týsdagur 10. juni 2014síða 50

30 Sosialurin Mikudagur 11. juni 2014 Bólkur G Tekstur: Teitur Joensen Tað er ikki ofta, at brøður hava tikið lut í einum og sama endaspælið. Hetta er tó meira enn so komið fyri, men tað er tó ein meira enn óvanlig sjón, at brøður eru við í sama endaspælið, men ikki umboða sama land. Hetta er tó ein sannroynd fyri brøðurnar, Kevin-Prince og Jerome Boateng, sum umboða ávikavist Ghana og Týskland. Tað er bara eitt gott ár á muni millum teir báðar brøðurnar, sum báðir eru vaksnir upp í týska høvuðsstaðnum, Berlin. Pápin er tann sami, men hóast hetta eru teir báðir ikki vaksnir upp saman. Teir hava báðir búð hjá mammunum, men sambandið hevur altíð verið gott, og mest sum frá barnaárum hava teir báðir verið vinmenn. Áhugamálini hava eisini verið tey somu. Frá heilt ungum aldri fóru teir báðir at spæla fótbólt, og evnini hava altíð verið eyð­sýnd. Eldri bróðurin, Kevin-Prince Boateng, hevur nevniliga leikt fleiri enn 40 ung­dóms­ landsdystir fyri Týskland, meðan yngri beiggin, Jerome Boateng, hevur leikt fleiri enn 30 ungdómslandsdystirnar fyri Týsk­ land. Hetta hevur gjørt, at tað líka síðani hevur ligið í kortunum, at teir báðir hava havt eina framtíð á týska landsliðnum. Eldri beiggin ópopulerur í heimlandinum Men sjálvt um tað var væntandi, at báðir brøður­nir eina ferð skuldu umboða Týsk­ land, so bleiv hetta ongantíð veruleikin. Kevin-Prince Boateng hevði nevniliga trupult við at vinna sær pláss í hópinum hjá týska landsliðsvenjaranum, Joachim Löw, og stutt undan HM-endaspælinum í Suður Afrika í 2010 rendi hann seg í eina hending, sum ikki bara gjørdi hann ópopuleran í heim­ landinum, men sum eisini skapti eina spenta støðu millum teir báðar beiggjarnar. Í dysti fyri felag sítt Portsmouth, har teir møttu Chelsea í FA Cup-finaluni, endaði Kevin-Prince Boateng við at gera týska lands­liðsliðskiparan, Michael Ballack, skaddan eftir eina bæði óneyðuga og ófanta­liga takkling. Úrslitið var eitt slitið lið­band til Ballack, og eitt farvæl til HM hjá týska liðskiparanum. Av tí sama gjørdist Kevin-Prince Boateng ein ópopulerur maður millum týsku fót­ bólts­fjeppararnar, og ein av mongu kritikkar­unum var yngri beiggin, Jerome Boateng, sum úttalaði seg í ikki so vøkrum vend­ingum um óneyðugu takklingina. Ghana gjørdi sær dælt av støðuni Eftir hendingina og úttalilsini hjá yngra beiggja­num kendi Kevin-Prince Boateng seg órætt­víst viðfarnan, og hann kvetti í eina tíð sam­bandið við beiggjan. Um somu tíð setti ghanesiska fótbólts­ sambandið seg í samband við Kevin-Prince Boateng fyri at fáa hann at umboða Ghana í staðin fyri Týskland. Av tí at pápin hevur ghanesiskar røtur, so var hetta ein møgu­ leiki, og tað tók ikki langa tíð hjá Kevin-Prince Boateng at taka av hesum møguleikanum. Fáar dagar seinni var skiftið komið ígjøgnum, og Kevin-Prince Boateng var eins og Jerome Boateng klárur til sítt fyrsta HM-enda­spæl – ikki fyri Týskland, sum tað annars var væntað fá ár frammanundan, men fyri heimlandið hjá pápanum, Ghana. Tað sermerkta var, at Ghana og Týskland vóru endað í sama bólki, og tí brustu teir báðir beiggjarnir saman fáar dagar eftir nógv umtalaða skiftið, og her eydnaðist tað Týsk­landi at vinna 1-0. Nú eru fýra ár liðin síðani størstu krepp­ una í brøðra- og vinalagnum millum Kevin- Prince og Jerome Boateng. Stríðsøksin er langt síðani løgd á hillina, og teir báðir brøður­nir eru komnir víðari frá keðiligu hend­ingini við skaðanum hjá Michael Ballack. Enn eitt endaspæl stendur fyri framman, og luta­kastið hevur lagað seg soleiðis, at enn eitt stríð stendur fyri framman millum teir báðar. Týskland og Ghana eru nevniliga enn eina ferð endað í sama bólki, og spennandi verður at síggja, um tað hesa ferð verður eldri beiggin, sum megnar at toga sigurin í land móti favorittunum úr Týsklandi. Brøður í hvør sínari legu Ein hending undan seinasta HM-endaspælið skapti øsing millum teir báðar brøðurnar, Kevin-Prince og Jerome Boateng, sum annars altíð hava verið væl. Síðani tá er stríðsøksin tó løgd á hillina, men nú er tað áhugaverda so hent, at teir annað endaspælið á rað eru endaðir í sama bólki umboðandi ávikavist Ghana og Týskland 100 Týskland verður fyrsta landið, sum rundar 100 dystir í HM-søguni. Hetta hendir tann 16. juni, tá teir møta Portugal í teirra fyrsta dysti. Vertirnir úr Brasil runda eisini dyst nummar 100, men tað verður ikki fyrr enn 23. juni.