týsdagur 10. juni 2014síða 46

26 Sosialurin Mikudagur 11. juni 2014 Ert tú úr Argentina, lágvaksin, lámur og enntá somikið góður fótbóltsspælari, at 10-talið mest sum sjálvvirkandi verður sett á ryggin, so er ikki løgið, at sammetingarnar við Maradona fylgja við. Tann »nýggi Maradona« er fleiri ferðir út­ nevndur, og eingin hevur oftari enn Lionel Messi fingið stemplið á seg. Ikki færri enn fýra ferðir er Messi kosin besti spælarin í heiminum, og hann er heiðraður mest sum óteljandi ferðir fyri fótbóltsbrøgd síni. Og sjálvur Maradona segði – tá hann var lands­ liðs­venjari – at »Messi er mín Maradona« Hann hevur enntá eisini “skallað” eitt mál við hondini, og bara eina viku undan hesum skeyt hann framúrskarandi mál, har hann rak av egnari hálvu fram við fleiri mótstøðumonnum, áðrenn hann sendi kúluna í kassan. Við bert einari viku ímillum gjørdi hann soleiðis Maradona kynstrið eftir, um vit tosa um tey bæði gitnastu málini hjá Maradona. Og kanska eisini tey gitnastu í HM-søguni. Trupulleikin hjá Messi er, at meðan hann gjørdi tey bæði nevndu málini í liga-dystum móti meðal-góðum liðum í sponsku La Liga, so gjørdi Maradona tey innan fyri fýra minuttir í einum og sama dysti. Fjórðings­ finaluni í 1986 móti hataðu fíggindunum úr Onglandi. Gloymið alt um rivalisering millum Argentina, Brasil og Uruguay. Bretland er landið, sum Argentina fram um alt vil vinna á. Tað var bretski venjarin, sum á sinni rópti argentinsku spælararnar fyri dýr, og tað vóru bretar, sum á sinni noktaðu at geva Argentina ræðið á Falklandsoyggjunum, og ístaðin fóru í beinleiðis kríggj við Argentina. Hetta bert trý ár undan HM-kappingini í 1986. Fjórðingsfinalan í 1986 var so øgiliga nógv meira enn bara ein fótbóltsdystur fyri Argentina, og einki handrit kundi skapt eina betri dystargongd enn tað sama. Tá Maradona við hondini skoraði, prógvaði hann fyrst og fremst, at hann var til reiðar at gera alt tað, sum var loyvt – og eisini eitt sindur meira – í royndunum at basa bretum. Og við seinna málinum vísti hann, at hann var heimsins besta spælari. Við níggju bólt­nertingum skoraði hann tað, sum av mongum verður mett sum vakrasta málið í HM-søguni. Og næstu vikuna staðfesti Maradona sína støðu sum tann einasti spælari, ið veruliga tolir at verða sammettur við Pelé. Hvør teirra var tann besti, eru minst tvær mein­ ingar um. Men tað kann staðfestast, at við Maradona á odda vann eitt annars meðal­ gott argentinskt landslið HM-heitið. Og hesa ferð uttan hjálp frá einum korruptum hernaðarstýri, sum fyri alt í verðini vildi syrgja fyri sigrinum á heimavølli. Eitt hernaðar­stýri, sum fekk sín stóra part av skuldini, tá illgitingar vóru um risa- sigurin hjá Argentina á Peru í 1978, og sum tryggjaði teimum vegin í finaluna. Hesa ferð var tað fótbólturin, Maradona og so eisini Guds hond, sum var í fokus. Og fyrr enn Messi hevur vunnið HM- heitið, vilja fólk í heimlandinum ikki somikið sum tosa um eina sammeting við El Diego. So kann Messi hava vunnið nóg so nógv annað enn tað, sum fall Maradona í lut. Hann kann seta tey met í málskjóting, sum honum lystir. Hann kann skikka sær nakað nógv betur uttan fyri vøllin, og hann kann spæla dreymafótbólt við Barcelona. Tað ræður um at vera tann besti, júst tá tjóðin hevur tørv á tí, og tað hevur Messi ikki megnað enn. Messi er ikki Maradona Bólkur F Tekstur: Jákup Mørk Hóast hann fýra ferði r er kosin heimsins besti spælari, so røkkur Lionel Messi framvegis ikki á mál í samanberingini við Maradona Bosnia-Hersegovina er helst sterkasta fót­bóltstjóðin av teimum londum, sum spurdust burtur úr, tá jugoslaviska lýð­ veldið skrædnaði. Og her hevur Bosnia-Hersegovina nakað at liva upp til. Gaman í vann Jugo­slavia ongantíð HM, men ikki færri enn sjey ferðir spældi landið seg til tey seinastu átta í endaspælinum. Seinasta ferðin var í 1990, tá liðið spældi framúr vakran fótbólt, men kortini mátti lúta fyri argen­tinskum brotsspørkum í 1/4-finaluni. Og so hevur Bosnia-Hersegovina eis­ ini nakað at prógva í mun til søguna. Við bronsuni í 1998 vísti Kroatia, at teir so sanniliga dugdu at standa á egnum beinum, og eitt av fremstu málunum hjá Bosnia-Hersegovina er, at landsliðið skal standa seg betur, enn nakað av fyrr­ vernadi jugoslavisku lýðveldunum hevur gjørt. Sterk HM-søga á Balkan 21 steyp hevur Lionel Messi lyft saman við lið­feløgunum í Barcelona. Hann hevur skotið 313 mál í 379 dystum, og hevur met sum mest skorandi spælarin í søguni hjá felagnum.