týsdagur 27. mai 2014síða 38

14 Sosialurin Mikudagur 28. mai 2014 · Nr. 60 Søguligur kappróður í Klaksvík Jóannes Hansen Sum øll árini, síðani tað varð farið undir FM kapping í kappróðri í tí líki, sum tað nú verður kappast, verður fyrsti FM róðurin á norðoya­ stevnu í Klaksvík. Skipanin við stigum hevur verið galdandi síðani 1973. Tað eru annars 40 ár síðani, at fyrstu føroyameistararnir í kapp­ róðri vórðu funnir. Tað var í 1964, at skipað var fyri fyrstu kappingini um FM. Frá 1964 og fram til 1972 varð ein sunnudag eftir ólavsøku kappast um FM heitið. Kappróðurin á norðoyastevnu hesa ferð er merkisverdur á tann hátt, at hetta er fyrsta ferðin, at tað bara verður kappast á 1000 metra teininum. Nógvu tey seinastu árini hevur tað í Klaksvík ikki verið møguleiki fyri at kappast á 2000 metrum. Málið undir Kunoyarnesi og inn á vánna var ongantíð fullar tveir kilo­metrar. Tá ið aliringar vórðu lagdir undir Kunoyarnesi bar ikki til at rógva har, og síðani hevur bara verið kappast á 1000 og 1500 metrum. Í fjør varð skipanin broytt so­leiðis, at tað kring alt landið bara varð kappast á 1000 og 2000 metrum og ikki á 1500 metrum. Á norðoya­stevnu varð tó kappast á 1000 og 1500 metrum. Men í ár verð­ur altso bara kappast á stutta teininum á norðoyastevnu og í øllum hinum seks FM kapping­ unum. Tað var á ársaðalfundinum hjá Róðrarsambandinum fyrr í ár, at tað varð samtykt, at tað nú bara skal kappast á stutta teininum. Høvuðsorsøkin er, at harvið slepst undan bíðitíðini, tá ið fasti starturin verður fluttur. Bíðitíðin hevur mangan verið í tímar, og tað hevur havt við sær, eru tað tey, ið halda, at áhugin fyri at rógva og fyri at fylgja kappróðrinum hevur verið minkandi. Fleiri stórir bátar Seinastu árini hevur tað serliga verið í kappingini millum 10-manna­førini og 8-mannaførini, at lut­tøkan hevur verið lítil og kapp­ingin harvið einvís og lítið fjøl­broytt. Soleiðis verður tað ikki í ár, um luttøkulistin á norðoyastevnu kann brúkast sum ábending um, hvussu tað fer at verða. Fimm 10-mannafør fara at luttaka á norðoyastevnu. Fyrr í ár hevur ljóðað, at Klaksvíkingur, sum trý tey seinastu árini hevur vunnið FM, ikki fór at taka lut í summar. Klaksvíkingur er á listanum á norðoya­stevnu. Úr Klaksvík frætt­ ist, at tað er lítið sannlíkt, at tað fer at bera til at manna bátin til allar kapp­ingarnar í summar, og at tað tískil verður lagt nógv fyri í stremban­ini eftir, at tað skal eydn­ ast at vinna í heimasjógvi. At tað ikki ber til at manna flagg­skipið hjá norðoyingum seinni í summar kemst av, at rógvarar arbeiða uttanlands og sigla kring allan knøttin. Á teimum stevn­ unum, tá ið Klaksvíkingur ikki verður við, er ætlanin at manna 6-manna­farið Páll Fanga. Umframt Klaksvíking eru Eystur­oyingur, Ormurin Langi, Havnar­báturin og Drekin Reyði á listanum hesa ferð. Stórur áhugi er fyri, hvussu tað fer at roynast hjá argjamonnum, sum fyri fyrstu ferð royna seg í egnum 10-mannafari. Sunnudagin varð nýggja snekkjan hjá Argja Róðrar­felag flotað, og tá fekk báturin navn. Hann eitur Drekin Reyði. Í kappingini millum 8-manna­ førini hevur tað eisini verið soltið fleiri av undanfarnu árunum. Hesa ferð hava fimm 8-mannafør boðað frá luttøku. Talan er um gamlar kenningar: Miðvingur, Kvívíkingur, Gullbrandur, Argjabáturin og Knørrur. Um luttøkan í barnaróðrinum kann nýtast sum barometur, so eigur kappróðurin bjarta framtíð. Tíggju dreingjamanningar og fjúrtan gentumanningar hava boðað frá luttøku í ársins fyrsta kappróðri, sum leygardagin verður á norðoyastevnu í Klaksvík. Hesa ferð verður bara kappast á 1000 metra teininum í fyrsta FM róðrinum, sum verður á norðoyastevnu Súkklarar vísa seg fram Súkklufólk, ið eru við á føroyska Team Rynkeby liðnum, luttaka á norðoyastevnu. Leygardagin kl. 13.00 súkkla tey runt í Klaksvík, og møguleiki verður at heilsa upp á súkklararnar á kappróðrarøkinum. Tað er í summar, at eitt føroyskt lið fyri fyrstu ferð verður við í súkklingini hjá Team Rynkeby úr Danmark til Paris. Fleiri kendir føroyingar eru við á liðnum – eitt nú løgmaður og gekkaverturin Jan Gardar. Tónleikur í býnum Á tivoliøkinum verður pallur, har ymiskir tónleikarar fara at hava styttri framførslur. Tá ið norðoyastevnan verður sett fríggjakvøldið kl. 18.00, framføra Hallur Joensen, Kristina Bærendsen og Beddi Hansen. Eisini fara tónleikarar sum Eyðun Nolsøe og Danny Baldursson at syngja á tivoliøkinum.