týsdagur 3. juni 2014síða 34

Mikudagur 4. juni 2014 · Nr. 63 34 Sosialurin mentanarnáttin Hugskot og viðmerkingar – send sms til 225000 Vilmund Jacobsen Umframt at handlarnir í miðbýnum í Havn fara at hava opið til langt út á kvøldið á Mentanarnáttini, fyri­ liggur eisini ein stór og fjølbroytt skrá, har høvi er til alskyns vitjanir og fram­sýningar. Súsanna Sondum, sum sam­ skipar Mentanarnáttina fyri Visit Tórshavn, sigur, at nøkur aftur­ vendandi tiltøk líka sum eru við á hvørjum ári - og onnur eru við annaðhvørt ár ella so. – Tað eru so nógv, sum gleðiliga vilja vera við, og tí er tað eisini so stutt­ligt at samskipa hetta stóra tiltak. Hon vísir á, at Mentanarnáttin byggir á fleiri smærri tiltøk, men so eru tað eisini tiltøk, sum eru størri og meira krevjandi. Lata dyrnar upp – Vit eru ómetaliga fegin um, at Landssjúkrahúsið er við í ár, og vit eru eisini ómetaliga fegin um, at Føroya Rættur aftur letur dyrnar upp í ár - bara fyri at nevna nakrar av forkunnugu og forvitnisligu møguleikunum úr rúgvuni. Súsanna Sondum sigur, at stórur áhugi var fyri at vitja Føroya Rætt á Mentanarnáttini í fjør, og hon ivast onga løtu í, at soleiðis verður eisini í ár. – Vit halda tað eisini vera sera áhugavert og forvitnisligt, at Lands­ sjúkrahúsið er við í ár og letur sínar dyr upp og fer at greiða frá tí arbeiði, sum har verður gjørt. Vænta nógv fólk Samskiparin vísir til skránna, sum er í blaðnum í dag og sigur, at her eru óteljandi møguleikar, og tí vóna tey eisini, at nógv fólk fara at streyma til Havnar, bæði til Mentanarnáttina fríggjakvøldið - og eisini leygardagin til marathon og heilsurenning. – Jú, vit vænta rættiliga nógv fólk bæði fríggjakvøldið og leygardagin, og tí kann tað vera skilagott at biðja sær pláss á matstovum, um ætlanin eisini er at fáa sær ein bita. Súsanna Sondum sigur, at nógv­ ir handlar í miðbýnum hava opið til klokkan 23, og vanligt er á Ment­ anarnáttini, at eingin verður koyrdu út aftur, tó at klokkan kanska fer um 23, og fólk tá framvegis hava hug at hyggja seg um inni á gólvinum. Eisini í Tinganes Umframt, at Føroya Rættur og Lands­sjúkrahúsið lata dyrnar upp á Mentanarnáttini, bjóðar Føroya Landsstýri eisini fólki út í Tinganes at síggja nøkur av gomlu húsunum har, eitt nú Sjóbúðina, Vektarbúðina, Salinum og Skansapakkhúsið. – Eg vil avgjørt mæla fólki til at hyggja í skránna fyri Ment­anar­ náttina, sigur sam­skiparin, Súsanna Sondum. Tað er gleðiligt at so nógv vilja verða við - Tiltakið við Mentanarnátt í Havn byrjaði í 2001, og vit kunnu siga, at tiltakið er vaksið ár undan ári, sigur Súsanna Sondum, samskipari hjá Visit Tórshavn – Vit eru ómetaliga fegin um, at Landssjúkrahúsið er við í ár, og vit eru eisini ómetaliga fegin um, at Føroya Rættur aftur letur dyrnar upp í ár - bara fyri at nevna nakrar av forkunnugu og forvitnisligu møguleikunum úr rúgvuni, sigur Súsanna Sondum, samskipari