar­ monnunum tað, sum ætlanin er at gera. Tá var Sámal Eyðfinn Poulsen, sum er serkønur gólváleggjari, sam­ an við honum, og Sámal Eyðfinn er eisini í ferðalagnum, sum nú er við Ástjørn. Hesa ferð verður alt arbeiðið gjørt á Ástjørn. Undanfarnu árini, eitt nú tá ið teir hava smíðað bú­ staðir til leguluttakararnar, hava teir gjørt ein part av arbeiðnum í Klaks­vík, og so hava teir við tralilarum ella lastbilum flutt element­ini yvir til Íslands, har tey síðani eru samansett. Teir 23 vera við Ástjørn hesa vikuna og koma heim aftur við Norrønu hósdagin í næstu viku. Myndin varð tikin uttanfyri hjá Gunnleyg og Victor Dánjalsson fyrrapartin mándagin. Hvørja ferð byrjar ferðin við, at luttakararnir savnast heima hjá Gunnleyg og Victori, har tey fáa ein drekkamunn og túrurin verður lagdur í Guds hendur. joannes@sosialurin.fo Hetta er ein hjartasøk og fremur so sera gott samanhald millum okkum allar, ið eru við, sigur Victor Dánjalsson, sum síðani 1977 á mest sum hvørjum ári hevur skipað fyri bólkaferðum til leguplássið við Ástjørn á norðurlandinum í Íslandi Nógvur fótbóltur Ein rúgva av fótbóltsdystum verða spældir á Norðoyastevnu. Longu hósdagin eru fyrstu dystirnir á skránni. Tá spæla millum annað 1. deildarliðini hjá KÍ og Víkingi. Fríggjakvøldið er ein dystur, og allan leygardagin og sunnudagin verður spælt. Stóri stevnudysturin er effodysturin millum KÍ og Víking, ið verður spældur leygarkvøldið kl. 19.00. Sunnudagin kl. 15.00 spæla kvinnuliðini hjá KÍ og HB. Eftir tann dystin spæla KÍ og GÍ Legends. Renna kapp Børn og vaksin kunnu leygardagin verða við í Føroya Bjór renningini, sum rennifelagið Treysti skipar fyri. Í ár er teinurin 5 kilometrar, men tey yngru og smærru renna styttri teinar. Kappingin er býtt upp í nógvar aldursbólkar hjá bæði vaksnum og børnum. Talan er eisini um fyrstu Grand Prix renningina, sum felagið fyri frælsan ítróttar skipar fyri á summarstevnum.