mánadagur 2. juni 2014síða 30

14 nr. 5 I 2. juni 2014 Vinnublaðið hjá Miðlahúsinum að slapst ikki undan, at Faroe Seafood fór á húsagang, og tað nyttar onki at geva øllum øðrum skyldina fyri tað. Konspirasjónsteoriir eru ofta spennandi, men hava ofta onki hald í veruleikanum. Soleiðis er eisini við uppáhaldunum hjá fyrrverandi stjóranum í Faroe Seafood um, at eg skal hava arbeitt ímóti ella verið passivur í royndunum at finna eina loysn, sigur Ingi Højgaard, advokatur. Hann var nevndarformaður í Faroe Seafood teir seinastu tríggjar mánaðirnar undan húsaganginum, og varð beinanvegin aftaná av Skiftirættinium eftir áheitan frá Eik valdur til fyribils bústjóra í trotabúnum. Kreditorloysn - Tað er rætt, at Meinhard Jacobsen sjálvur arbeiddi hart fyri at fáa nýggjan kapital og eina rekonstruksjón framda, og tað er eisini rætt, at eg segði, at eg ikki helt meg vera rætta mannin at fara út at selja fyritøkuna. Tað helt eg Meinhard vera. Hann kendi felagið og vinnuna betur enn eg. Men tað er ikki rætt, at eg var passivur. - Eg var vorðin nevndarformaður í Faroe Seafood í september 2010, tá fyritøkan var í einari insolventari støðu. Partapeningurin var mistur. Eg varð av Eik biðin um at fara í nevndina, og tann loysnin, sum skuldi finnast, var ein kreditorloysn saman við nýggjum partapeningi. Tað merkir, at loysnin skuldi finnast í samráð við teir, og mín uppgáva var fyrst og fremst at halda okkum flótandi fyri at vita, um fíggjarligu kreditorarnir og íleggjarar kundu finna eina loysn, soleiðis at felagið kundi bjargast. So einfalt er tað, sigur Ingi Højgaard. Hann vísir á, at í tí frammanundan sera spentu støðuni fór annar av høvuðskreditorunum, Eik, eisini á húsagang fyrst í oktober 2010, og at tað bara gjørdi møguleikarnar fyri at gera eina nøktandi kreditorloysn uppaftur meira torføra. Ingi Højgaard sigur, at hann hóast hetta tó eisini sjálvur tosaði við íleggjarar og royndi at fáa teir áhugaðar í at gera íløgur í fyritøkuna. Hann hevði millum annað samband við Varðan og Framherja/Samherja. Att síggja til vóru hesir so nær við at keypa Faroe Seafood, at teir alment váttaðu tíðindini tíðliga í november 2010, og umboð fyri reiðaríini úttalaðu seg eisini til miðlarnar um keypið. Sóu skjøl Handilin datt tó niður fyri, og sambært Meinhardi Jacobsen hendi hetta, tá umboð fyri áhugaðu keypararnar eftir kravi frá Inga Højgaard sluppu at síggja sonevnda datarúmið við øllum skjalatilfarinum um fyritøkuna. - Tað er onki forgjørt í tí, tí tað er jú tað, eitt datarúm er til – at áhugaðir keyparar skulu hava ein møguleika at síggja, hvat tað er, teir keypa, áðrenn teir keypa. Annars kunnu teir ikki takað støðu til, um teir skula seta pengar í og undir hvørjum treytum. Frammanundan skulu teir skriva undir upp á, at tað, teir fáa innlit í, er í trúnaði. Eg veit ikki, hví áhugaðu keypararnir gjørdu av ikki at seta pening í felagið, men mátti bara staðfesta, at so varð, sigur hann. Í grein aðra staðir her á síðunum rør Meinhard Jacobsen fram undir, at passiviteturin, sum han sigur Inga Højgaard hava sýnt í tíðini upp til húsagangin, var avtalað spæl millum Inga Højgaard og Jørn Astrup Hansen, sum tá var vorðin stjóri í falna Eik Banka. Mickey Mouse Tað, sum fyrrverandi Faroe Seafood-stjórin rør fram undir, er, at Eik-stjórin ongantíð var áhugaður at finna eina kreditorloysn, og at hann frammanundan húsaganginum hevði lovað Inga Højgaard, at hann skuldi gerast bústjóri í trotabúnum, tá tað kom har til. - Hasa Mickey Mouse-søguna vil eg totalt vísa aftur sum tann reini heilaspuni. Astrup segði beinanvegin, hann kom, at Eik var tilreiðar at avskriva og jú, tað er rætt, at Jørn Astrup Hansen 2. desember 2010 spurdi meg, um eg vildi vera fyribils bústjóri í trotabúnum. Tað var dagin fyri, at húsagangurin varð staðfestur í skiftirættinum, men tá visti nevndin, at húsagangurin longu var ein veruleiki, tí fráboðanin um, at ongin ítøkiligur keypari var, og at kreditturin varð steðgaður 3. desember 2010, var komin nakrar dagar frammanundan. - Tað er heldur onki undrunarvert í, at Eik-leiðslan valdi at peika á meg sum medbústjóra, tí sum nevndarformaður hevði eg innlit í viðurskiftini hjá fyritøkuni, og tí kundi tíð sparast, tá búgvið skuldi kortleggjast og gerast upp. Júst tað, at eg hevði innlit, rokni eg við var grundgevingin hjá Eik fyri at velja meg, sigur Ingi Højgaard. Hann heldur ikki, at hann hevði nakran gegnis- ella trúvirðistrupulleika av knappliga at skula vera bústjóri í sama stóra samtaki, sum hann til tá hevði verið nevndarformaður í. - Nei, eg var jú vorðin nevndarformaður eftir ynski frá Eik, og tað vóru eisini teir, sum valdu meg til bústjóra, so eg dugi ikki at síggja, at nøkur andsøgn er har, sigur Ingi Højgaard. Bústjórin vísir atfinningum aftur Ingi Højgaard, núverandi bústjóri og fyrrverandi nevndarformaður í Faroe Seafood, vísir aftur øllum atfinningunum frá fyrrverandi stjóranum í samtakinum Orð og mynd: Ingolf S. Olsen T Ingi Højgaard, advokatur, var nevndarformaður í Faroe Seafood í tríggjar mánaðir undan húsaganginum og var síðani valdur til trotabústjóra av Eik. Hann sær tó ongan trupulleika í hesum. - Eg var vorðin nevndarformaður eftir ynski frá Eik, og tað vóru eisini teir, sum valdu meg til bústjóra, so eg dugi ikki at síggja, at nøkur andsøgn er har, sigur hann