hósdagur 5. juni 2014síða 36

Sosialurin nr. 64 · 6. juni 2014 12 VIKUSKIFTI HM Pætur Albinus albinus@sosialurin.fo Brasilsku fótbóltsleikararnir eru eyð­ sæddir kring allan heim við teknisk­ um dugnaskapi og litríkum spælistíl, og ígjøgnum ár og dag hava fleiri brasilskir leikarar eisini ríkað um før­ oyskan fótbólt. Tveir teirra, ið hava steðgað á longst í Føroyum, eru fram­ vegis í Føroyum og eru virknir leikarar. Eru teir nevndir, so eru teir kendir. Clayton Soares, sum er her á 12. ári, og Alex José dos Santos, sum er her á 11. ári. Úr bygd og býi Alex José dos Santos, sum kom til Føroya í 2004 og hevur spælt útivið 300 dystir tilsamans í Effodeildini við B36, EB/Streymi og HB, er ikki heilt óvandur við smáar umstøður eins og í Føroy­um. Hann er nevniliga úr Itajuípe norða­liga í Brasil, har íbúgvatalið ein­ ans er 22.000. Soleiðis er støðan ikki hjá vinmanni hansara, 36 ára gamla Clayton Soares, sum hevur verið í Føroyum síðani 2002 - tó ikki kappingarárið 2010 - og eins og Alex hevur spælt útivið 300 dystir við táverandi FS Vágum, B71, 07 Vestur og nú ÍF. Hann kemur nevniliga úr Rio de Janeiro, har tað búgva 6,3 milliónir fólk. Brasiliumenn hyggja saman Seinastu ferð HM var á skránni, savn­ aðust fleiri brasiliumenn í Føroyum fyri at hyggja eftir dystunum hjá Brasilia. Soleiðis verður aftur í ár, siga teir báðir. Tað er Alexandre Silva, sum – hóast hann ikki spælir meira – framvegis er í Føroy­um og dugir væl at samansjóva. – Eg fari at hyggja eftir øllum dyst­unum, sum eg havi møguleika fyri at síggja. Tað má passa saman við arbeiðið og annað, sigur Alex, meðan Clayton peikar á eina aðra forðing hjá teimum. – Vit skulu spæla evropeiskan fótbólt um hatta mundið, men eg vóni at síggja so nógv sum tilber, sigur Clayton. Eftir dystirnar hjá ÍF í Europa League fer Clayton til heimlandið á feriu, men tað hevur ikki eydnast honum at fáa at­gongumerki til HM-finaluna. Hann ætlar sær tískil at hyggja eftir finaluni heima við hús saman við familjuni. Hann verður í Brasilia dagin áðrenn finaluna. Sterkir heima Alex metir, at heimavøllurin er ein fyri­ munur hjá Brasilia. – Tað hevur ógvuliga nógv at siga, at teir eru við. Vit sóu tað í Confederations Cup í fjør. Tað er veruliga ein 12. maður, sigur Alex. Brasilia vísti nevniliga ræðandi styrki í Confederations Cup í fjør, sum eis­ini av fyriskiparunum varð nýtt sum ein fyrireikandi kapping til at standa fyri HM-endaspælinum í ár. Brasilska lands­liðið vann kappingina – í finaluni vunnu teir greitt 3-0 ímóti verandi heims­meistarunum úr Spania. Brasilia vann allar dystirnar í kapp­ ing­ini. Dystirnar vunnu ímóti Italia, Meksiko, Japan, Uruguay og Spania. Heili átta brasilskir leikarar vórðu valdur á besta liðið í kappingini, og eftirskriftin var, at Brasilia vísti ræð­andi styrki á heimavølli, sum Alex eis­ini peikar á. Fólk og mentan Eitt, sum tey mongu ferðandi til HM- enda­spælið koma at uppliva meiri enn fót­bóltin sjálvan, er Brasilia sum land. Her metir Clayton Soares, at Brasilia hevur nógv at bjóða. – Fólk eru altíð glað í Brasilia, so øll fara at verða væl móttikin. Brasilia hevur eisini eina heilt øðrvísi og vakra mentan, sum fólk vónandi ætla sær at upp­liva, sigur Clayton. Fram ímóti HM-kappingini hevur spurnartekin verið sett við eitt nú trygdina eftir at ófriður hevur valdað um fleiri dystir í heimligu kappingini, men hesum stúrir Clayton ikki fyri. Hann kennir á sær, at trygdin fer at vera í hásæti. – Lond hava ymiskar trupulleikar, og tað hevur Brasilia eisini. Eg vil siga, at tað eru nógv fleiri góð ting við Brasilia enn keðilig ting, sigur hann. Brasilia og hini Teir báðir, sum eru góðir vinmenn, eru ikki í iva um hvønn teir skulu nevna, tá ið prátið gongur um hvør man vera favorittur at vinna HM. Heimlandið Brasilia verður nevnt alt fyri eitt, men teir hava eisini sínar góðu orsøkir til metingar teirra. – Hetta er tað sterkasta brasilska lands­liðið, sum eg havi sæð í mínari tíð. Tað er serliga verjan, sum er stinnari enn nakrantíð. Tveir av heimsins bestu miðverjum og tveir royndar bakk­spæl­ arar, umframt at nakrir sterkir eru til reiðar at koma av bonkinum. Mið­ vøllurin er ein góð blanding av ferð og teknikki, meðan álopið við Neymar á odda eisini er sterkt. Men tað er serliga verjan og miðjan, sum skarar framúr, sigur Alex. Clayton hevur eisini hug at peika á verjuna sum besta ketan, og hin­vegin stúrir hann eitt sindur fyri álops­part­ inum. – Eg vænti, at Neymar fer at vera heilt avgerandi. Hann hevur eina meiri fría rollu enn hann hevur í FC Barcelona, og tað gagnar honum væl. Hin­vegin hava vit ikki nakran krút­ sterkan áleypara, sum áður hevur gjørt liðið so vandamikið. Eg sakni leikarar sum Ronaldo og Romario. Vit hava Fred, men hann er ikki í heimsklassa, heldur Clayton. Spania ella Týskland Tá ið einans eftir er at spyrja teir báðar hvør teir meta fer at vinna HM, er tað púrasta greitt, at báðir atkvøða fyri heim­landinum Brasilia. Tískil er spurning­urin bara, hvør fer at vera argasti kappingarneyti teirra. – Spania ella Týskland, sigur Alex, meðan Clayton er púra samdur í teim­ um báðum, men tó hevur onnur góð boð. – Italia eru altíð drúgvir í enda­ spølum. Argentia eru eisini sterkir við Messi á odda, vísir hann á. Tað ber ikki til at kleyna teir báðar fyri at vera litaðar í síni meting um Brasilia, tí alheims veddingarfyritøkur og meiningamátingar vísa, at Brasilia er favorittur at vinna. mynd: Rakul hansen ivast ikki í heimlandinum Brasiliumenninir Alex José dos Santos og Clayton Soares hava góðar vónir til heimlandið í HM-kappingini. – Hetta er tað sterkasta brasilska landsliðið, sum eg havi sæð í mínari tíð. Tað er serliga verjan, sum er stinnari enn nakrantíð, sigur Alex. Hóast Clayton heldur brasilska landsliðið manglar typur sum Ronaldo og Romario á liðnum, so metir hann Brasilia vera favoritt til at vinna kappingina Alex og Clayton