hósdagur 5. juni 2014síða 28

Sosialurin nr. 64 · 6. juni 2014 4 VIKUSKIFTI Sunda­ fergan Sunnudagin 1. juni vitjaðu starvsfólk í Miðlahúsinum umborð á gomlu Sundaferguni, sum Thomas Blachman, ið er best kendur frá tónleikakappingini X Factor nú eigur Sundafergan Magnus Gunnarsson maggi@sosialurin.fo Í ár eru 60 ár liðin síðan Sundafergan varð bygd. Upprunaliga navnið á ferguni var Fritz Juel. Skipið varð bygt úr eik á Ring-Andersens værft í Svendborg í 1954 og sigldi fyrstu árini millum Svendborg og Vindeby. Frá 1969 til 1976 varð fergan seld til Føroyar og sigldi millum Selatrað, Hósvík og Oyri. Tað vóru Joen Peter Andreasen, Jóhan Jacobsen, Hans J. Magnussen, Zacharias Joensen og Christian Vilhelm Jacobsen sum áttu ferguna og fekk hon navnið Sundafergan. Joen Peter hevði tá í nøkur ár siglt við rutubátinum Sigmundi millum Hvalvík og Sundabrúnna á Oyri við ferðafólki. Fyrstu árini sigldi Sundafergan millum Hósvík, Oyri og Selatrað. Tá so brúgvin um Streymin varð liðug í 1973, var einans siglt millum Hósvík og Selatrað til Norðskálatunnilin lat upp í 1976. Tá var ikki brúk fyri ferjusambandi í Sundalagnum meira, og Sundaferjan varð seld av landinum. Í fleiri ár sigldi fergan millum Hardeshøj á oynni Als og Ballebro í Suðurjúlandi undir navninum Jacob Hardeshøj. Í dag er Sundafergan bygd um til húsbát. Tað vóru DSA-Arkitekter ið gjørdu tekningarnar til bátin, sum hann sær út í dag. Meginparturin av bildekkinum er innilokað og ferjan kann nýtast bæði sum bústaður og arbeiðspláss. Í fjør keypti kendi jazzmusikarin og komponisturin Thomas Blachman, ið er best kendur sum dómari í tónleika­kapp­ ingini X Factor, ferguna, sum liggur við bryggju við Holmen í Keyp­mannahavn. Thomas Blachman brúkar ferguna sum sítt arbeiðspláss. Maskinan er tikin úr skipinum, og verður maskinrúmið í staðin nýtt sum arbeiðsrúm. Blachman og